تكملة عذريتي مقابل برائتي قصة دارين والضابط الجزء 2
تكملة الجزء ال2👇👇👇👇
أيها الغائب
لقدجعلتني أدرك أن لا مكانة لي
لديك جعلتني أدرك كم انا تافهآ
بالنسبه إليك جعلتني أدرك أن أفكاري وظنوني ومشاعري
رخيصه ولا قيمة لها جعلتني
أنظر إلى نفسي بأحتقار لكنني
لست كذلك أحلف لك بكل أسماء الله الحسنى
أنني لست كذلك لم أكن إعلم أن اصراري
بالتواجد جانبك واهتمامي بك سيصلني
إلى هذا الحال
يارين - بعد ما عذبني عمار الي الله لا يوفقه ولا يشوفه يوم حلو بحياته واني منا تلطم بيه الدنيا ما ظل شي ما شفته بحياتي لهذا قررت اعتمد على نفسي وبعد ما ادخل اي رجال بحياتي وأصير قوية حتى أطلع حق ابني من عمار اما دارين كل ما اتصل عليها ما ألگاها ونقطعت اخبارها عني گلت احسن حل أروح أسال ام كرار
عسى وعلى عدها خبر عنها من اخوها فرقد الي الله ياخذه اخذة عزيز مقتدر
هذا كل الي صار وحتى من عرفت عمار على حقيقته صرت اخاف من فرقد على دارين منه بس المكتوب على الجبين لازم اشوفه العين.
واسأل نفسي يا ترى لو رجعت دارين على فرقد شنو مصيرها من بين افكاري صحيت على دگة الباب والوكت ظهر والدنيا حاره
طلعت لگيته كرار ابن ام كرار
گال - خالة امي تعيط وتبچي وابويه يگول اذا ما اصير زحمه تعالي شوفيها
گلت بگلبي حمد لله چنت أفكر بأم كرار أريد أروح عليها اجى ابنها عليه الله حقق الي بالي الظاهر ساعة استجابه لو داعيه على عمار وفرقد عسى الله يستجابلي
گتله - أوگفلي هسه أجي وياك
دخلت بلغت امي ولبست عباتي ورحت ويا كرار من وصلنه لبيتهم
دخلت ويا كرار لگيتها تعيط وتبچي وزوجها لازمها يريدها بس تسكت هو شافني
وگال- رحمه لأهلچ تعالي يمها والله فضحتنه الجوارين أجوي عبالهم احترگت
تقربت عليها وهي فلتت نفسها من زوجها وگعدت بالگاع تبچي
گعدت يمها وبقيت ساكتة وهي إلا خلصت بچي ورفعت أيدها من على وجهها
وگالت - يارين فدوه اني راح اموت والله اني الله ليش عاقبني اباوع على نفسي بالمرايه أخوف شعر ما عندي أگول الله يساعده لأبو كرار شلون متحمل يباوع بوجهي
گتلها -ام كرار إنتي راح ضيعين بيتچ ورجلچ بيدچ شوفي ام كرار هذا مو عقاب الچ هذا أمتحان والله يحبچ وامتحنچ بالدنيا حتى يجازيچ بالآخره وانتي ما راح تموتين انتي بمرحلة علاج وبس يخلص العلاج يرجع شعرچ ليش ضيعين الأول والتالي من أيدچ
وحبيبتي رجلچ يحبچ لا سوين هيچي بنفسچ وبي ترى الرجال بسرعه يمل
گالت -يارين ما فكرتي بعرضي عليچ
گتلها -ام كرار اني كرهت شكو رجال بالدنيا من ورا عمار لهذا أگلچ اني اخوتي ما بقى بيهم احد يمي والله وهبني ابو كرار اخ ونعم منه لا تفكرين بعد بهذا الموضوع بعد واني شلون ازوج واني لسة زوجةعمار حبيبتي ام كرار اهتمي بزوجچ أحسن
وهي حاولت ويايه بس اني ما قبلت بعدين سألتها على دارين
گالت ام كرار - والله الگعدة الفصل بين العشيرتين راح اصير نهاية هذا الأسبوع ونعرف شيصير بعدها ودارين اتصل على نفس الحساب بس ما متصل
گتلها - اني قلقه على دارين وين أختفت وليش ماكو خبر عنها واذا فرقد قبل ترجع يمه شراح يسوي بيها وهي مريضه
گالت -لا تخافين اني باچر اروح على فرقد واحچي ويا اشوف شنو ناوي يسوي ويا دارين وشنو غايته من الفصل
بعد ما حسيتها هدئت واستأذنت منها ورجعت على بيتي وطالما اني حياتي مليانه مفاجأت عرفت أثناء ما اني متواجده يم ام كرار مشرفنه بزيارته استاذ عمار بزياره غير متوقعه ولكون امي بدت تتحسن لهذا لسانه شوية ثگيل لهذا تحتاج وقت يلا افهم على حچيها والعرفته من امي انه عمار جاي يتفق ويايه حتى نوصل لحل يرضي ويرضيني
تعجبت شجاب عمار وقبلها بفتره هم أجى ماهر بقى بنفسي اريد أعرف هذوله متفقين لو واحد ما يدري بالثاني بقيت افكار تاخذني وتجيبني مره على عمار وماهر ومره على دارين إلي مستحيل اعوفها بيد فرقد مر ذاك اليوم ويوم ثاني واي خبر من عمار ماكو
وبيوم الثالث ندگت الباب بالليل من طلعت وفتحت الباب والله ظليت متفاجئه من الي شفتهم گدامي چانوا ساره وعمار
گتلهم - ليش أجيتوا المفروض أني أزوركم واجيب ويايه هدية هذا واجبي تجاه أبو أبني ومرة ابو
گالت ساره -احنه نريد نحچي وياچ شلون راح نظل واكفين بالباب
گتلها -ما دخلون تريدون تحچون احچوا هنا لان ما أثق بيكم
گال عمار - انتي مو مال احترام
دفع الباب ودخل وصاح على ساره تدخل
دخلوا ورا الباب واني واگفه مقابيلهم
گال عمار-شوفي يارين خلي نتفق احسن انتي وين تريدين توصلين بالقضيه ترى ما تحصلين شي فكري بعقلچ
گتله -اي استاذ عمار وشنو الحل برأيك
گالت ساره - احسن حل اخذي علاجات مال اسقاط
گتلها -دكتوره ساره وشلون اخذ مال اسقاط واني نهاية شهر السادس
گالت -اذا الطفل چبير يقتله للطفل وهمه بالمستشفى ينزلوا الچ وتخلصين ويعني حتى اذا جبتي وين تودي
رجع عمار كمل وراها گال -شوفي يارين مال اعترف بي بالمحكمه مستحيل روحي يا بنت الناس تخلصي منه والله احسلچ ولا تصورين المحكمه راح تگدر تحميچ مني إذا اريد اسوي بيچ شي والله لو جيش يحموچ ماكو واحد يخلصچ مني روحي نزلي وانطيچ مبلغ محترم تعيشين بي انتي وامچ وجهالچ احسن ما تخلفين طفل يزيد همچ
بصراحه ما أنكر الخوف الي سيطر عليه من التهديد بس تظاهرت بالقوه وگتله -والله انت وزجتك تضحكون واحد يرفع واحد يكبس والله شيطلع بيديكم لا تقصرون بي
گال -يعني إلي أفهمه انه انتي رفضتي العرض
گتله- والله انت فهمك على گدك راح احچي بالقلم العريض اي رفضته واني ادري بيك خايف من المحكمه بس والله الا اجيبك للمحكمة وتتعاقب على كل جرائمك
ضحك وگال - اذكري يارين اخليچ تبچين بدل الدمع دم وعد رجال
وعافوني وراحوا
دخلت للبيت والأفكار تاخذني وتجيبني بس اني بقيت اقوي نفسي بس بقى الخوف مسيطر عليه بعدين دفعت ثمن رفضي غالي
خلص ذاك يوم حاله حال اي يوم كئيب من حياتي ومر اكثر من يومين واني بين البيت وبين الجهال وأمي للظهر دى نتغدى ندكت الباب طلع ابني فتح الباب ودخل يركض
يگول -هاي خاله ام كرار اجتي
دخلت ويا گعدت شربت مي وگالت -چنت البارحه يم اهلي ودخلت لشارعهم لو الأمة مگلوبه سيارات وزلم تارسه الشارع
گتلها -ليش شكو شنو اخوچ راح يسوي جيش يحرر بي فلسطين
گالت -لا لچ بس الشيخ جايب ويا هوايه زلم حتى بس فرقد يرضى يطلع أبنه من السجن
گتلها - والله اني لو بمكان الشيخ اخلي ابني ينسجن ولا أتوسل بفرقد بس هي الدنيا تمشي بالمگلوب فرقد صار صاحب حق والناس والشيوخ تتوسل بي حتى يرضى حمد لله على نعمة العقل
گالت - ولچ هو فرقد شوية حتى انتي تحچين عليه
بعدها راحت ام كرار بس حسيتها ضاجت لكون حچيت على فرقد
گلت بگلبي هسه اني شكو حچيت على فرقد هسه لو سألتها على دارين احسن ألي يلا باچر أروح اسأل ام كرار بعدها خلص يومي
بس امي لسانها لكون ثگيل بصعوبه يلا افهم عليها بحيث اكثر المرات تگوم تعيط ودگ على راسها لكون ما افهم عليها
لهذا لليل يلا فهمت شبيها من دموعها نزلت وبصعوبة تحچي
وتگول - وين دارين
گتلها - انتي أمها ادعيلها اكثر شي تحتاجه دارين هو الدعاء
ظلت تهز براسها وتبچي بس اني هدئتها انه دارين بصحة وخير وانه راح تجي زورنا عن قريب خلص اليوم وأني الصفحه الي حچيت بيها ويا دارين ماكو انغلقت أتصل وماكو يعني ما بقى بس الله وفرقد الي يعرف اخبار دارين وما معقوله اسأل فرقد إلا واني مخبله يلا أروح أسأل على دارين يمه
على ثاني يوم رحت على ام كرار بس وجهه ثگيل سلمت عليها وگعدت سألتها- شبيچ ام كرار شو اليوم مو على بعضچ واحسچ ضايجه مني
گالت -شوفي يارين اني احبچ انتي ودارين مثل أخواتي الله شاهد عليه بس انتي دائمآ تنسين أنه فرقد اخوية فرجائآ لا تحچين عليه گدامي
گتلها - والله موقصدي بس كل ما أذكر شلون چان يعامل دارين أنسى إنتي أخته واظل احچي
گالت -شوفي يارين ترى فرقد ما اصرف ويا دارين بهاي الطريقة الا من ورا لسانها وتصرفاتها والا وربچ ترى هو يحبها ويعبدها عبادة بس هي ما عرفت تستغله لصالحها گاضيتها كله لسانها اطول منها ومع هذا والله چنت اني ما عايفتها
گتلها -اعذريني والله ما قصدي بس فدوه اجيت اسالچ سألتي فرقد على دارين والله گلبي مثل النار عليها
گالت -والله سألت فرقد عليها
يگول فرقد -هي مخابرته وتتوسل بي يعوف ابن الشيخ بس هو ما قابل ومن اجوي يعقدون ويا صلح هو شرطه الا فصل ويفصل الشيخ شلون ما مبلغه انه دارين يمه والاعتداء الي صار عليه من ابن الشيخ
گتلها -فدوه ام كرار شلون دارين ترجع يمه وهو يشك بيها
گالت -والله سألته نفس سؤالچ بس هو
يگول -اي شي يصير بيني وبينها ما اريد اي شخص يدخل
گتلها -ما سوينه شي راح ترجع تحت رحمة فرقد يعني ترجع حليمه لعادتها القديمه
عذريتي مقابل برائتي بقلم الكاتبة الزهيرية الزهيرية
رجعت لبيتي واني همي أعلى من راسي شلون ياربي احير بروحي أحير بدارين والمن انطي وجهي واني وحدي هو عمار نقيب ما أگدر عليه أنوب فرقد عقيد والله اني گد ما دارين تخاف منه اني هم گمت اخاف منه مرت ايام بحدود أسبوع وصارت الگعده مال فرقد لان قبل الگعده بيوم اجتي عليه ام كرار وبلغتني انه باچر الفصل
وگالتلي ام كرار -انه البيت راح يصير هوسه وهي راح تروح يمهم
وبالفعل راحت ام كرار وجان يوم جمعة اني يوم السبت رحتلها
وسألتها - شلونها الگعده مال الفصل
گالت ام كرار - والله شگلچ يگول ابو كرار فرقد ما انطاهم مجال ركبهم الغلط من راسهم لرجلهم
گتلها -وشلون ركبهم الغلط
گالت - حاسبهم حتى على كلام ابنهم وفصلهم مرتين مره على ما مبلغي دارين يمهم ومره على محاولة قتله من ابن الشيخ وشرط عليهم رد اعتبار يدفعون 250 مليون بس الناس الخيره مدخله ومسوين الفصل 150 مليون يندفعن لفرقد وترجع مرته بعد ما حلفهم گدام الكل هي من يا يوم هي عدهم والشيخ وابنه سيف حالفين بكلام الله يايوم اجتي هذا اليوم نفسه الي طالعه بي دارين من بيت فرقد حتى بيش ساعه وأصله إلهم هم محلفهم عليها وشرط عليهم ترجع بنفس الملابس الي طلعت بيهن ومن طلب منه الشيخ يجي ياخذها گايل الهم مثل ما طلعت وحدها ترجع وحدها
گتلها -يعني دارين راح ترجع على بيت فرقد
گالت -اعتيادي غير زوجها ويسلموها اله
گتلها -وترجع على نفس الوضع والمشاكل
گالت - لا تخافين اني بيوم الي تجي اكون بيت أهلي وما اخلي فرقد يأذيها
عذريتي مقابل برائتي بقلم الكاتبة الزهيرية الزهيرية
مر يومي بتوتر اريد اعرف يا يوم تجي بي دارين لبغداد لأن اريد اشوفها قبل ما تدخل لبيت فرقد
بس يا ربي ألمن أسأل حتى ام كرار ما تعرف شوكت تجي
مر يومين وباليوم الثالث من الصبح اجتي ام كرار وخطيه بنفس اليوم عدها جلسه مال كيمياوي
گالت -يارين اجيت أبلغچ اليوم يجيبون دارين لبيت فرقد
والله انصعقت لهذا الخبر
گتلها -منو گلچ
گالت -امي كالت متصلين على فرقد ومبلغي من البارحه انه اليوم يجيبون دارين
گتلها -يعني بيش ساعه توصل
گالت -هي وحدود الساعه الواحدة الظهر
گتلها -ام كرار وانتي ما تروحين شوفيها اخاف فرقد يضربها والله مريضه
گالت -والله اليوم عندي جلسة ان شاء الله بس تخلص الجلسة أروح على بيت أهلي
وخطيه هي راحت وبقيت اني خلصت البيت تنظيف وطبخ وحتى غديتهم من وكت حتى ما بلغت امي برجعت دارين بدلت ملابسي
وگتلها - راح اروح على بيت ام كرار لأن اليوم جلستها
طلعت وخذت تكسي ورحت على بيت فرقد وصلت ظليت متردده ادگ الباب لو لا بس شجعت نفسي وگلت وعليمن خايفه اختي عدهم وأريد أشوفها دگيت الباب وطلعت اخته ظلت تباوع عليه وتهز بيدها
سلمت عليها ما جاوبت
گتلها - أريد اشوف دارين
گالت -بعدها ما اجتي وياريت إذا شريفه ما توصل لبيتنه
بعدني اريد اجاوبها سدت الباب بوجهي ودخلت
گلت -بگلبي الله يساعدچ دارين شلون چنتي عايشه وياهن لا والمصيبه شلون راح ترجع وياهن الچ الله يساعدچ ظليت مثل بلاع الموس لا أگدر اطلعه ولا أگدر ابلعه لا أگدر ارجع للبيت ولا أگدر أبقى واكفه بابهم بس الجو حار بداية شهر آب ابتعدت من بابهم البيت الي مقابيلهم عدهم شجره رحت وگفت جوه الشجره مر وقت وگفت سياره بيضاء عاليه حديثه ونزلت منها الباحثه ودارين وياها وحده چبيره بالعمر وياهن ولد شاب بقى گاعد بالسياره ما نزل اني اول ما شفت دارين رحت ركض عليها وهي هم فتحت حضنها اليه وحده حضنت الثانيه بقوه وظلينه نبچي واني أمسح بدموعها
گتلها -دارين عوفي فرقد وتعالي ويايه وطلگي منه واخذي جهالچ
وقبل ما جاوبني دارين جاوبتني العجوز
وگالت -عيني احنه ما اجينه نسلمها الچ نسلمها لزوجها وبعدين انتي صيري سباعيه واخذيها منه احنه هنا عبد المأمور ونفذ الإتفاق
گتلها -خاله والله يموتها انتي صيري محضر خير
گالت - يع اني كل الخير اجى ويايه حتى من اجيت للدنيا العراق جان مملكه صار جمهورية اكو اكثر من هيچي خير
جوابها الولد الي گاعد بالسياره
گاللها - والله رازقيه انتي هسه من الآثار حتى جنسيتچ خشب
وگالت رازقيه -اسكت انت تمام
وعافتنه وراحت دگت الباب سمعنه صوت وحده الله يستر عليها الي قبل شويه طلعت إلي وهي تگول انتظروا جايه
گالت دارين - هاي قمر اخت فرقد
گتلها -هو فرقد شلونه دى أخته
فتحت الباب وشافتنه گالت - چانت عايزه والتمت
گالتها رازقيه - انتي صدگ ما عندچ أدب جايين من طريق طويل گولي آهلًا تفضلوا
گالت قمر - كورونا ما نستقبل احد وحتى هي اخابر اخويه وأبلغه زوجته المصونه رجعت
وموبايلها بيدها خابرت على فرقد حچت ويا وگالت راح أفتح مايك وانت احچي
وبالفعل فتحت المايك گال فرقد - قمر تدخل تبقى ورا الباب الى ان أجي اني مفهوم
وغلق الموبايل
گالت قمر - سمعتوا يلا دخلي دارين خاتون
هنا تخبلنه كلنه الدنيا حاره وهي مريضه
گتلها -دارين عوفي هو يريدچ يجي عليچ
گالت دارين - اني راح اتحمل كل شي لخاطر أطفالي
دخلت دارين وقمر سدت الباب بوجوهنه بس اني ما سكتت ظليت ادگ بالباب ورجعت قمر فتحت الباب وهي
تگول - وجع امي مريضه تريدين اخذي اختچ وخلصينه
ورازقيه تگول - يع مسميچ قمر والله هذا الاسم هوايه عليچ المفروض يسموچ قهر مو قمر
وهي تجاوب رازقيه - تگلها يلا اخذي هاي وياچ عليه وفارگونه
جاوبتها رازقيه -الله يساعدچ مصارين على هاي البلوه
وراحت الباحثه ورازقيه صعدوا بالسياره ورازقيه
گالت الي - تعالي ما يفيد الحچي وياهن اصعدي نوصلچ لبيتكم حتى نشوف زوجها شيسوي وياها
صعدت وياهم واني بالطريق اتصل على ام كرار بس ما أجاوب
وصلوني لبيتي وهمه راحوا
دارين - بعد ما دخلت اذا اگول اني ما خايفه اچذب على روحي والله بدون مبالغه احس گلبي راح يطلع من صدري ورجلي يرجفن من الخوف وشلون راح أواجه فرقد وقمر واگفه گدامي ونظرة الكراهيه بعينها ولو بدها تشرب من دمي
گالت -اي ست دارين رجعتي ولا هلا بيچ هااا عافچ طارق بعد ما شبع منچ
گتلها - بس اريد اعرف انتن تچذبن الچذبه وصدگنها اني من طلعت من البيت مو چنت وحدي وين بعد اشوف طارق خافن ربچن ترى الله گاعد على حق مو باطل
گالت - هذا الحچي قنعي بي روحچ
وعافتني ودخلت للبيت واني بقيت بالگراج والدنيا حاره تسمط وين اروح ما أعرف ورحت دى أغسل من بوري وهو صاير قريب على شباك الاستقبال نرفعت الستاره وشفت العدوه الأولى حياة ظلت تباوع عليه ونظرة شماته بعينها دنگت على البوري دى افتحه وطفى
الماطور من فتحته ماكو مي لان من ماكو ماطور مي ماكو گعدت قريب الحايط لان الوجع بخاصرتي صار ما ينحمل بس أكيد وجع روحي أكبر
واني صافنه سمعت صوت أبني يبچي ويصرخ ظليت ادگ بالشباك وصيح على قمر
وأگول الها - ولچ قمر انطيني أبني وحق الله هسه اعيط وألم الجوارين عليچ
وهي فتحت الشباك وشوفتني أبني وضربته على قوي على وجهه لو شاغت روحي
من حرگت گلبي گتلها - حقچ ما تعرفين شنو يعني أمومه لان الله خلاچ عاگر وتاليها حتى زوجچ عافچ هاي عدالة رب العالمين حتى يشوفچ إلي زرعتي هسه حصدتي
وهي تخبلت واسمع عمتي تگللها - ولج قمر كافي ارحموا من في الأرض يرحمكم من في السماء ولچ خطيه هذا الطفل شنو ذنبه تضربين بي ذيچ امه وروحي موتيها هذا شعليه
صحت -عمه اروحلچ فدوه لا تخلين قمر تأذي بروقي
وظلت قمر تغلط عليه وعمتي تريد بس سكتها واني صحت على عمتي گتلها. -عمه فدوه والله عطشانه اريد بس اشرب مي
جاوبت قمر - ننطيچ سم والله الي ينطيها مي هسه احرگ البيت بيكم كلكم
عمتي گالت -الچ الله يمه وگعتي بيد الي ما يرحم وهسه بعد شويه يجي ذاك المخبل شيخلصچ منه
ظليت گاعده وأفكر شلون ياربي دخلت عرين الأسد برجلي شلون راح أواجهه فرقد اني إسمه يرعبني أنوب أصيرگدامه ألا ما رايده روحي ساعه أگول أتوسل بي يعوفني وساعه أقوي نفسي واگول اني من شنو خايفه اني ما عندي شي وبقيت الشمس تصگع بيه وتفكير أكل راسي ما اعرف شگد مر وقت ما حسيت الا الباب الرئيسي أنفتح وصار گدامي فرقد والله لو ملك الموت ماخذ روحي ولاشفت فرقد
وهو شافني عگد حواجبه وفتح الباب ورجع دخل سيارته وسد الباب وأجى عليه بس بعد ماكو مهرب وين أروح ونطبق عليه المثل إلي يگول اجاك الموت يا تارك الصلاة يعني العدو امامكم والبحر خلفكم وين أريد اروح يعني
وصل يمي وهويگول -هااا شفتي شگد تروحين وتنهزمين ترجعين على سجن فرقد لان انتي (سجينة فرقد )
گتله- والله فرقد
بعدني ما مكمله جملتي ضربني على حلگي بظهر أيده وهو لابس محبس حتى شفتي نجرحت من محبسه
وهو يگول - لا ذكرين اسمي على لسانچ اكره اسمع اسمي بصوتچ
گتله - فدوه فرقد اريد أشوف ولدي وشتريد سوي بيه
گال -لو تموتين آي ولد ما عندچ يمي فهمتي انتي حيوانه وراح ارجعچ لسجنچ
جرني من أيدي لناحية بيت سنان ومنتهى گلت شنو راح يعاقبني ويخليني أعيش ويا المسمومه منتهى
گتله - لو تموت ما اعيش ويا منتهى حتى تجي يمها گدام عيني وتحرگ گلبي
گال -اخر همي انتي ليش هو اني اريد اشوف خلقتچ حتى احرگ گلبچ
گتله -فرقد أبوس أيدك عوفني والله بعد ما أتحمل
گال - تحلمين والله ألا اشوفچ نجوم الظهر واخليچ تتمنين الموت وما تلگي
وصلني يم باب الصاله مال بيت سنان وطلع كومة مفاتيح وطلع مفتاح الباب وفتح باب ودفعني ودخلني بس تفاجأت ما شفت منتهى والبيت فارغ حتى أثاث مابي
بصراحه الحر ويا العطش ويا الخوف گامت تجيني تخيلات عجيبه غريبه گلت بنفسي هسه أكيد فرقد يقتلني ويدفني هنا وماكو احد يدري بيه بس ارجف والوجع رجع بخاصرتي
گتله - فرقد الله يخليك والله خاصرتي توجعني جيبلي علاج
گال - لو تموتين اني اجيبلچ علاج ألا اخليچ تموتين گدامي وهسه يلا نصفي الحساب الي بينه
يحچي ويتقدم عليه والله ما ابالغ اذا اگول روحي وصلت لحنجرتي رجعت ولزگت ويا الحايط
گتله -يا حساب
گال - شوفي راح اسألچ بس أي سؤال أسأله اجاوبين عليه والا قسم بالله اخليچ تتمنين الموت وما تلگي
عذريتي مقابل برائتي بقلم الكاتبة الزهيرية الزهيرية
گتله - والله الوجع الي عندي بعد ما أتحمله
ضربني على حلگي وگال - اعتبريني طارق لو تمام إلي نايمه بحضنه صار 6اشهر وألي چان راح يموتني حتى تبقين يمه لو نشاطچ القديم ألي حنيتي اله وهذا نضاف لقائمتچ لأن الشيخ انطاني تليفونچ
وما شاء الله لگيت واحد جديد مكنكه ويا بس گليلي شنو ما شبعين من الزلم انتي لازم من حضن لحضن بنت الگوا ....
وبدا يضرب على وجهي وعلى راسي وخنگي حسيت روحي راح تطلع بيده واني صار ايام علاج لخاصرتي ما ماخذه گمت اعيط وابچي وأگله - الله يخليك بس اريد علاج والله راح أموت
بس هو ما أهتم دفعني وطلع بس سمعت صوت المفتاح من قفل الباب
وعافني ما أدري أدعي على نفسي ما أدري أدعي عليه ومنا العطش والجوع موتني شفت البيت فارغ كل شي مابي اگول ياربي هاي المسمومه منتهى وين ولت شو بيتها فارغ گلت بلكت الله وطردها
وجع خاصرتي يروح ويرجع ما اعرف شگد مر وقت ساعتها زاد وجع خاصرتي گمت أعيط بخبال سمعت باب يندگ وصوت
ام كرار تگول - دارين افتحي الباب لچ شبيچ
گتلها - ام كرار الله يخليچ اريد علاج والله راح اموت من خاصرتي وفرقد حابسني هنا الله عليچ والله عطشانه اريد مي
بعد ما سمعت صوت ام كرار بس سمعت صوت فرقد وهو يصيح بأم كرار ويگول - ولا واحد يتقرب عليها والله احرگ البيت بيها الي يوصل يمها
وام كرار جاوبه - الله واكبر عليك حرام عليك حابس هاي البنيه ودگ عليها وما تريدها تنهزم منك البنيه عطشانه والوجع ياكل بجسمها سويها لله وانطيها مي وجيب علاج ألها أعتبرها صدقة عن راس جهالك
وهو يجاوبها - لو تموت گدامي ما اجيب اي شي ألها
وبدا الصياح بين أم كرار وفرقد وسمعت صوت عمتي وهي
تگله - والله يا فرقد اذا ما فتحت الباب لدارين هسه احرگ نفسي وخطيتي برگبتك ولك وتالي وياك البنيه راح تموت وتدخل بخطيتها
وهو يجاوبها -اني اريدها تموت ولا واحد يتدخل
وعمتي بعد ما سمعت صوتها بس سمعت من ام كرار گامت تعيط
ما مر وقت طويل حتى سمعت المفتاح الباب وهو يفتح الباب ودخل فرقد اني
گتله - الله يوفقك والله خاصرتي راح اموت حتى اكل ومي ما أريد بس علاج
وهو أجى يعصر بفكي
ويگلي -أشششش صوتچ القبيح ما أريد أسمعه
دخلت ورا ام كرار واجتي سحبته مني وهي
تگله - بس گلي انت ما تمل عوفها
وهويگلها - والله لو أشرب من دمها هم ما يهدالي بال
اجتي عليه ام كرار بوستني گالت - انتي شنو تاخذين علاج
گتلها - والله ما أعرف أسمه لإن تمام أبن الشيخ هو چان يجيبه إلي دكتور وصفه إلي من جان يوديني
عذريتي مقابل برائتي بقلم الكاتبة الزهيرية الزهيرية
اني گلت هيچي لو الله بلاني گبل هجم عليه فرقد وهو
يگول - إي بنت الگوا..... وين چان يوديچ وشسويتي ويا چان ينام وياچ
ورجع ضربني على راسي وخنگني ورجعت ام كرار أجر بي وبعدته عني وهي تگله - عيب عليك ترى أنت ما تستحي
وهو اجي يجر بيه من أيدي وهو
يگول - اريد أخذها للمختبر أحللها خاف حامل
جرتني منه ام كرار وهي تگله- يمعود بس أطلع أريد اشوف دارين شبيها
بس هو رفض لا يطلع ويعوفنه وحدنه ولا يوديني للدكتور
گالتله ام كرار- انطيني رقم الشيخ أني احچي ويا حتى بس ينطوني أسم العلاج
بس هو صفن اني أخاف من يصفن لان يطلع بأفكار شيطانيه بعدين
گال - لا عليمن دارين تحچي ويا تمام وتگله ينطيها أسم العلاج
گتله - بس اني ما أعرف رقم تمام
گال - لا تخافين اني موجود يمي الرقم
بقيت متفاجئه هذا منين جاب رقم تمام وبنفس الوقت خايفه ما أريد احچي ويا تمام لان اعرف من احچي ويا شراح يگول
والله شگد جانت خاصرتي توجعني بس من طلع موبايله فرقد وطلع رقم تمام الخوف تملكني وما أبالغ اذا أگول الآية ألي تگول وبلغت القلوب الحناجر تنطبق عليه حتى رجلي يرجفن وحتى أحس الوجع الي بخاصرتي يخاف من فرقد وراح أختفى الوجع
گال - ام كرار موبايلچ حتى تتصل دارين على تمام من موبايلچ
گتله - ما اريد علاج طبت لا تتصلون عليه
وهو ظل يباوع عليه بنظرة شك بس
گال - لا شنو أخليچ تموتين لا والله الا تاخذين العلاج مال تمام لأن يشفي بسرعه ما شاء الله حتى اسمه يشفي هسه بس سمعتي اسمه شفيتي
ظليت ساكته ما جاوبته وهو اخذ موبايل ام كرار وكتب رقم تمام وأتصل بس فتح مايك واجى أتقرب عليه وخله الموبايل قريب على وجهي وتمام فتح الإتصال وجاوب
گال - نعم
اشارلي فرقد بمعنى احچي گتله -السلام عليكم
گال تمام - دارين شلونچ گليلي أذاچ هذا العار عوفي وطلگي منه تريدين ارجع عليچ هسه اني بعدني بالطريق راجع للناصريه
بعدني ما حچيت شي ضربني على وجهي فرقد بظهر ايده
والله حسيت عيوني راح تعمى من قوة الضربه
جاوبه فرقد - لك عار أبن العار مو جبت عشيرتك كلها تبوس قنادرحتى بس اتنازل عنك بس أني أعلمك وشوفك فرقد منو
وغلق الموبايل بوجهه تمام وشمر الموبايل على ام كرار ورجع عليه
وبده يضرب على وجهي وعلى راسي من وجع خاصرتي وضرب فرقد گعدت بالگاع گمت ما احس بشي
وهو يگول - ما شاء الله حافظ صوتچ بنت الگوا.... شعندچ ويا احچي ولچ
جرته ام كرار مني وهي تگول - يمعود راح تموت بيدك
وهويگلها -والله الا اطلع حليب امها من خشمها
وهذا چان آخري ويا وجع خاصرتي گمت أعيط وحتى طلعت ارگض من بيت سنان للحديقه والله آلم الخاصره الله لا يشوفه لأحد گعدت بالحديقه واني راسي بين رجلي من الوجع وهو ما قبل ياخذني للدكتور وچان يصيح الله أكبر آذان المغرب رفعت راسي للسما گتله - ربي أخذني يمك انت ارحم بيه من كل بشر
خطيه ام كرار ما سكتت هاي الانسانه الي شما أوصف حنيتها قليله بحقها كافي وكفت بوجهه فرقد على مودي خابرت على ابو كرار وطلبت منه يجي ياخذني
بس فرقد ما قبل وگال - هسه اني اوديها بلكت مناك وانحرها للنجف
راح جاب سويچ سيارته راح صعد بالسياره واني ام كرار لازمتني من أيدي وهم نفس الوضع السياره عاليه وفرقد من شافني ما أگدر أصعد نزل وأجى دفعني دفعه من قوتها الله شاهد وگعت وحافة الكشن مال السياره صار بخاصرتي صار الوجع اقوى عطت
وهو صاح بيه گال - مرض صوتچ لا يعلى لا وشلون صوت مال گحا...
جاوبته أم كرار - الله وأكبر يمعود ارحم بهاي المسكينه حتى الله يرحمنه من هيچي الله ما راحمنه من عمايل ايدينه
وهو من حچت ام كرار سكت وظل يهز براسه بس يباوع عليه بالمرايه ونظرات الكره بعيونه واني من وجع خاصرتي احس جسمي خدر لما وصلنه لمستشفى أهليه نزلتني ام كرار وهو دخل ويانه دخلت يم دكتور هم شرحتله الوضع مالتي
وهم نفس الوضع تحاليل وسونار بس
گال الدكتور - راح انطيچ علاج اذا شفتي عليه تحسن كان بها ما شفتي عليه تحسن احولچ على دكتور بالحارثيه هو برفسور وشوفي شيگلچ
عذريتي مقابل برائتي بقلم الكاتبة الزهيرية الزهيرية
جاوبه فرقد - بلا زحمه احنه ليش جايين عليك غير انت دكتور شنو احولكم على دكتور لعد حضرتك شتشتغل
جاوبه - اخويه اني دكتور صح بس ذاك بوفسور يعني حتى مستشفيات بالخارج يتعامل وياها لهذا هو انسب مني
گاله فرقد- أنسب منك شنو دى انطيكم مره
رجع نتر بينه گال - يلا امشوا
بس قبل ما نطلع دكتور گال - اخويه بلا زحمه لازم تتحول على الطوارئ حتى يعلگون الها مغذي وبي هاي الأبره
وام كرار اخذت منه الوصفه ورجعنه رحنه للطواورئ علگولي المغذي بين ماهي جابت الابره ضربتها الممرضه بالمغذي قبل ما يخلص المغذي سكن الآلم العندي خلص المغذي اجتي ام كرار گومتني وتمشي بيه من طلعنه وهي
تگلي - أدعيلي الله يشفيني دارين
بعدني ما مجاوبتها اجاني صوت فرقد وهو
يگول لأم كرار - والله لو اني منچ أطلب من بنت ملهى تدعيلي ولا هاي ليش شايفتها خطيه تلزم السجاده وكل مية ركعه تركع وما تعوف السجاده الا وهي خيوط اسكتي رحمه لدينچ
گالت - المريض رب العالمين يسمع من لكون يتآلم
چان يگول فرقد -بهاي حقچ الله يسمع ويشوف واحنه هم
نشوف
ويأشر بيده
أنتبهت وين يأشر فرقد شفت شخص ما كان ممكن اتوقع هذا الشخص اشوفه بهذا المكان
بقلم الكاتبة الزهيرية الزهيرية
عذريتي مقابل برائتي
مدري شبيه گمت ما اشتاگ
عمر تانيتك ومليتك بسرعه
من شفت ع عينك لو غير عيون
غسلة جفوني منك 12 دمعه
وأني لخاطرك خنت الوفه وياي
من اوگع يعني حيل وياي استاهل الوگعه
يارين - بعد ما دخلت دارين البيت فرقد يم حجر الثعابين الي يمه واني گاعده على نار احس نفسي بركان وأريد أنفجر ومن صعدت بالسياره ويا الباحثه ورازقيه آخذت الطريقة كله تحچي على قمر على شلون مسميها قمر المفروض يسموها غيوم مو قمر
وتگول - الله يساعدچ مصارين هسه إذا يذبحوها هم ماكو واحد يدري بيها
أنوب خلتني بواهس شلون اذا يؤذوها وهي مريضه وجان الولد الي دى يسوق بقلم الكاتبة الزهيرية الزهيرية
گال - اختي بلا زحمه انتوا شنو ماعدكم أحد
گتله- لا والله اخويه الله غضب علينه أبويه مات وإخوتي واحد نعدم لأن الي قتل أبنهم عدهم گرايب بالدوله مسؤولين ومن المختار راح عليهم دى يتفق وياهم على شغلة بيتنه شرطهم چان فصل ولكون ما عدنه أحد واني وأمي ما نفهم بهيچي شي ماكو أحد عرف انه لازم من ياخذون فصل لازم يتنازلون وهمه اخذوا اكثر فلوس البيت وطلعوا ما متنازلين عن القضية ومشوها وبفضل گرايبهم جابوا حكم إعدام اله ونعدم وإخواني إثنين الباقين نهزموا لتركيا وبعد ما سمعنه اي خبر عنهم بس قبل فتره عن طريق طليقي إلي هو ابن عمتي وطلگني من صارت شغلة دارين وهو هم سافر عرف عن طريق جماعه هناك يعرفهم أنه اخواني طالعين تهريب عن طريق البحر وبعدها أي خبر عنهم ماكو
گال تمام - يمكن غرگوا بالبحر حالهم حال هوايه غيرهم
گتله - والله بعد العلم عند الله
رجع گال - عمام خوال ماكو احد عدكم عشيرة وآني مستعد أروح احچي وياهم
گتله - حمدلله أمي ايرانيه ومانعرف خوالنه وعدنه عمام بس متبرين منه ومن أبويه على حادثه صارت قبل ويا عمتي وخالي وهسه اذا يشوفونه بدهم يحرگونه
گال - وعد عيناچ اني اخوچ تريدين تنتقلون يمنه بالناصريه والله نحطكم على راسنه
گتله - تسلم راسك سالم
گال - أختي بلا آمر عليچ بس اريد انطيچ رقمي والله عليچ شتحتاجين اتصلي عليه والله لو بأخر الدنيا هم اجيكم
انطاني رقمه وانطيته رقمي وصلوني لبيتنه وراحوا واني دخلت وظليت اتصل على ام كرار اريدها جاوب صارت الأربعة وام كرار لا حس ولا خبر واني ألوب بس اريد احچي ويا اريدها تروح شوف دارين خاف سون بيها شي إلي ما يخافن من الله لأن رازقيه خلت بيه واهس
وكل ما أريد أسوي شي بالبيت ارجع اعوفه گد ما عقلي كله يم دارين صار المغرب بعد ما اتحملت لبست عباتي ورحت على بيت ام كرار بس ما لگيتها بس ابو كرار
گال - والله راحت لأهلها علمود دارين رغم ما هي اليوم ماخذه جرعة الكيمياوي بقلم الكاتبة الزهيرية الزهيرية
گتله - فدوه ابو كرار بس أتصل على ام كرار وسألها على دارين شلونها والله بالي يمها وام كرار عليه ما دى جاوب
گال - طالما ما جاوب يعني صايره حرب العالميه الثالثه هناك لان فرقد مو بسهوله ينسى وخصوصًا بعد ما كانت الناس تعايره بيها انتظري هسه اجيب الموبايل وأتصل عليها لان ام كرار اتصلت عليه قبل شويه گالت تعال حتى ناخذ دارين للمستشفى
گتله - رحمه لأهلك اتصل عليها وشوفها بيا مستشفى
دخل ورجع جاب الموبايل واتصل عليها من سألها على دارين
گاللتله - والله دارين اني وياها بالمستشفى لأن كليتها منتهيه والوجع موتها
رجع سألها على المستشفى وانطته العنوان وچانت مستشفى أهلي
تشكرت من أبو كرار ورجعت ركض للبيت بس شنو دموعي على دارين ما وكفت من دخلت للبيت وشفت أمي گلت بنفسي لازم اگول الها على دارين تبقى هي أمها وعسى دعوه من عدها وتشفى دارين
وهي شافتني ابچي ظلت تهز براسها بمعنى شبيچ
من گتلها على دارين بالمستشفى ظلت تعيط وتدگ على راسها وگامت وگفت ولان هي بعدها أعصابها مو قويه وگعت واني ساعدتها گومتها ورجعتها للكرسي المتحرك
وگتلها - هسه اخذچ إلها حتى شوفيها
رجعت اتصلت على ابو كرار حتى يجي كرار ياخذ الجهال يمهم
وهو هم ما قصر دزلي كرار اخذهم اني طلعت امي واخذنه تكسي ورحنه للمستشفى من وصلنه ساعدت أمي ونزلتها وگعدتها على الكرسي المتحرك ودخلنه وسبحان الله صار بوجهنه فرقد حتى ما تعبنه نفسنه وسألنه وچانت وام كرار ودارين ظهرهن من جهتنه لهذا ما شافنه بس هو
گال - اي الله يشوف واحنه هم نشوف
انتبهت علينه دارين ومن شافت أمي ظلت متفاجئة بس ما طولت هوايه اجتي حضنت أمي وظلت تبچي وامي هم حضنتها ودموعها تجري لان احنه شبه معجزه رجعت دارين ما چنه متوقعين راح نشوفها
گتله لفرقد - شسويت بيها وليش جبتها للمستشفى والله هسه أخليها تشتكي عليك
ضحك فرقد وگال - والله القباحه ألها حدود بس انتن تعديتن الحدود كلها وصلتن بالقباحه رون سايد
گتله - شوف مو عبالك تهددنه ترى احنه ما نخاف منك
گال - شوف يا شريفه دى تحچي ولچ انتي شحال مو عمار لعب بيچ لعب ولهسه تركضين ورا مثل الچلب حتى بس تثبتين ابنچ النغل ابنه
شوفي لچ اني ما خايف من احد وابو المثل يگول حرامي لا صير من السلطان لا تخاف واني مزوجها بعقد بوكاله عامه من ابوچ الله يحرگه بگبره ويلا المكان الي تخلين بي رجلچ خلي بي راسچ
وچانت بعدها دارين حاضنه أمي وهو آجي جرها من ايدها بقوه ويمشي ويسحل بيها ورا وامي تعيط وأني اجر بيها بس هو وگف وباوع عليه وچان
يگول - وحق الله اذا ما بعدتي ايدچ عنها هسه اكسرها فهمتي وطالما دارين يمي تنسوها احسن ألها والكم
گتله - لا تخاف مسألة وقت واخذها من يمك واخليها تطلگ منك وتاخذ جهالها منك وبالقانون والمحكمه
جرت أيدها مني دارين وهو سحلها ورا عبالك ساحل خروف
وصاح على ام كرار وطلعوا
رجعت على أمي تأشر على وجهه وتبچي ما فهمت عليها الا بعد ما رجعنه للبيت اني چنت ملتهية ويا فرقد واحچي ويا امي منتبه على آثار الضرب إلي على وجهه دارين وقررت ثاني يوم اروح اشتكي على فرقد
بقلم الكاتبة الزهيرية الزهيرية
دارين - طلعنه من المستشفى وصعدنه بالسيارة واستلمني فرقد غلط وفشار الله وكيل جدي السابع عشر نبشه بگبره والعشيره مالتي حتى مؤسس العشيره ما خلص من لسانه تگول مو لسان عنده بيكيسي وام كرار تريد بس سكته وأني ساكته والله لو الحجر ينطق چان اني نطقت وبالي إذا هو هيچي صاير بركان شلون راح اقنعه اشوف أطفالي وهذا الصغير ياربي شلون راح أشوفه اريد بس أشوفه
الى ان گال جملة على يارين ما گدرت أسكت
گال - ما شاء الله جايتني أختها الشريفه يارين هو اني عندي گح.... وحده وما متحملها أنوب الگح... الثانيه هاي الا اشدلي گرون مال مطي يلا أتحملچن
هنا بعد ما گدرت اسكتله
گتله- وليش مال مطي شنو فرقه عن بقيت الحيوانات وما مضطر تتحمل الگح... تگدر تطلگ وترتاح
اني جاوبته لو تخبل صار ساعه يثرد غلط واني ساكته بس من حچيت هيجته اكثر ما أدري بشنو ضربني لان حسيت بضربه على راسي وهو
يگول - متحملچن لان خوش بيچن شغل راح افتح بيچن بيت دعاره بنت القندره بس خلي أوصل للمهجوم وأني اعلمچ تريد تطلگ لازم السبير موجود
بس شنو يحچي ومن عصبيته تحسه راح يطگ هو أنتبه انه حوراء ساكته
سألها - شبيچ حوراء ليش ساكته
جاوبته- أني اليوم سويت جلسة مال الكيماوي وعندي يصير غثيان وسهال وأنت الله يسلمك راسك ما طخه ابد سؤال أريد أسألك
أريد أعرف شنو نهايتكم اذا ما مصافين كل واحد يروح لحاله احسن ترى هذا عمر مو يوم ويومين وانتوا يوميه شگال فرقد وشسوت دارين ترى هذا مو وضع
گال- لا تخافين أني بالنسبة إلي وضع دارين حسمته قبل ما تجي
واي كلمة بهذا الموضوع بعد ما أريد أسمع
رجعنه للبيت والسكوت خيم علينه من وصلنه ودخل السياره للگراج أول ما نزلت دفعني قوي حتى وگعت
گال - عمى يلا بوجهچ على بيت سنان الله يرحمه
گالتله ام كرار - ليش هيچي وياها شلون تروح لبيت سنان وهو حتى كل شي ما بي فارغ الدنيا حاره وانت حتى العلاج ما جبته
صاح بيها وگال - حوراء لهنا وكافي روحي لبيتچ وجزاچ الله بألف خير
دفعني گدامه وهو ورايه يمشي بيه بدفع الى ما وصلني لبيت سنان فتح الباب ودفعني من دخلني البيت أظلم بس أكيد مو أظلم من روحي هنا تخبلت لان أخاف من الظلمه
گتله - الله يخليك فرقد لا تعوفني والله أخاف
گال -لا ما اعوفچ هسه راجعلچ اليوم حفله للصبح على راسچ وراس الخلفچ
سكتت خفت اجادله وهو سد الباب وقفله يعني رجعت للمربع الاول من چان يقفل عليه الباب لزگت ويا الحايط واكو ضوه يدخل خفيف من الاضاءة مال جيرانه الي مقابيلنه ولعنت الساعه السوده الي شفت بيها فرقد وبالي يم أطفالي وخصوصًا هذا الصغير بس ما شفته وخطرت على بالي فكره رعبتني هو انه قمر هسه اكيد تقتل الصغير حتى تحرگ گلبي لان هي ضربت بروقي گدامي ظليت بين أفكاري السوده الى ان سمعت صوت المفتاح نرعبت عرفته فرقد وأجى وقت تصفية الحساب
دخل بس الظلام وهو ضخم نقبضت روحي بس هو شغل لايت الموبايل ورجع طلع غاب شويه ورجع جاب كرسي وگعد عليه وصاح بيه - تعالي گعدي گدامي
رحت گعدت گدامه بالگاع أشارلي اگعد قريب على رجله تقربت عليه بحيث صرت لطش برجله
بعده ما حاچي اني سبقته بالكلام
گتله - فرقد أبوس رجلك والله ما سويت شي ولا الموبايل ألي وحتى طارق ما محچيته
گال - ادري هنه وحده أثنين واحاسبچ عليهن ما شاء الله صفحتچ سوده من أول سطر الى آخر سطر
گتله - بس گلي ليش ما صدگني
گال - راح أسأل واي سؤال اسأله اجاوبين عليه
أول سؤال الذهب والفلوس مالتي إلي بگتيهن وين وديتيهن وطارق لمسچ لو لا
گتله - أحلف بعافية اطفالي
بعدني ما مكمله حچي ضربني على وجهي
وگال - اطفالي لا جيبين سيرتهم على لسانچ احلفي بغيرهم
گتله - القران على عافيتي الي راحت على أيدك لا أخذت فلوس ولا شفت طارق واذا على طارق لامسني لو لا عن الحلفان بس مرة وحده
وبعدني ما مخلصه جملتي گبل هجم عليه وخنگني
ويگلي - بنت القندره شوكت احچي لا ادفنچ بمكانچ
بعده يخنگ بيه دخلت عمتي تعيط وياها ام كرار ويجرن بي من عندي الا من عافني يلا گدرت أتنفس
وهو يتهدد عليه يريد يعرف شلون لامسني طارق
عمتي گالتله - عوفها هسه تروح ويا ام كرار لك راح تموت بيدك
گاللها- والله على جثتي تطلع منا تگلي شلون لامسها طارق
وام كرار تگلي - احچي يا مصخمه لا يموتچ ونبتلي
وحچيتله من سحبني للحديقه ويتلمس خصري وهو تخبل وجر الكرسي راد يضربني بي بس جرتني ام كرار وتفلش الكرسي بالحايط گوه عمتي طلعتني وياها واخذتني على غرفتها وقفلت الباب عليه بس أسمع صوته ألي يجيب الأطرش گد ما عالي
گعدت بالگاع احس الدنيا تفتر بيه وسمعت صوت بروقي يبچي
ظليت هم ابچي على حظي الاكشر الي ما نصفني وسمعت صوت ثاني طفل يبچي لو أحس الدنيا بعد ما توسعني هذا طفلي الثاني أتمنى أشوفه وأخذهم اثنينهم لصدري بس يبقى هذا الشي حلم بالنسبه إلي تصرفات فرقد خلتني متأكده انه فرقد بعد الحياة ويا مستحيله وسمعت فرقد شلون يسكت بروقي بعدها صار سكوت حتى أصوات أطفالي أختفت ودخلت عمتي بيدها آكل ومي
گالت - تعالي آكلي قبل ما يجي ذاك المخبل وراحت حوراء اجيبلچ العلاج
أكلت شوية بس مي شربت هواية بعدها دخلت ام كرار بيدها العلاج أخذت منه بعدني هستوني اخذ بالعلاج دخل فرقد آول ما شفته. اختنگت والله هذا الرجال شما أوصف خوفي ورعبي منه قليل
وهو من ختنگت گال - وسم تعالوا كلكم للصاله
اني ظليت مرعوبه اروح لو أبقى بغرفة عمتي بس ام كرار جرتني وطلعنه من الغرفه ورا عمتي
هنا نصدمت من الي شفته شفت منتهى ما شاء الله راجعه شابه بنت العشرين من ملابس على مكياج على حواجب تاتو تخبلت ردت اهجم عليها واملخها بس خفت الحقيره تمسكنت حتى تمكنت
كلهن گاعدات من قمر لمنتهى لحياة لعمتي بس اني وام كرار واگفات
وفرقد هم واگف
گال - راح الكل تحلف بالقرآن على الي صار بيوم إلي انهزمت دارين واي وحده اگول إلها تعالي احلفي تجي تحلف وألي تگول لا تحسب الله ما خلقها
أول سؤال لدارين الموبايل إلي چنتي تحچين بي ويا طارق مال منو
گتله - والله فرقد الموبايل مو ألي حياة جابته وگالت هاي صديقة خالتي انطيها عنوان الدكتوره مالتچ واني خليته على أذني عبالي إتصال عادي من انت جريته من عندي يلا عرفته إتصال كاميرا
گال - هذا القرآن گدامچ حطي أيدچ عليه واحلفي واحچي
رجعت حلفت وعدت نفس الكلام
گال - وأنتي حياة شنو ردچ بس قبل ما تحچين تحلفين يلا تحچين
وصحيح يگولون آن لم تستحي فأصنع ما شئت وهاي المقوله أطبقت يمي وشفتها رؤيا العين من حلفت حياة على القرآن وكذبتني
من گالت حياة - وهذا كلام الله اي كلمة گالتها دارين كذب اني اي موبايل ما انطيتها أصلًا هي دائمآ أسمعها تحچي بالغرفه واكو صوت مال ولد وياها بس اني أخاف احچي لآن فرقد ما ينطي بيها واني أريد أربي بنتي
بقيت متفاجئه هذا كلام الله ينحلف بي كذب وبدون خوف
ظل فرقد يباوع عليه ونظرة الشك بعيونه تقرا مليون رجع
سأل گال - منو هزمچ بيومها يعني منو فتحلچ الباب ايدچ على القران واحچي
گتله - وكلام الله عمتي فتحتلي الباب وهي گالتلي انهزمي لا يجي فرقد يموتچ
عمتي ما قبلت تحلف بس گالت ماكو هيچي حچي ما شفتها حتى من طلعت
ظليت متفاجئة هاي ثاني شهاده ضدي
گتلها لعمتي - عمه خافي الله باچر عگبه شبر واربع أصابع شتگولين لله
گبل تقرب عليه فرقد وضربني على حلگي
وگال - بنت الگوا.... تروحين فدوه لأمي ان شاء الله يومچ قبل يومها
سكتت ورجع سألني گال - يلا الذهب والفلوس إلي بگتيهن من انهزمتي ويا طارق وين وديتيهن
رجعت حلفت على القرآن أنه أني ما انهزمت ويا طارق وما أخذت اي فلوس وذهب بس الجنطه الي انطتها الي عمتي
رجعت عمتي نكرت آنه انطتني اي جنطة وتگول وين شفتچ حتى انطيچ جنطه
هنا فرقد حلف الكل على الذهب والفلوس بس عمتي ما قبلت تحلف كلنه حلفنه اني وقمر وحياة ومنتهى وبعدين كلنه دفعنه ثمن هذا الحلفان الصادگ والكاذب وكان الثمن غالي
رجع تقرب عليه وهو يگول بعده حسابچ ما خلص
رجع گال - انتي بعد مكانچ مو هنا بيت سنان الچ لان اذا تبقين ويانه بالبيت تنگسي للبيت
علساس إلي عنده ملائكه رجع اخذني لبيت سنان الفارغ بس ام كرار ما قبلت تعوفني إلا جابتلي فراش ومروحه شحن وعدتني على ثاني يوم تجي زورني وهو قفل الباب وظليت بس الخوف إلي مسيطر عليه
يارين - بعد ما رجعنه على بيتنه آني وأمي وأني حالي مو احسن من حالها وهي تبچي على دارين وآني دمعه ما نزلت مني وقررت بعد ما ابچي ولا تنزل دموعي بدل البچي اخذ حقي بيدي وحق اختي وحلفت الله أشتكي على فرقد وابهذله شلون بهذل دارين من وصلت اتصلت على ابو كرار سألته ام كرار رجعت گال لا والله بعدها وطلبت منه كرار يجبلي أطفالي
وبالفعل ما مر وقت هوايه جابهم كرار ردت اسوي عشى ألهم بس ألي عرفته ابو كرار مسويلهم عشى وأني وامي ما اكلنه نفسيتنه مسدوده وكل واحد بينه دخل بفراشه بس منو يجي نوم اني الأفكار كلها براسي بس تنفيذها صعب للفجر يلا نمت گعدت حدود التسعه
بعد التغسيل والريوگ بدلت وطلعت رحت للمركز دخلت سألت اذا اريد اقدم شكوى وين جاوبني شرطي
گال - روحي يم ضابط التحقيق قدمي شكوى الضابط عقيل
رحت وين ما گلي طلع حضرته بعده يتريگ واكو ناس قبلي يعني لساعه11 ونص يلا وصلني الدور دخلت گاعدين اثنين ظابط التحقيق برتبة رائد وضابط الي يكتب برتبة ملازم
الرائد اسمه عقيل گال - تفضلي شنو شكوتچ
گتله - سيدي اني اريد أشتكي على زوج أختي حابسها بيته ويعذب بيها واحنه ما عدنه بس الله وانتوا
گال - وليش ما تجي اختچ تشتكي عليه بالعنف الأسري وتاخذ حقها
گتله - سيدي حابسها عنده ما يخليها تطلع
گال - عادي تشتكين عليه تروح الدعوه للمحكمه ويجي امر من القاضي ويتم استدعاءه هو واختچ من قبلنه حتى نتأكد من صحة كلامچ
رجع وجه الكلام للضابط ألي يمه گاله أفتح تحقيق وسجل الشكوى مالتها وظليت احچيله شلون معذبها وشلون خسرت كلياتها وصحتها بسببه
بس الرائد عقيل قاطعني من گال - بلا زحمه هذا وين يشتغل شنو بالأمن الخاص مال النظام السابق
گتله - لاسيدي هو ضابط بالشرطه
گال الرائد - شنو رتبته
گتله - رتبته عقيد واسمه فرقد
ظلوا هو والضابط الثاني واحد يباوع على الثاني متفاجئين بعدين
گال الرائد عقيل - عقيد فرقد مدير مركز..... وجه كلامه لضابط الثاني گال قبل فتره شفته يم مدير الرصافة جندله من شكل واناقه وشخصيه بس ما يتحاجى أبد وهاي خوش فرصه حتى اقدمله خدمه
بالبدايه ما فهمت شنو يقصد لان هذا الرائد أخذ موبايله وطلع
ورجع بعد تقريبآ ربع ساعه شگگ الأوراق
وگال - شكوتچ مو يمي أشتكي عليه بالشوؤن
طلعت من يمه صافنه عفيه دنيا شكبرها وشگدها هيچي صغيره علينه عفيه بلد ماكو واحد بي شريف ينصفنه وين نروح الفقير والما عنده احد ينداس بالرجلين أمشي وافكر بس خطرت على بالي فكره گلت أنفذها أحسن واشوف شيصير وراها من وصلت للبيت ماكو
بس بدلت سمعت الباب يندگ بس شنو من قوة الدگ تحس الباب راح ينشلع بحيث حتى أطفالي خترعوا وراحوا يم امي من الخوف واني طلعت أركض من فتحت الباب صار گدامي فرقد وام كرار وهو خنگني وهو يگول - اني مو نبهتچ تنسين دارين لو انتي ذابين صرتچ بالمركز عابده المراكز
سحبته مني ام كرار آلي آن شاء الله ايده الكسر چان راح يموتني
گتله - اذا متريد تنفضح مثل عمار أجى يدور حل ويايه انت روح طلگ دارين وانطيها أطفالها أحسن آلك
ضحك وگال - وانتي تريدين تقنعيني أنه انتي خايفة على دارين لو رايحه للمركز تريدين واحد يريحچ بدل عمار الي تفل بخلقتچ وعافچ
شوفي لچ اذا أخلي عقلي وياچ والله وبالله الا أخلي ليلچ نهار ونهارچ لليل ابعدي عن طريقي احسن الچ والا شوفين إلي ما يعجبچ انصحيها حوراء أحسن إلها
وعافنه وراح ظلت ام كرار تباوع عليه بنظرات غريبه ظليت متفاجئه منها الى ان
گالت - وين تريدين توصلين يارين انطيني من الأخير لأن بصراحه شلون ما اريد أسدد وراچ وابرر تصرفاتچ ترجعين على الغلط
گتلها - ام كرار مستحيل اعوف دارين بيد فرقد كافي خسرت صحتها شنو إلا يموتها يلا تريدين احچي
گالت - شوفي يارين أني بالنسبة عني ما عفت دارين وچنت وياها الله يشهد حتى فرقد من يضربها ما أخلي حتى أمي هم ويايه بس انتي شتردين من فرقد يسوي وهي نهزمت والناس تعاير بي وهو هم البارحه كلهن حلفهن على القرآن وكلهن نكرن اي كلمه گالتها دارين بس امي ما حلفت
گتلها - اعتيادي غير كذابه شلون تحلف
چان تعيط بيه ام كرار گالت - ما اسمحلچ شنو كذابه احترمي نفسچ شنو طفله وتگولين عليها كذابه مره بگد امچ
گتلها - اسفه والله مو قصدي بي من حرگت گلبي على دارين
گالت - وألا قصدچ شوفي حبابه أني لو بمكانچ افكر الف مرة قبل ما تجيبين دارين يمچ حبابه دارين مريضه وعلاجها بس الله يعلم شگد يكلف وأنتي امچ واطفالچ وحملچ كافيات عليچ اجيبين دارين يمچ منو يصرف عليها شنو زيدين الحمل عليچ راح انصحچ لوجه الله عوفي دارين يم فرقد عد هو يصرف عليها بس اذا تريدين توگفين بوجهه فرقد ساعتها تحملي الي راح يجيچ منه وفرقد مو شويه ولا يلعب ويا وبعد أنتي بكيفچ عقلچ براسچ تعرفين خلاصچ
وعافتني وراحت بس أني ما أقتنعت بكلامها وقررت اتصل بماهر واطلب مساعدته واذا وافق اكون حققت غايتي ساعتها اذا ارفع قضيه على فرقد وماهر ويايه ما معقوله يأذي نسيب عمار وبهيچي اكون ضربت عمار بفرقد
وبالفعل دخلت للبيت واخذت موبايلي واتصلت بماهر دگ بس ما جاوب عفته بعد ساعه أتصل بيه من جاوبته
گال - والله اعذريني موبايلي بالسياره واني بالمستشفى ويا ساره
گتله - ليش خيرها بيها شي
گال _ اي بداية حمل عدها وكل ساعه تتخربط
گتله - اي بالخير عليكم عد هو عمار شسوه للبطني حتى يسوي للبطن ساره بس يلا الله موجود والله يضرب بعود مو بعامود طالما موجوده الناس العوجه الي دافعله
گال -تقصدين اني يارين اني گتلچ اي شي أني مستعد أسوي الچ بعد هذا الحچي ماله لزوم
گلت لنفسي هسه إذا أطلب منه أي طلب راح يگول تريد تستغلني گلت فتره واگله إلي يخطر بالي
دارين - بعد ما قفل عليه الباب فرقد ظليت گاعده الدنيا حاره حتى عرگت والدنيا ظلمه والمروحه الشحن شگد تريد تطول والهوى الي تنطي سم حار وگد ما هدوء أسمع صوت المكيفات تشتغل صرت واحسد كل واحد عنده مكيف ومشغله ونايم وما اجاني نوم أبد رجع كل شي مر بيه بالنهار أولها من حلفن على القرآن كذب واني متعجبه هذا كلام الله ينحلف بي كذب اني صادگه وأخاف لا الله يطلع حوبة القرآن بأطفالي شلون هنه وبقى اكو شي بقى بلا أجابه وهو ذهبي وفلوس فرقد منو أخذهن والكل حلفن بعدين گلت لنفسي هسه هنه شلون يخافن من الحلفان بقت على البوگه والتهمه إلي تهمني بيها ظليت ابچي وأدعي عليهن من كل گلبي ورجع تفكيري على أطفالي شلون اريد أشوفهم وخطرت على بالي منتهى شلون مستغله غيابي وبقى سؤال بنفسي أعرفه شنو هسه هي زوجة فرقد الفعليه يعني تنام ويا بغرفتي
وقررت إذا هو مزوج منتهى شرعآ أطلع من يمه واطلگ وأروح أشوف حياتي هو بشنو أحسن مني هو شاف حياته بعيد عني اني هم أشوف حياتي بعيد عنه
ما اعرف شوكت نمت بس گعدت على صوت المفتاح بقفل الباب انتبهت الشمس طالعه گلت أحسن شي اسوي أغمض عيوني واسوي روحي نايمه احسن ما احصل ضرب من فرقد من الصبح واكيد هو دى يفتح ألباب
وحتى خليت شعري على وجهي حتى لا ارمش بعيوني ويحس أني گاعده من فتح الباب ودخل وعطره قوي ملا البيت بس گلبي صار يدگ على السريع من تقرب يمي ورفع شعري من على وجهي وحسيت بأصابعه على شفايفي وگوه سيطرت على عيوني بعدها بعد عني ايده وعافني وطلع ورجع قفل الباب عليه ظليت أفكر اني لو منجمعه بفرقد بغير ظروف هم راح تجمعنه الحياة نفس الوضع لو ساعتها للقدر رأي ثاني
ما مر وقت هوايه واني على برودة الصبح رجعت نمت ما گعدت إلا لمن سمعت دگ على الشباك گمت شفتها ام كرار وبيدها ريوگ ألي ومي گالت اكلي واخذي علاجچ ترى ماكو واحد يفيدچ غير صحتچ گتلها - فدوه ام كرار اروحلچ فدوه أريد اشوف أطفالي
گالت - اجيبلچ بس بروقي لأن هذا ينام يم أبو وفرقد بالدوام ومن يروح ينزله يم أمي قيصوري ما اگدر لأن هذا ينام بحضن قمر وهن هسه نايمات المسعدات
راحت ورجعت بيدها بروقي قربته على شباك واني هم طلعت أيدي ولزمته من وجهه وظليت أبوس بي ودموعي تجري تصورت بعد أبد ما أشوفهم بس هو هستوه گاعد من النوم لهذا گام يصرخ ويبچي
گالت - راح أرجعه يم أمي
سمعنه صوت يگول - ترى ماكو داعي لكل هذا الي دى سوي حوراء انتي هنا تجين خطار ليش جيبين لنفسچ المشاكل
انتبهنه على الصوت طلعت المسمومه منتهى
گلتلها حوراء- خافي ربچ منتهى ترى ربچ يسلط ويسلط عليچ
بس هي عافت حوراء ورجعت عليه تگلي شوفي اخاف عبالچ رجعتي لا تحلمين هوايه واطفالچ لو تموتين ما شوفيهم وعافتنه ودخلت للبيت وحوراء وراها دخلت بروقي بقيت حسره بگلبي أريد أشوف أبني الصغير گلت لنفسي من يجي فرقد أتوسل بي وابوس رجله بس حتى يحن عليه وأشوفه بس تجري الرياح بما لا تشتهي السفن اني وين افكر وقدر وين ياخذني
گعدت آكل حتى اخذ علاج بعد الأكل وصحيح ألي يگول الدمعه ويا اللگمه أقسم بالله هذا الكلام ينطبق عليه أكل وتنزل دموعي على الأكل خلصت أكل شربت علاجي ومن گد ما الدنيا حاره نسمطت اباوع على نفسي اني بعدني بالجبه ألي اجيت بيها من الناصريه گلت اروح أسبح رحت للحمام هستوني اريد أنزع ملابسي صاحت حوراء گالت - راح اروح تريدين شي
گتلها - عفيه اريد ملابس والله البيت حار وأريد أسبح وما عندي ملابس
خطيه هم ما كذبت خبر راحت ورجعت تضحك
وتگول - صعدت من فوگ
گتلها - شكرًا والله ما اعرف وين اودي جمايلچ
راحت هي لبيتها واني اخذت ملابس ودخلت للحمام سبحت وطلعت مشطت وشويه جسمي برد نمت ما حسيت على روحي لان العلاج الي اخذه يخليني أنام ما حسيت غير على هوسه يم الباب وصوت المفتاح بالباب الصوت الي دى يغرد مال فرقد والصوت الثاني چان صوت ام كرار بس اني بين النايمه وبين الگاعده مابيه حيل أگوم دخل فرقد وهو
يگول - نايمه النوم عافيه للگح...
وضربني برجله على راسي وهو لابس حذاء والله احس سوه عندي ارتجاج بالدماغ گمت بسرعه وگفت من حلات روحي من الضربه
گتله - شوف دير بالك بعد تضربني فهمت اني مو جاريه عندك
اني گتله هيجي لو جنت على نفسها براقش هجم عليه خنگني ويگلي
اي بنت الگوا.... جاريه واختچ الدايحه اليوم رايحه تشتكي عليه الظاهر عمار وماهر ما مكفيها رجعت أدور بعد وتريدچ وياها حتى شغلچن يصير ثنائي
اني ادفع بي وحوراء اجر بي الى أن عافني بس شنو أني بالانفاس الاخيره گتله - بس گلي شتريد مني والله بعد ما بيه حيل طلگني اني بعد ما اريدك انت چان اتفاقك ويا الشيخ يرجعني آلك بدون حمايه وهاي رجعت بعد شتريد اذا عندك ذرة رجوله وكرامه طلگني ما أريدك فهمت ما أريدك بس گلي شلون اگولها آلك
اني من چنت احچي چنت واگفه ورا حوراء بس هو دفع حوراء وهي والله خطيه من قوة دفعته وگعت بالگاع واني ركضت من گدامه ردت اروح على الحمام بس هو اسرع مني لازمني من شعري وسحبني عليه وهو
يگلي - والله موتچ على أيدي بالچ يم الشيخ وابنه مو هسه اني اعلمه وعلمچ
رجعني يم حوراء وهي گامت وگفت
گاللها - موبايلچ اريده
وهي طلعته وانطته اله وهو هم ما اعرف وين دخل وطلع تسجيل مكالمه من حچيت ويا تمام وحولها على موبايله ورسلها لشيخ شاهين وبعدها أتصل بي وفتح مايك من رد الشيخ عليه وهو يهلي ويرحب بفرقد بس فرقد خصمها بصوت حاد وبعصبيه
گاله - شوف شيخ وحق من أنزل القرآن إذا تمام ما بعد من طريقي والله لا خليكم تحلمون شوفوا وهذا أخر تنبيه أله وراها اعذرني بألي راح اسوي
وغلق الموبايل وهو بعده لازم شعري وأني الخوف يقره عندي مليون
گتله - فرقد أبوس أيدك والله بعد ما أتحمل ضربك عوفني
رجع گال -ام كرار توكلي بالله أنتي هاي عندي حساب وياها وهذا الحساب بيني وبينها
هي گالتله - ما اعوفها خطيه مريضه وانت تضرب بيها
گاللها - گتلچ روحي عندي حچي وياها وراها راح اعرف شلون اصرف وياها
وهي بعد ما شافت ألحاح فرقد انه تروح استسلمت بس حلفته انه ما يأذيني راحت حوراء
وهو بعد لازم شعري قرب وجهي على وجهه وهو
يگول - تحلفين على القرآن وتگليلي شنو علاقتچ بتمام وليش بالچ يمه وإذا إلي بالي صحيح والله اخليچ تحلمين تشتمين هوا
وجهه قريب عليه وصوت نفسه عالي وأشعر بحرارة أنفاسه
شجعت نفسي وگتله- موافقه أجاوبك على كل أسألتك بس اني هم عندي طلب ويمك وسؤال أسأله آلك اذا وافقت على طلبي وجاوبت على سؤالي شتأمر اني حاظره
گال _ دى ساومين بنت الگوا..... اي طلب ما انفذلچ بس السؤال سألي اني اجاوب عليه
آني ردت أطلب أطفالي وأسأله على منتهى لان على أجابته أحدد علاقتي بي
گتله - طلبي أريد أشوف أطفالي أجيبهم إلي وسؤالي أنت ومنتهى زوجتوا زواج فعلي لو بعدكم
گال - اطفالچ انسيهم أنتي مو أمهم واني ومنتهى
عذريتي مقابل برائتي
بقلم الكاتبة الزهيرية الزهيرية
أول مرة أحس بگلبي يوجعني
وأول مرة أنام وروحي مهمومه
أصيح وما لگيت أنسان يسمعني
وعلي صارت ثگيلة الگعده والنومه
تحب الما يحبني وما تطاوعني
روحي تعلمت مو خوش تعلومه
إذا وجوه الاحبهم هيچ تخدعني
ترى الثعبان حقه يغير هدومه
وإذا أعز الأحباب لگيته بايعني
اهو عادي الغريب يبيع ما الومة
وهذا الما نسيته وگاعد أبالي
اجه غيري بثواني استوطن أباله
يارين - بعد ما إتصلت بماهر وعرفت منه أنه ساره حامل تخبلت شلون اجتي هي ويا تتفق حتى يموت ألي بطني ويبقى إلي بطنها واني من خلال هاي وضعيتي ومن انتهمت دارين ألى الوقت الي أني بي أنتبهت انه الحياة ما بيها مبدأ كلمن يركض على مصلحته وقررت أني هم أركض على مصلحتي وادوس على آي شخص حتى أحقق غايتي وأول واحد راح أدوس عليه هو ماهر راح أستغله أبشع أستغلال ضد عمار وفرقد راح أضرب الظالمين بالظالمين وأطلع أني وأختي منهم سالمين إتصلت بماهر من
رد ماهر - هلو يارين شعجب اتصلتي من شفت اتصالچ ما صدگت
گتله - انت گلت اي شي تحتاجي اتصلي عليه وأني اتصلت أريد أرفع قضيه ضد زوج أختي وانت تعرف إذا أريد أخلي محامي لازم عندي فلوس وأني وضعيتي الماديه ما تسمح
گال - تدللين شوكت ما يعجبچ أروح وياچ نقدم دعوه ضده
گتله - باچر لأن دى يعذب بيها وحتى حارمها من اطفالها
گال - باچر تجي وياچ للمحكمه وتنطيني وكاله خاصه وبنفس الوقت نرفع ضده دعوه
گتله - انت تحچي صدگ ما دى أگلك حابسها يمه ولإن احنه ماعدنه احد ماكو واحد يحچي مستغلها
گال - لعد شنو الحل اذا ما عندي وكاله ما اگدر كل شي أسوي
گتله - لا اكو حل وهو نشتكي عليه بشوؤن
گال - ليش هو شنوشغله حتى نشتكي عليه بشوؤن
گتله - ضابط صديق نسيبكم الشريف عمار بس اذا خايف عادي ما عندي اشكال أشوف غيرك
وغلقت الموبايل بوجهه گلت ما أطول ويا بالكلام خلي هو يفكر ويرجعلي جواب ما أضغط عليه وبسبب دارين والايام المضت نشغلت بيها نسيت أروح على المركز أجيب ورقة التبليغ مال المحكمه مالتي ضد عمار وقررت ثاني يوم أروح أجيبها بس اني روحي لايبه اريد احچي ويا دارين بس شلون گلت اروح على ام كرار وأشوف شلون اگدر احچي وياها واطمئن عليها
رحت لبست عباتي ورحت على ام كرار من دگيت بابهم طلعلي أبنها گال - أمي ما موجوده من ترجع انطيچ خبر
رجعت لليل واني ما رجعلي خبر كرار على امه اتصل بيها ما جواب ظليت بقلق والله للفجر اني ما نايمه آذن الفجر يلا نمت للتسعه گعدت بس ريگت امي والجهال وطلعت رحت على ام كرار هم نفس الوضع ابنها يگول امي ما موجوده واني من بيت ام كرار رحت للمركز
رحت على المبلغ
سألته على التبليغ إنه بلغ عمار لو بعده
گال المبلغ - يا عمار ما عندي اي تبليغ ضد اي واحد اسمه عمار
من جاوبني هيچي تخبلت گمت أصيح عليه على أنت چذاب اني انطيتك تبليغ وانت متفق ويا واني راح أشتكي عليك
طلعت من يمه ورحت على مدير المركز وهذا الواگف بالباب المدير
گال - انتظري هسه انطي خبر للمدير
دخل ورجع گال دخلي دخلت وچان اشوف ضابط عمره يطلع بالأربعين من شافني
گال - تفضلي
گتله - سيدي اني هاي صار ثاني مره أجيب تبليغ ضد ضابط توصلوا اله ومره يگولولي ضايع وهسه يگلي المبلغ ما نطيتيني اي تبليغ وبعد 3 أيام المحكمه شلون تنعقد الجلسه اذا هو ما مبلغته بالحضور للمحكمة
گال - هسه أشوف المبلغ
بالفعل صاح على هذا ألي واگف بالباب وگله صيحلي المبلغ وبالفعل ماكو دقائق ودخل المبلغ وسأله المدير على تبليغ مالتي
گاله- سيدي ما عدها أي تبليغ يمي هاك سيدي شوف اذا اكو تبليغ عندي ضد واحد اسمه عمار
انطى فايل مال التباليغ گدام المدير وظل المدير يگلب بيهن بس أنتبهت عليه وقف يم ورقه ظل يباوع عليها وبعدين انطى الفايل للمبلغ
وگال ألي - ماكو أي تبليغ الچ رجعي للمحكمه وجيبي تبليغ وبعيني أني اخليهم بنفس الوقت يبلغوا وتاخذين مني ورقة تبليغه مني شخصيآ
بعد ما گدرت احچي شي گلت ثاني يوم أروح للمحكمه واجيب تبليغ للمدير وهو يتولى تبليغ عمار احسن ما باقيه على المبلغ وهاي نقطه لغبائي
رجعت للبيت تعبانه بس سبحت وسويت غده وتغدينه إتصلت على ام كرار هم نفس الوضع ما جاوب گمت لبست عباتي وطلعت رحت على ام كرار بعدني ما داگه الباب انفتحت الباب وطلعت ام كرار بس مبدله
گتلها - وين انتي صار شگد اتصل عليچ ما جاوبين أجي ما الگاچ
گالت - حبيبتي ويا اختچ لأن إنتي راح تعمين عليها بتصرفاتچ لأن بيوم رحتي اشتكيتي على فرقد شسوه بيها اذكرچ ابعدي عن فرقد احسن ألچ
بگلبي گتلها - نجوم السما اقربلكم أموت وما اعوف دارين بيد فرقد
گالت - اني هسه راح اروح على أهلي تريدين شي
گتلها - فدوه ام كرار أريد بس اشوف دارين واحچي وياها
وظليت أتوسل وأحلف بيها وهي نكسر گلبها عليه
گالت - باچر تعالي من الصبح اخذچ لبيت أهلي شوفيها لان بيت أهلي كلهن ينامن للظهر وفرقد بدوامه
گتلها - باچر ما اگدر لان اروح للمحكمه حتى أجيب تبليغ ثاني لعمار
وحجيتلها على الي صار بالمركز وهي ظلت متفاجئه واتفقنه أني وياهاعلى بعد باچر اروح وياها واشوف دارين
رجعت للبيت واني افكر فرقد شسوه بدارين مر اليوم عادي وعلى ثاني يوم رحت على المحكمه وشفت الباحثة وشرحت إلها الي صار
گالت - حبيبتي هذا المدير شنو يعني عود هو ذكي براسچ المحكمه ما بقالها شي حتى إذا اخذتي تبليغ ما راح يفيدچ لان بين ما توصلي للمركز وهما يبلغوه تكون موعد إلي تبلغ بي قريب على موعد المحكمه لهذا تنرد الدعوه لإن لازم يتبلغ قبل المحكمه اقل شي بخمس أيام واذا تنرد الدعوه يعني لازم ترفعين دعوه جديده
آني هنا تخبلت وعرفت هما متفقين حتى يبزعوني حتى اعوف القضيه
گتلها - ست والحل شنو والله مليت ما أعرف شسوي يعني إلي ما عنده أحد هيچي يصير بيه
گالت - والله أني مثلچ حايره اذا اگلچ أشتكي عليه بالعنف الأسري هذا نفس الوضع لأن هم بالمراكز مال الشرطه وهو ضابط لهذا يعرف شلون يسدها لا والمصيبه العنف الأسري أكثرهن إلي يروحن يشتكن يگولن إذا الضباط يشوفون البنيه حلوه يساومها على شرفها واذا ما حلوه ياخذون منها فلوس يلا يمشون قضيتها والله تعالي شوفي موبايلي مئات البنات يشتكن من العنف الأسري
گتلها - وإذا اشتكيت عليه بالشوؤن
گالت - والله أني وضع الشوؤن شنو ما أعرف بس اذا هو ضابط اعتيادي راح يعرف شلون يسدها
استأذنت منها وطلعت ودموعي تجري يا ربي وهذا الطفل إلي بطني وين أودي ويا طلعتي آذن الظهر والله دعيت من كل گلبي وبحرگه عليه وگتله - ربي انت القوي الجبار كون ترزقهم عمار وفرقد بلاء ما يگدرن يدفعون عن نفسهم هذا البلاء اريد كون أشوف عجائب قدرتك بيهم
رجعت للبيت والله وأني القهر إلي بگلبي كافي عليه وين انطي وجهي ما أعرف أتحمل هم منو هم أمي لو هم دارين لو هم أطفالي وبنت معتز لو هم حملي
سويت الغده من دى نتغدى أمي اكو دوا تاخذه وقت الغده مخلص واكو واحد ثاني هم مخلص
وأني تقريبًا شبه راح أخلص فلوس ظليت حايره شلون راح أجيب العلاج بعدني بصفنتي وسمعت صوت الموبايل يدگ رحت سحبته من جنطتي اباوع هذا رقم غريب عفته ما رديت عليه بس الرقم ظل يلح بالاتصال جاوبت عليه سمعت صوت ولد
گال - السلام عليكم اني تمام أبن الشيخ شاهين ألي چانت دارين دخيله عدهم
گتله - أهلًا وسهلا تأمر بشي
گال - والله بصراحه أني بالي يم دارين شفتيها شلونها
گتله - لا والله من يوم ألي دخلت عدهم وفرقد مانعنه منها ما يقبل نشوفها
وحچيتله شسويت من اشتكيت على فرقد وشلون ماكو واحد يشكيني
گال - اذا ما صير زحمه اگدر أجي أزوركم بالبيت واحچي وياچ لأن الحچي مو مال تليفون
گتله - شوكت ما تريد تجي تعال أهلا وسهلا بيك
گال - اگدر اجي اليوم بالليل لأن اني عندي شغل ببغداد وصلت قبل شويه من الناصرية
كتله - عادي تعال
واتفقنه على الليل يجي گمت عزلت البيت ونظفت لليل ورا العشى اندگت الباب أني اصورت بالبدايه تمام بس خاب ظني طلعت ام كرار بصراحه تفاجأت بيها وخفت بنفس الوقت لا يجي تمام واشوفه ام كرار وسبحان الله صار إلي توقعته إلي يخاف من الجني يطلعله واني هم اجتي أم كرار واتفقنه على ثاني يوم أروح وياها من الصبح أشوف دارين وحچيتلها على الي صار بالمحكمة وهي بقت صافنه
گالت - والحل أدري شنو هذا الطفل شنو مصيره من تولدي
گتلها- ما أعرف قضيه ماتت بالمركز وهاي كل ما ارفع قضيه راح ينعاد عليه نفس السيناريو مثل من اشتكيت على فرقد هم نفس الوضع
بعدنه دى نحچي ندگت الباب عرفت هذا تمام ظليت مثل بلاع الموس لا يگدر يبلعه ولا يگدر يطلعه وانتبهت عليه أم كرار
گالت - شبيچ ما تگومين تفتحين الباب
گمت أقدم رجل وآخر رجل لما وصلت للباب فتحته صار گدامي شاب يطلع بالثلاثين
گال - السلام عليكم
گتله - وعليكم السلام تفضل
گال - عندي سؤال يطرح نفسه ومرغل نفسه وساحل روحه بالگاع ممكن اجاوبيني عليه
گتله - شنو وانت منو
گال - اني سيف اخو تمام راح يشتري جگاير هسه يجي بس سؤالي انتن ليش هيچي حلوات يعني أنتي ودارين شو أني الي عندي بالبيت اذا اشوفيها روحچ تطفر لذاك السايد
أجى تمام وهو سكت سلم
وگال - سيف نزلت إلي جبنا ويانه
وهذا عافنه وگام ينزل من السياره وهوايه نزل مسواگ مابقين شي ما جايبي وهو بعده ينزل طلعت ام كرار وظلت واكفه تباوع عليه وعليهم اني ظليت محرجه بعد ما بيها مجال
گتلهم - تفضلوا
ودخلوا وام كرارتباوع عليه تريد تفهم ذوله منو وهي هم دخلت وياهم
وهما من شافوا أمي سلموا عليها وهي ردت السلام بس لسانها ثگيل
وگعدوا
وگال تمام - أي أختي شسويتي على دارين واعذريني لإن اجيت والله بس أني أدري ظروفچ تعبانه وحبيت نساعدچ
شكرته بعدني أريد احچي بس سيف سأل
گال - بلا زحمه أنتي زوجچ ليش ما يساعد دارين
گتله - ما عندي زوج
گال - شلون ما عندچ زوج وبلا زعل چا منين حامل بره ظلمه هسه من دخلنه على الضوه انتبهت عليچ انتي حامل
وحچيتلهم شلون چنت مزوجني زوجي بالسر وحملت وهسه نكرني
وحچيتلهم على المحكمه
گال تمام - ليش شنو سلطته حتى يگدر يسوي هيچي
گتله - مو هو ضابط
گال تمام - ضابط مثل الساقط فرقد
وچان تعيط أم كرار گالت - انچب لك عليمن ساقط ولك فرقد تاج راسك وراس الخلفك وانت رجال ارجع گول هذا الكلام گدامه وشوفه شلون يفرك حلگك لو انتوا مثل النسوان تحچون ورا الواحد
چان صاح بيها سيف گال - احترمي نفسچ يا حرمه ما أريد أرد عليچ بالمثل
هنا تخبلت ام كرار وچان تخابر على أبو كرار وگالتله بكل الحچي
ماكو دقائق وصار دگ على الباب قوي اريد اندل دربي نثولت من قوة الدگ راحت ام كرار فتحت الباب
ودخل ابو كرار مثل الأعصار
وگال - بس گليلي منو اجاوز عليچ هسه أخلي يطلع منا جنازه
گالتله - ام كرار هذا
وأشرت على سيف وتمام من انتبه عليهم ابو كرار
وگاللهم - انتوا مو ولد شيخ إلي فصلهم فرقد قبل فتره
جاوبه سيف - واذا فصلنه فرقد شنو كسر عينه لو حبلنه من عنده
اتخبل ابو كرار وتقرب على سيف وضربه على وجهه وراد يرجع الضربه لأبو كرار بس تمام صار بنصهم
وگال تمام - شوف أخويه احنه جايين نساعد الاخت يارين ما جايين نتعارك وما أريد نسبب مشكله ليارين لهذا نعتذر منك ومن الأخت زوجتك وما چنه نعرف فرقد أخوها
جاوبه أبو كرارگاله - جيتكم هنا بالليل غلط وهي وحدها وامها مقعده واطفالها هنا الناس راح تلگى الف حچايه حتى تگولها عليها ولهذا اترجاكم بعد لا تجون
وهما ما حچوا شي راحوا واستلمتني ام كرار على أنتي ما تستحين بعدچ ما مطلگه وحلوه وجايبه شباب أثنين للبيت إلي يشوفهم شيگول إذا تريدين سوين هيچي أشياء حبيبتي شوفي بيت ثاني بغير منطقتنه احنه طول عمرنه سمعتنه طيبه بين الناس مو تجين أنتي شوهين سمعتنه مو فوگ ما نزل دبچين على السطح والله إنتي واختچ ماكو واحد يعرفچن غير فرقد
وعافتني هي وابو كرار وبقيت حايره شلون بيه وام كرار وعدتني باچر أروح وياها اشوف دارين ونعلت حظي آلف مره على كل شي يصير بيه أبد ما نصفني حظي بقيت أفتر بالبيت شلون ضيعت الفرصه من أيدي سمعت الموبايل يدگ شفته چان تمام أنوب هذا ظليت محرجه منه سببت اله مشكله ترددت أرد عليه بس بعدين رديت
گال - أول شي اني اسف سببتلچ بمشكله وثانيا أني أريد انطيچ مبلغ من عندي أني واخويه سيف بس وين اشوفچ وانطيهن الچ وان شاء الله كل شهر انطيچ مبلغ شويه يعينچ على الظروف إلي انتي عايشه بيها وحدچ
گتله - أشكرك عادي اي مكان تحدده أجي عليك
گال - بلا زحمه اريد أسألچ بس محرج منچ
گتله - لا عادي اسأل
گال - دارين شنو وضعها ويا فرقد
گتله - والله كل شي ما اعرف بس أم كرار وعدتني انه باچر اشوفها من يكون فرقد بدوام واهله نايمين لإن اني قلقه عليها بس بعد ما أعرف بعد المشكله إلي صارت اليوم راح تقبل باچر أروح وياها
گال - سايسيها حتى اشوفين دارين بس قبل ما تروحين اني راح أجي قريب على بيتكم وانطيچ أمانه انطيها لدارين وگولي ألها هاي من تمام
گتله - أنتظرك
وانتهى الإتصال بيني وبينه على هذا الإتفاق ونمت الليل وأني ألف فكره براسي والصبح بعد الريوگ أتصل بيه تمام
وگال - اني قريب علي بيتكم
بدلت وطلعت وشفته گاعد بسيارته من شافني نزل وتقرب عليه وانطاني ظرف
وگال - هذا الظرف ألچ وهذا أمانه برگبتچ تنطي لدارين
وچانت علاگه ما أعرف شنو بيها اخذتها منه وتوجهت لبيت ام كرار
دارين - الأنسان مرات اذا يجهل معرفة بأشياء هاي رحمه من رب العالمين لأن مو كل شي معرفة هو خير ألنه لو كان كل شي لازم نعرفه كان رب العالمين انطى علم للأنسان شوكت يموت لهذا الجهل بمعرفة اشياء ضرنه هو خير ألنه وأني ردت أعرف علاقة منتهى وفرقد ولو ما عارفه أحسن لأن صعب انسان چنتي ملكه بمملكته تنطردين من هاي المملكه وكل شي بيها چان ملكچ اجتي وحده اخذته منچ بالنصب والاحتيال وجواب فرقد چان صدمه ألي من
گال - انتي ما ألچ أطفال يمي وأني منتهى إي صارت زوجتي فعليه شتريدين أنتظر حضرتچ وأنتي يوميه من حضن رجال لحضن رجال
هنا احس حتى خوفي منه راح وتخبلت يعني هاي الشعارات مال اتعاير بيچ وچان يدور عليه كله كذب وهو چان عايش حياته ويا منتهى وأني طلعت من يمه بفضيحه وچنت راح اموت على ايده وصحتي ألي راحت وهوحضرته كم شهر ما گدر يحكم غريزته وذب نفسه بحضن منتهى وهسه جاي يذب الصوچ بيه
گتله - شوف فرقد مال ما عندچ أطفال يمي هاي تنساها اني ما حبلت وتعبت بآلم الولاده حتى هذا يكون جوابك وأني عن نفسي بعد ما أگدر أبقى يمك لهذا أريد اطلگ منك وبعد ما أبقى وياك انت شفت حياتك وأنت حر بيها وأني هم أريد اشوف حياتي ما أبقى شگال فرقد وشحچوا آهل فرقد وآلي ما يريدني ربح خساره وما أريده
رفع حاجبه وتقرب عليه وهو
يگلي - ومنو تريدين شوفين حياتچ ويا تمام وتاخذين أطفالي وتنطيهم لتمام يربيهم
هنا تحولت كل ملامح وجهه گبل هجم عليه وخنگني وهو
يگلي - ولچ لا صدگين اطلعين منا واخليچ مرتاحه والله لا أصير كابوس حياتچ فهمتي راح أبقيچ هنا بس تتحسرين وفتحتلچ گلبي وحضني وبيتي عفتي كل هذا ورحتي تگو.... أكيد راح ارجع وياچ للمربع الأول
عافني واني گوه أتنفس من ضغطه على رگبتي
رجع گال - يلا هسه تحلفين على كلام الله وتحچيلي من أول ما طلعتي منا الى أن وصلتي لبيت شيخ لرجعتچ هنا
حطيت أيدي على القرآن وبديت احچيله من أول ما طلعت لشوفتي ام عزيز الله يرحمها وصلت الى ما سيف أخذني لغرفته من سد حلگي ردت أعبر هاي الحادثه بس اذكرت أيدي على كلام الله لهذا ذكرتها وهو بس سمع بهذا ألي سوا سيف تخبل ما أعرف منين اجتني الدفره بس من وگعت حسيت عليه وهو فوگ راسي وجرني من شعري وگومني
وگال - احچي بنت الگوا... سوالچ شي نام وياچ احچي أني عبالي بس تمام طلع سيف ويا ما شاء الله لازمين سره عليچ
گتله - أحلف بالقرآن ما سوه شي لآن إجى تمام وگام يحچي عليه وطلعني من يمه
گال - رجعتي تكملين ويا تمام لأن ما شاء الله تموتين اذا ما تنامين بحضن رجال وتريدين اصدگ انتي 6 اشهر يمهم ما نام وياچ تمام شايفتني صغير گدامچ احچي شنو نوع علاقتچ بتمام
ورجع جرني قريب على القرآن وهو يگلي احلفي يلا تحچين
حلفت وحچيتله شلون كان يعرض الزواج عليه وهو كل ما احچي تجيني كفخه
گال - وليش كان يعرض عليچ الزواج وليش ما تزوجتي
گتله - چان يعرض عليه الزواج لان أني گتلهم مطلگه وليش ما ازوجت شلون أزوج وأني على ذمتك وزوجتك
گال - ما شاء الله بنت الگوا.... حافظه الشرع ولچ بس گليلي اذبحچ وادفنچ ولچ وحق جلال الله لعبت نفسي منچ
عافني وهو يتمشى رايح جاي بس تحسه على ساعه ينفجر من التوتر والعصبيه بس فجاءه وگف وظل يباوع عليه بنظرات غريبه
اني بصراحه خفت لزگت ويا الحايط واحس رجلي بعد ما يشيلني
وهو آجي هجم عليه وخنگني
ويگلي - هسه فهمت أنتي متفقه ويا تمام ترجعين هنا حتى اطلگچ وتروحين حتى هو يگدر يزوجچ وأني شلون غبي ما فكرت بيها وألا شلون ما گالولي أنتي يمهم 6 أشهر يعني اني لو مطلگچ چان ازوجتي بدون حتى ما أعرف مكانچ ولچ لو تموتين طلاگ ما اطلگچ الا اعوفچ محبوسه هنا اريد اشوف شلون راح تطلگين
وعافني وطلع اني هنا كل قوه بعد ما عندي گعدت بالگاع وأحس الهوا الي يدخل بصدري يحرگه بس اتاكدت أنه مستحيل أبقى ويا فرقد لإنه شكاك لهذا لازم أتفق ويا واطلع منا ويطلگني بس أرجع أفكر بأطفالي بس قررت من أطلع من يمه اطلگ منه بالمحكمه واخذ أطفالي منه بس بقت المعضله شلون راح أطلع من يمه والجو حار والبنكه خلصت شحن والكهرباء أصلًا فاصليها عن المشتمل دخلت للحمام أريد بس اذب مي على جسمي طلع المي يسمط حتى ما گدرت أسبح طلعت أريد اشرب مي المي ألي يمي حار كرهت حتى حياتي واذكرت هو هسه راجع من الدوام وهسه ست منتهى محضرتله الحمام والغرفة بيها سبلت وتمتعه بكل شي كان الي من ضمنهم فرقد تخبلت گمت ادگ بالباب قوي واعيط رجعت من الشباك گمت اعيط وأغلط آخر شي البطل إلي يمي بي مي ضربت بي جامة الشباك قوي تحطمت وسوت صوت قوي على الصوت اكو شاب واگف على السطح ظل يباوع عليه وطلعت عمتي وحياة وقمر من شفتهم تهسترت لأن ما شفت منتهى ولا فرقد عرفت همه بغرفتي
أنوب هاي فكرة أنه يسوي وياها نفس ألي چان يسوي وياي تخبلني
گمت اعيط واگول لعمتي - تعالي افتحيلي الباب أريد أطلع ما أريد أبقى يم ابنچ الگوا..... افتحولي الباب
ومن شفت أبن جيرانه على سطحهم گمت اعيط بعلو صوتي
واگول - يا ناس يا عالم تعالوا شوفوا عقيد فرقد شلون خاطفني وحابسني بدون مي وأكل وبالحر ويعذب بيه يا هو إلي يسمع صوتي يبلغ عليه هذا خاطفني واغتصبني وحابسني عنده
وعمتي وقمر يرزلن بيه ويغلطن
وعمتي تگلي - ولچ والله عايقه وعرمه كافي صوتچ منا الناس فضحتينه
وقمر جاوبها وتگلها- شتترجين من وحده گحب.... گاضيتها من رجال لرجال
وأني أرد على قمر وأگول إلها- سكتي أنتي يا عاگر شحال ما زوجچ عافچ ونهزم وحتى من چان وياچ عينه على بنات الناس
وهي تخبلت أخذت من الحديقه حصو چانوا راصفي حول الحديقه وضربت على الشباك إلي أني بي اني رجعت عن الشباك ونضربت بحديد الشباك وسوت صوت قوي بهذا الأثناء صار دگ على الباب الرئيسي وعمتي فتحت الباب وطبوا هواي نسوان من الجوارين وظلن يسألن وأني ما قصرت صرت اعيط وأصيح
والنسوان اكلن گلب عمتي على الله ما يرضها شلون حابسها وصارن يتفلسفن بالدين على أمساك بمعروف او تسريح بأحسان والله باچر يطلعها بنته وخطيه حابسها بالحر
بس انتبهت على هذا الولد ألي على السطح بيده موبايله ويخابر ماكو بعدنه بهاي الجر والعر والباب الرئيسي مفتوح وگفت دوريه مال جيش صرت أعيط أكثر
واگول - عفيه تعالوا افتحولي الباب أني مخطوفه
ونزل ولد ضابط رتبته ملازم أول ويا جنود ودخلوا وصارت هوسه بين عمتي والجوارين والدوريه مال الجيش بعدني اعيط وأتوسل يفتحولي الباب طلع فرقد بس شنو عيونه مو بمكانها خصوصًا بعد ما شاف الگراج مليان ناس وصاح بعلو صوته
گال - هاي شنو شكو شصاير
گتله - للضابط هذا ألي خاطفني
گبل الضابط والجنود حاوطوا فرقد والضابط يريد يخلي الكلابچه بيد فرقد وهو تخبل ضرب الملازم ضربه على خشمه خلاه يفقد التوازن وگع ساعدوه الجنود وگوموا وفرقد عينه عليه بس شنو تحسه راح يحرگ الدنيا وألي بيها من گد عصبيته
الضابط بعده يترنح من قوة الضربه
گاله فرقد - الظاهر انت ما عندك عقل أنت تعرف أني منو وجاي داخل بيتي والله وبالله لا اشيلك انت والسيطره مالتك يوم تجرئت على عقيد فرقد ودخلت بيته
والضابط والجنود ظلوا متفاجئين ويتبادلون النظرات الانذهال بينهم وهما گاموا يتوسلون أنه اجتهم إخباريه آنه أكو بنيه مخطوفه بهذا البيت واحنه اجينه حتى نساعدها ونحررها من المختطفين
اني بعد ما شفت حتى الجيش ما يگدر على فرقد أيست من أنه واحد يگدر يجي يطلعني من يمه ولجئت لأهانته حتى أشفي غليلي
گتله - عقيد فرقد اذا عندك ذرة شرف ورجوله تطلگني ما أريدك يا عديم الإحساس ما أريدك شنو ما تفهم
ورجعت أعيط بعلو صوتي- ما أريدك ما أريدك
گال فرقد للضابط - هااااا سمعت تگول طلگني يعني هاي زوجتي مو خاطفها
وظلوا يتوسلون بي بس حتى يرضى بس هو قفل على أنه هو اله تصريف ثاني ويا آمر الفوج مالتهم وطردهم
ورجعن نسوان الجوارين يتوسلن بي على ارحم عمرها وهي صغيره وانت چبير وهي صغيره تگدر تحتويها
بس هو عيونه يطلع منها الشرار ويطمنهم انه خلاف بينه ويزول والنسوان هم طلعن وهو سد الباب وراهن بس شنو تحسه بركان شفته أجى على المشتمل أني ابتعدت عن الشباك ودخل أجى هجم عليه وخنگني وهو
يگول - وحق جلال الله شگد شفت گحا..... على گد شعر راسي الا وحده مثلچ عرمه ما شفت
وتركني يريد يطلع
گتله - بعدك ما شفت شي والله يوميه افضحك اذا ما طلگتني أني مو حيوان عندك وحابسني
گال - لا حيوان وأنتي سجينة فرقد وعليچ حكم مؤبد ما طلعين منا الا بطلعة روحچ
راح طلع وقفل الباب وماغاب هوايه ورجع بس شنو بيده كلابچات اني خفت گتله - شتريد سوي
ما جاوبني سحبني عليه ولازم أيدي وقفلها بكلابچات ظليت أتوسل بي بس هو دفعني على الفراش وسحب رجلي وهم قفلهن بكلابچات
گال - هسه سوي ألي يعجبچ هسه راح أروح أنام
وعافني وطلع بس سمعت قفل الباب ظليت اعيط وابچي وأصيح بأسمه بس هو ما جاوب راح وأني گد ما بچيت تعبت ونمت
گعدت على صوت وهو
يگول - شوفي حياتچ شلون راح تنتهي اذا مو طلعتچ منا للگبر أني مو منتهى بس صدگي هي مسألة وقت واذكري كلامي
ظليت اباوع عليها وگتلها- ليش أنتي مصوره كل الناس مثلچ همه تريد رجال لا حبابه أني أريد بس أطفالي إذا انطاني فرقد أطفالي ألف عافيه عليچ فرقد أخذي محلله وموهوبه
گالت - نعقد اتفاق أني وياچ إذا أنطيچ اطفالچ تاخذيهم وتروحين وبعد ما ترجعين
گتلها - والله وعافية أطفالي بعد ما شوفوني
گالت - أنتي تعرفين فرقد مستحيل ينطيچ ولدچ لهذا راح أشوف طريقه اطلعچ بيها واطفالچ وياچ ومو مهم تطلگين او لا المهم تروحين
گتلها - وعد والوعد الحر دين إذا طلعتيني اني وأطفالي والله بعد ماكو واحد يعرف احنه وين
وهي هم بعد ما حچت شي راحت وظليت لليل بس سمعت صوت ام كرار وهي تگول - الله وأكبر على راس فرقد حرام عليه ليش مسوي بيها هيچي حابسها وما يريدها تحچي
وعمتي ترد عليها وتگلها- عرمه اليوم فضحتنه ولچ لمت الناس علينه
جاوبها صوت فرقد من گال - حوراء بعد ما اسمحلچ تدخلين ويا ريت تروحين وبعد ما تجين
وهي جاوبه - بس انطيها أكل مي راح تموت لخاطر أطفالك هسه مو يگولون يحترمون الچلب لخاطر أهله يعني منو يحترم الچلب بس غير لخاطر أهله أنت هم لخاطر أطفالك
ما حچى شي أجى فتح الباب وضوي بالموبايل مالتها أم كرار بس شهگت من شافتني مكلبچه تخبلت
گالتله - ليش يا ظالم ولك البنيه راح تموت ما فكرت بيوم يمكن تطلع بريئه من كل تهمه شتگول لربك لنفسك لأطفالك من يكبرون وأخذ بالك مو كل غلط
بس هو ما حچى شي أتقرب عليه وفتح الكلابچات واجتي ام كرار ساعدتني وأخذتني للحمام بس شنو البيت بوخه من الحر ومن فتحت المي شافته حار راحت عليه شايطه اني بس غسلت وجهي وطلعت وأم كرار تتعارك ويا
وتگله - أعتقها لوجه الله بس خليها تروح منا منو يتحمل يعيش بهيچي حر بدون كهرباء وبدون مي
دخلت گتلها - ألف رحمه على روح ابوچ كل شي ما أريد منه بس أطفالي واطلگ
ضحك وگال - هاي حتى بالحلم هم ما أسويها مو بالحقيقه
گالتله ام كرار - شنو الحل فرقد برأيك هسه لوتأثث البيت وتنطيها أطفالها تربيهم وتصرف عليهم لو طلگها وتخليها تروح بحال سبيلها
گتلها - لا ما أريد أعيش بعد ويا هو أختار حياته بعد والله ويا أريد بس يطلگني وأطفالي وأموت وما اعوف أطفالي أني تحملت منك كل شي وبعد مستعده أتحمل بس لخاطر أطفالي اما أنت صدگ طلعت من حياتي
ظل يباوع عليه وما حچى شي وعافنه وطلع وام كرار هم طلعت ورا ورجعت بعدها بيدها صينيه أكل وهي
تگلي - أكلي واخذي علاجچ على ما الله يهدي عليچ
وظلت گاعده يمي اكلت واخذت علاجي بس خلصت اشتغلت الكهرباء ورجع دخل
گال - أكو شي أريد أسال عليه وياريت جاوبين الصراحه
جاوبته ام كرار گالتله- أسأل وهي جاوبك
گال - من أجى الشيخ وابنه انطوني موبايل وگالوا هذا موبايلچ هذا الموبايل ألچ
أني بصراحه من عرفت علاقته بمنتهى صار بعد ما يهمني أبرر موقفي گدامه لأن بكل الأحوال هو يشك وما يصدگ واذا عرف الموبايل لضحى هسه يشهر بالبنيه عناد بيت الشيخ
گتله - أي موبايلي
أني جاوبته وهو ضربني على حلگي
گال - شگد شفت ساقطات بس مثلچ ما شفت بس أريد أعرف إنتي الله خالقچ من شنو
ظلت ام كرار تحچي عليه بس هو ما أهتم رجع كلبچ أيدي ورجلي ودفع ام كرار گدامه وطلع وقفل الباب
رجعت معاناتي ويا الحر وأيدي مربطه هي ورجلي ظليت ابچي واندب حظي لشوكت ما أعرف بس سمعت صوت بين النايمه وبين الگاعده حتى شكيت بروحي دى أحلم بس من فتحت عيوني لا ما دى أحلم شفت بالشباك گدامي يارين وام كرار
بس من تحركت وشافت يارين بيدي ورجلي الكلابچات تخبلت بس وگامت تحچي وصوتها صار عالي وأم كرار خلت أيدها على حلگ يارين تريدها تسكت
ومن سكتت يارين وهي دموعها صب إتصلت أم كرار على فرقد وحچت ويا عليه وهو ما أعرف شنو جاوبها لإن راحت ورجعت بيدها مفتاح القفل الباب فتحت الباب ودخلت هي ويارين ألي اجتي تركض عليه گعدت يمي وأم كرار هم اجتي فتحت الكلابچات وخليت راسي بحضن يارين وأني ابچي وهي تبچي استأذنت ام كرار وگالت - راح اسويلچ ريوگ هسه أجي
من طلعت ام كرار يارين طلعت من جنطتها علاگه
وگالت - هاي أمانه دزها ألچ تمام ابن الشيخ
اخذتها من عدها بس تفاجأت من شفتها
ملاحظه احب اشكر كل ألي يعلقون بتعليقاتهم الحلوه
ومن الله التوفيق
أختكم الزهيرية الزهيرية
دمتم في آمان الله
___________
بقلم الكاتبة الزهيرية الزهيرية
عذريتي مقابل برائتي
البارت الرابع
محد فهمني من البشر محد حس بحالي
لا حب يداويلي جرح. ولا صاحب الوافالي
ما أريد أي راحه بعد بس هو راحة بالي
لحد يجيني ويعتذر ما عندي واحد غالي
كلهم يخونون كلهم يغدرون كلهم يضحكون من اوگع بشده
منهم شفت ويل دمع وسهر ليل
والجرح ينزف بعدة بس تدري هم صوچي
شعندي باقي هنا ذوله بشر مو خوش
ما فاد بيهم اي تعب حبهم طلع مغشوش
يارين - بعد ما انطاني تمام علاگه وگال هاي أمانه يمچ سلميها لدارين بصراحه بالبدايه قررت انطيها العلاگه بس من شفت شنو بالعلاگه تراجعت وخفت على دارين لا تنكشف لهذا قررت ما انطيها لدارين وأرجعله الأمانة واگله ما قبلت تاخذها وتشكرك وأسد الموضوع من يمي بس انا أريد وأنت تريد والله فعال لما يريد
رحت على أم كرار من دگيت الباب طلعتلي ام كرار فتحت الباب من شافتني
گالت - خير تريدين شي شكو جايه
تقربت عليها وبست راسها
وگتلها - أم كرار أني احبچ وأنتي أختي الله يشهد عليه وأني ما عندي بس الله وأنتي
گالت - أولآ تفضلي دخلي شنو راح نوگف بالباب نحچي
دخلت بس هي بعدها وجهه ثگيل عليه من گعدنه بالمطبخ
گالت - شوفي يارين أني احبچ واعزچ ودارين هم بس اذا واحد مس فرقد بحچايه والله العظيم لو شما تكون علاقتي بي راح أنسى منو هذا الشخص وأصرف ويا كأنه عدوي أنتي متعرفين شنو معزة فرقد عندي مثل ما دارين عزيزه عندچ أني فرقد يصعد وينزل ويا النفس ما عدنه بس الله وهو
گتلها - اعرف والله بس أني انقهر على دارين لهذا من حرگت گلبي احچي
گالت - سؤال هذوله وين عرفتيهم وشجابهم يمچ وما معقوله اجوي على غفله لازم عندچ وياهم اتصال يلا اجوي
وحچيتلها شلون خابر تمام ويريد يساعدنه وآني هم قبلت بالمساعده لأن أنتي تعرفين بالظروف
گالت - شوفي يارين أني ما صدكتچ وما أعرف شنو آلي بينچ وبينهم بس انصحچ لوجه الله ابتعدي عنهم ذوله شباب والناس ما ترحم من شوفهم يمچ واذا على دارين أدعي الله يهدي فرقد عليها وگتلچ قبل وهسه هم أگلچ ترى ما راح تگدرين تتحملين تكاليف علاج دارين خليها يم فرقد هو يتحمل مسوؤليتها
وعدتها مالي شغل بولد الشيخ ودارين هم ما أدخل بحياتها لدارين ورجعت ذكرتها بوعدها أنه اروح وياها اشوف دارين وهي ما قصرت
گالت - انتظري أبدل ملابسي وأجي
وصدگ ما طولت هوايه بدلت واجتي طلعنه من بيتها وهي الطريق كله توصي بيه على يارين لاتحچين آي شي ولا سوين صوت لا يگعدون ألي بالبيت صير مصيبه
اخذنه تكسي من وصلنه
گالت - حبيبتي انتظري هنا خلي أشوف فرقد خاف موجود أو أهلي خاف گاعدين
دخلت تستكشف ورجعت گالت آمان ماكو أحد تعالي حتى اشوفين دارين
دخلت وياها دخلتني من الحديقه على بيت صغير وصلنه قريب على شباك البيت الجام مالته كله مكسروشفت دارين وهي نايمه على فراش بالگاع والبيت فارغ والله شفتها بهذا الوضع لو روحي شاغت لا والمصيبه الأكبر من گعدت وانتبهت عليها شافتني بس ما گامت من مكانها بس من تحركت أنتبهت هاي أيدها ورجلها مكلبچات هنا بعد ما تحملت
گمت احچيي
وگتلها لأم كرار- ليش هيچي مسوين بيها يا ضلام شنو هي مجرمه ومكلبچيها
بس ام كرار خلت أيدها على حلگي
وتگلي - اسكتي لا يگعدون والله ترى بعد ما تگدرين شوفيها
أني هم سكتت وهي اتصلت على فرقد ما أعرف شنو حچت ويا بس راحت ورجعت بيدها مفتاح فتحت الباب دخلنه وهي راحت على دارين فتحت الكلابچات الي بيدها ورجلها واني گعدت يمها أم كرار أعتذرت وگالت راح أروح أسوي ريوگ لدارين
ظلت دارين تباوع عليه أني هم بس دموعنه صب خلت راسها على كتفي مثل قبل
گالت دارين - بعد ما أريد أبقى ويا فرقد أريد طريقه أطلع بيها منا بس أريد أطفالي ويايه
من شفتها بهذا الوضع قررت انطيها الأمانة مال تمام لان وضعها ما ينسكت عليه طلعت من جنطتي العلاگه وانطيتها الها
گالت - هاي شنو
گتلها- هاي دزها الچ تمام
من فتحتها طلعت موبايل
گالت - والله ماكو واحد خرب حياتي غير الموبايل وهسه هم راح ترجع لعنة الموبايل عليه اذا شافه فرقد عندي صدگيني يدفني بمكان ماكو واحد يعرفه روحي رجعي اله گوليله دارين ما تريد كل شي منك
گتلها - دارين أني هم كان هذا ألي بالي بس من شفت الوضع مالتچ اگلچ أخذي حتى أبقى أتواصل وياچ لما نخلصچ من فرقد
گالت - أدري وين أخلي شو البيت فارغ أكيد راح يشوفه فرقد
سحبت المخده وفتحت الغطا ما لتها وسويت الموبايل صامت وخليته بالمخده
وگتلها - شوكت ما شوفين تگدرين تتصلين رمشي وأني أتصل عليچ
اجتي ام كرار جابت الريوگ اكلت دارين واخذت علاجها
گالت ام كرار - يلا يارين خلي نطلع قبل ما واحد يشوفچ
طلعت من يمها ورجعت ام كرار قفلت عليها الباب وهي ظلت بالشباك تباوع عليه راحت ام كرار رجعت المفتاح وطلعنه بس شنو طلعت من بيتهم نار والله العظيم گلت لنفسي اذا ما گدرت أسوي حل لدارين اجي بالليل واذب عليهم بانزين واحرگهم طالما دارين بيتها وحدها والطريق كله أم كرار تحچي ويايه وأني بالي مو يمها ما أنتبهت إلا لما وصلنه للبيت وهي هم نزلت ويايه دخلنه لبيتنه وسلمت على أمي ودخلت ويايه للغرفه
گالت أم كرار- أني أدري أنتي نقهرتي من شفتي دارين بهذا الوضع بس أنتي متعرفين هي البارحه شلون تعيط وملتمين الناس
گتلها - شوفي أم كرار أني دائمآ انتبه أنتي ما تغلطين فرقد وهي كله غلطانه يعني شتردين من وحده صار وياها الي صار ويا دارين شلون تصرف
وهي هم بعد ما جادلتني لأن عرفت آي كلام ما راح ينفع ويايه وراحت لبيتها وأني اتصلت على ماهر وهوجاوبني
من رجعت فتحت موضوع دارين ويا
گال - ما عندي أشكال باچر من الصبح اخذچ ونروح نشتكي عليه بالشوؤن
غلقت ويا الموبايل وأني أغلي شيجيب الصبح حتى أروح أشتكي عليه لليل أتصل عليه تمام وبلغته بالي مسوي فرقد بدارين وهو تخبل
گال- أني مستعد لأي مساعده
گتله - باچر راح أشتكي عليه بالشوؤن لان بالمركز ما يشكون
گال - آني أعرف ولد ضابط هناك وهو صاحبي هسه أخلي يساعدچ
بس گليلي أخذت الامانه
گتله - اي أخذتها
وبالفعل انطاني أسم الضابط ورقم تليفونه ورجع أكد انه هو راح يوصي عليه
لثاني يوم الصبح حدود 9 الصبح أتصل بيه ماهر وأني هم بدلت وطلعت التقيت بي خارج منطقتنه ورحت ويا للشوؤن مال وزارة الداخليه بس قبل ما ندخل
گال ماهر - شوفي يارين أريد انصحچ قبل ما ندخل ترى اذا عبالچ راح تحصلين شي من الشكوه ضد فرقد ترى أنتي غلطانه هذا ضابط ومعارفه هوايه والدوله نفسها ما تنطي بضباطها لهذا أرجع واگلچ صدگي ماكو قانون يحميهم لأن يشترون القانون بس أنتي ما عندج قانون يحميچ
بس أني ما اهتميت ودخلنه يم الاستعلامات ما قبلوا ادخل اتصلت على هذا الضابط وهو ما قصر الولد أجى طلع نقيب دخلنه ويا
وحچيتله كل شي
واجى ويانه من قدمنه الشكوه ضد فرقد بشوؤن المواطنين وتركت عنوان بيتي ورقم تليفوني وطلعنه بعد ما شكرته
بس أنتبهت على ماهر ساكت أبد ما حچى من سألته
گال - لمن عندچ معارف المن جايبتني وياچ روحي وحدچ بس الظاهر أنتي صرتي ماتهتمين لماهر بس ارجع اذكرچ والله راح تكونين أنتي الخسرانه الوحيده بس اشكرچ على استغلالچ إلي وياريت بعد ما تتصلين بيه وتمسحين رقمي وطلع موبايله ومسح رقمي من موبايله
گال - بس احب انبهچ على شي واحد قبل ما أروح وهو مو بكل وقت تلگين إنسان يحبچ مثل ماهر وهسه الله وياچ
وعافني وراح رجعت للبيت وأني ما أعرف ألي صرفته كان صحيح لو لا بس بعد ماكو وقت للتراجع مرات نمشي بطريق يخسرنه هواي أشياء بحياتنه وأشخاص نثق بيهم لهذا ما نعرف نهاية الطريق الماشين بي وهذا الطريق المشيت بي خسرت بي هوايه أول خساره إلي كانت ماهر وهاي من عواقب غبائي
رجع أتصل بيه تمام وگتله على ألي سويته شجعني بعدها
گال - اتصل على دارين ما جاوب ليش
گتله- أني اتفقت وياها ترمش من تكون متفرغه وما عدها شي وما. يمها واحد
شكرني وسديت ويا الخط ورجعت أفكر إذا وصل لفرقد أنه أني بلغت عليه شراح يصير بس هدئت نفسي مر اليوم عادي بس لليل بعد ما عشيت الجهال وأمي ندگت الباب طلعت لگيته كرار
گال - أمي تريدچ
رحت ويا لبيتهم دخلت سلمت على ابو كرار ودخلت لغرفتهم لگيت أم كرار گاعده تبچي
سألتها - خيرچ بيچ شي
وهي ما جاوبتني شي بس طلعت صدرها وهم نفس الوضع بي عقد هوايه بيهن صغار وبيهن كبار ظليت متفاجئه وهي گامت تلطم على وجهه وتگلي- ولچ يارين أني متأكده راح أموت بي
گتلها - والحل شراح اسوين
گالت - خابرت على دكتورتي وشرحتلها الوضع تگول طالما رجع وبسرعه أكيد هذا هاي غددخبيثه وانطتني موعد باچر من الصبح أروح للمستشفى حتى يسولي عمليه بس هاي المره تگول الدكتورة راح نرفع صدرچ كله حتى لا يرجع بي بعد
وظلت تبچي وأني والله شما أگول واوصف طيبة گلبها قليله بحقها انقهرت عليها وظليت ابچي عليها ما أعرف أسكت نفسي ما أدري أسكت أم كرار وگمت وحضرت وياها شتحتاج للمستشفى رجعت من يمها منهاره
والله حبي لام كرار مثل حبي لدارين من رجعت لبيتي شفت أمي تقرأ القران بست راسهاوترجيتها تدعي لام كرار ودارين
مر ذاك الليل طويل لساعه 3 اتصلت بيه دارين وظلينه نسولف للفجر نمت گعدت ب8 اتصلت بأم كرار ردت عليه
وگالت - احنه بالمستشفى ودى أنتظر الدكتوره تجي
تمنيتلها السلامه وغلقت وياها وظليت ما أعرف متردده أروح عليها للمستشفى لو لا لأن بصراحه أخاف من فرقد بس بعدين گلت شيريد يسوي خلي يسوي ما اعوف ام كرار وحدها وصدگ كملت الريوگ لأمي والجهال وبدلت طلعت من وصلت للمستشفى سبحان الله أول واحد شفته فرقد
وهو هم من شافني عگد حواجبه وتأفأف
گال - خير شكو جاييه امشي ولي طلعي بره
گتله - أني اجيت على ام كرار ما جاييه عليك والمستشفى مكان عام مو ملكك حتى تطرد منه
گال - والله وبالله شگد شفت ناس ما عدها كرامه إلى أن شيب راسي الا مثلچن ما شفت أبد أني كم مره نهيتچ وگتلچ ابتعدي عن ام كرار ولا اشوفچ گدامي
گتله - والله عقيد فرقد الطيور على اشكالها تقع احنه اصير عدنه كرامه من نشوف عندك كرامه وطلگ أختي ألي شهرتك بين الناس وتگلك ما اريدك وأنت عندك الكرامه صفر ومچلب بيها ما تقبل تعوفها وحمد لله اعترفت على نفسك أنت شايب وماخذ بنيه بگد بنتك
باوع عليه وگال- من أصير عندچ كرامه وتعوفين عمار وتروحين شوفين منو أبو لابنچ النغل يصير أني عندي كرامه مثلچ
بعدني أريد اجاوبه أجى أبو كرار سلمت عليه وسألته على ام كرار
گال - والله بعدها بصالة العمليات
وأني عفتهم ورحت على صاله العمليات شفت أمه وقمر باب الصاله ويا سبحان الله عفت فرقد استلمني هذني على شكو جاييه حتى تشفين بينه وان شاء الله يوم ألچن أنتي واختچ
گتلها لأم فرقد- لا خاله أني أموت وما أشفى بأم كرار هاي الانسانه النظيفه بس گولي حوبة القرآن إلي حلفتوا كذب طلع بهاي الانسانه الطيبه بس أحب ااگلچ بعد وبعد هوايه راح يحترگ گلبچ ترى الحوبه تلحگ وتسحگ وتاخذ ثلثين من الحگ وصدگي حوبة دارين راح تطلع بيكم احنه مرينه قبلكم بهذا الشي والله عائله شكبرها صرنه هباءً منثورًا وصرنه جوه أيد اليسوه والمايسوى
وهي وقمر تخبلن على تشفين بأم كرار وانتي منو وان شاء الله يوم بعزيز گلبچ
أجى فرقد وأبو كرار وأمه لفرقد تولت القياده على جايه تشفى بحوراء
وأبو كرار ترجاني اروح للبيت وگلي من تطلع من المستشفى تعالي شوفيها
وأني هم عفتهم وطلعت وتعجبت على التأليف إلي يألفنه وگلت لنفسي مثل ما گالت رازقيه الله يساعدچ دارين ظليت أسأل لنفسي واگول ليش هاي الانسانه ام كرار صار بيها هيچي لو بقمر أو أمه هنا الواحد يگول هاي عدالة رب العالمين بس ام كرار يصير بيها هيچي بس العلم عند الله وشنو حكمته ماكو واحد يعرف بي الله سبحانه
رجعت للبيت وأني بالي يم دارين هسه هي وحدها بحجر الثعابين خفت لا يسون بيها شي اتصلت عليها جاوبتني تعجبت
گتلها- شعجب شو جاوبتي بسرعه
گالت - اي مو ماكو أحد بس منتهي وحياة بالبيت وذني ما يجن على البيت إلي أني بي لان اليوم عملية حوراء
گتلها- على الي صار بالمستشفى
گالت - يارين لا توگفين بوجهه فرقد ترى تخسرين
گتلها - وشنخسر أكثر من هيچي
گالت - قبل شويه چنت احچي ويا رازقيه وضحى
وظلينه نسولف الى ان
گالت دارين - دى أسمع صوت قريب عليه يلا مع سلامه بعدين نحچي
وسدته ويايه ظليت ما أعرف أفكر بمنو أفكر بدارين لو بأم كرار
بس گلت خلي أتصل بأبو كرار وسأله إتصلت هوايه دگ يلا جاوب من سألته على أم كرار
گال - والله طلعوها من صالة العمليات بس من صحت من البنج أعصابها انهارت وگامت صيح وتعيط وانطوها أبرة مهدئ وهسه نايمه
سألته شوكت تطلع من المستشفى
گال - دكتور يگول خلال يومين نطلعها
تمنيتلها السلامه وغلقته الخط ويا مرت اليومين وطلعت من المستشفى بس شنو من طلعت أعصاب حتى ولدها وبنتها متريدهم
رحت دى أشوفها ظلت تبچي
وتگول - بس أريد أعرف ليش هيچي صار بيه ليش الله دى يعاقبني شنو إلي سويته يارين
گتلها - أنتي ما سويتي شي رب العالمين يحبچ ويريد يشوف انتي تحبي لهذا دى يمتحنچ
بس هذا الكلام ما فاد وياها ظلت دگ وتلطم على وجهه وتعيط دخل ابو كرار وطلع أبره وضربها بالوريد ما مر وقت هوايه حتى نامت
طلعنه من غرفتها
أبو كرار گال - دكتور يگول لازم أبد ما تعوفوها وحدها لأن أحتمال تأذي نفسها وتوصل مرحله تنتحر وأني حاير أني ماخذ أجازه وهسه وياها من أداوم منو يمها
ظليت متفاجئه على الحاله الي وصلت الها ام كرار
دارين - بعد ما گعدت وأني اشك بنفسي حلمانه لأن سمعت صوت يارين فتحت عيوني من شفتها كأنه ملكت الدنيا وما بيها ومن دخلت يمي بعد ما فتحت الباب ام كرار اخذني الحنين للماضي خليت راسي على كتف يارين ودموعي صبت وهي هم لان ما عدنه حظ بهاي الدنيا وهي من شافت دموعي وعرفت أنه شلون أني متعذبه وما أريد ابقى ويا فرقد طلعت علاگه من جنطتها
وگالت - هاي من تمام
تعجبت وگتلها -وين شافتي تمام وعرفتي وانطاچ الموبايل
گالت - بيوم ألي اجيتي من الناصريه والبارحه أجى هو واخو وحچتلي كل الي صار
بدايه رفضت الموبايل بس هي اصرت حتى أتواصل وياها گامت ورمشت من الموبايل على موبايلها وسوته صامت وخلته بالمخده وظلينه نسولف الى أن راحت من يمي ورجعت على سجني وسأل نفسي لشوكت راح أبقى هذا وضعي بس متأكده أنه إلي نكسر بيني وبين فرقد بعد ما يصلح مر وقت ما أعرف شگد سمعت صوت سيارة فرقد وصوت أم دوده منتهى تهلي وترحب بي وگفت بالشباك
وهو هم شافني بس ما أهتم وطلع حبيب گلبي بروقي يركض عليه
وهو هم اخذه بحضنه وظل يبوس بي ودخل بي للبيت ورا منتهى اذا أريد أوصف النار ألي بگلبي ما تنوصف مر يومي عادي بس لليل اجتي عمتي جابت عشا ألي ظليت صافنه عليها وعلى تصرفاتها بس محچيت وياها شي وهي قبل ما تطلع فاجئتني من
گالت- الله يعينچ
مراتٍ أحس بيها مجبوره على دى سوي ومرات احس بيها تنقهر عليه بس متحچي وعافتني وطلعت فرقد ما أجى أبد لليل طلعت الموبايل لگيت رقم مكتوب عليه تمام متصل هوايه وكاتب رساله
مكتوب بيها
دارين ردي والله اني قصدي اساعدچ لا أكثر
ما جاوبته بصراحه خفت لأن ما شاء الله كل المصايب كلها من ورا الموبايل بقيت إلى ثاني يوم وأني نفس الحبسه بس عمتي اجيبلي الأكل ولليل گبت العيطه ودگ ولطم والعياط من سمعتهن ما فهمت على شنو بس وگفت بشباك ورفعت راسي للسما وگتله
ربي أريد اشوف عجائب قدرتك بيهم وتخلصني منهم على أهون سبب بس صحيح إلي گال ثلثين الدعوه على داعي وأني هم نالني نصيب من الدعوه
بس شفت عمتي طلعت للگراج مفرفحه ورها فرقد ويريد يرجعها وهو يگلها - يمعوده هي راح تجي وين رايحه
شو هي شافتني وگامت تغلط وتفشر عليه على أنتي تدعين علينه وبنتي راح تموت من وراچ
أني گتلها - عساكم ما شفتوا الراحه بيوم ان شاء الله لا شفتوا خير ولا نمتوا ليل على كل ألي سويتوا بيه
وهي تخبلت گعدت بالحديقه وگامت تاخذ طين وتخلي على راسها وفرقد تخبل گبل دخل للبيت وطلع يركض واجى فتح الباب ودخل كأنه وحش
گال - هاي جاوبين أمي وتشفين بيها گدامي لچ أنتي شگد گحب....
ضربني على حلگي
گتله- اي أشفى بيكم وان شاء الله يوم ألي يحترگ گلبها عليك مثل ما حرگتوا گلبي على أطفالي
باوع عليه بنظره متفاجأ گال - بعد جزعت روحي منچ أنتي شتريدين أني أسوي
گتله - اريد اطلگ ما اريد أبقى وياك
گال - بعيني اطلگ بس الأطفال ما تاخذيهم من نروح للمحكمه حتى نطلگ سوين بيهم تنازل اليه يم القاضي
گتله - لو أموت هذوله أطفالي ما انطي أظفر من أظافرهم ومن اطلگ أخذهم من عيونك
گال - ظلي حلمي لو تموتين ما يتحقق هذا الحلم
وعافني وطلع وقفل عليه الباب بعد مر هوايه وقت اني گاعده اصفن بالحياطين سمعت قفل الباب نفتح والباب ودخلت ام كرار بس شنو عيونها مورمه من البچي ظليت بس اباوع عليها بس هي فاجئتني من گالت - ليش دارين اني يوم أذيتچ لو قصرت وياچ تشفين بيه لكوني مريضه ترى الله حط بيه المرض وخلاچ تشفين بيه
گتلها - والله ام كرار ما ادري أنتي إلي مريضه خير بيچ شي
بس واضح انه الحچي ميفيد لأن ما صدگت لأن
گالت - شكرًا حبيبتي ما قصرتي
وعافتني وطلعت وانقهرت عليها لأن ما چنت مصوره هي المريضه اني من حچيت اصورت قمر ما عبالي حوراء نمت ذيچ الليله والله أني بالي يمها للصبح گعدت على صوت حچي بالگراج ومن خلال الحچي فهمت أنه حوراء عدها عمليه بس قبل ما يطلعون أجى فرقد وجابلي ريوگ وراحوا طلعت الموبايل لگيت هوايه اتصالات من الرقم إلي مكتوب عليه تمام وراسل رساله مكتوب بيها
هاي ضحى وعمتي يريدن يحچن وياچ ظليت حايره احچي ويا لو لا
بعدين رمشت عليه رد عليه
گال - شلونچ دارين والله ما بنيتي شي بس أريد أساعدكم وهاي ضحى وعمتي رازقيه يريدنچ
وبالفعل انطى الموبايل لرازقيه والظاهر رازقيه ماتدري منوعلى الموبايل لان من ردت
گالت - أنتي مني
گتلها - حجيه أني دارين
گالت - يع هاي مصارين وأني أگول التليفون گام يضوي خايبه شلونچ وشلونها غيوم وياج وحگ علي فكري عندچ
گتلها - حجيه نفس الوضع وحالي بس الله اليعلم بي
ظلت أصبر بيه وتگلي - خايبه المثل يگول نارك ولا جنة هلي اتحملي شسوين وين تروحين وأنتي ما عندچ بس الله وهو
وانطت الموبايل لضحى ظلينه نسولف لما ملينه وسديته وياها والله اشتاقيتلهم قريب الظهر اتصلت بيه يارين وظلينه نسولف بس من دى احچي وياها سمعت صوت قريب على الشباك سديته وياها وگمت بس ما شفت احد بس أني متأكده سمعت صوت ضميت الموبايل بالمخده وظليت أنتظر أسمع خبر عن أم كرار بس ياربي ألمن أسأل بقيت للعصر أجي فرقد شفته من دخل بس رجع أجى عليه مثل البركان وفتح الباب ودخل أجى گبل وخنگني
وهو يگول - ويامن چنتي تحچين وين الموبايل إلي عندچ
حسيت الهوا نگطع رخى أيده وهو يسأل نفس السؤال وين الموبايل خفت لا يموتني گتله - هسه انطي ألك
عافني ورحت على المخده وطلعته وانطيته اله اخذه وفتحه وظل يگلب بي لو تخبل وهو
يگلي- بنت الگوا....تمام شجابه عليچ وهذا الموبايل منو جابه ألچ
ظليت ساكته ما أعرف شحچي وشلون أبرر موقفي أله لان هو ما راح يصدگ ظل يصيح رجع لوى أيدي ورا ظهري صوته العالي حسيته راح يطرشني وأيدي أذتني
گتله- يارين انطته الي
گال - وين شفتيها أنتي من أجيتي ماكو شي عندچ شلون وصلته ألچ
گتله- اجتي ويا ام كرار من أنت ما موجود
وهو تخبل وظل يحقق ويايه ويا كل كلمه يضربني وحتى الكلمات المعدوده ويا تمام گلتها أله وهو يزيد خبال على خباله
اخذ الموبايل وطلع گعدت گد ما ضربني على راسي وجهي حسيت راسي يوجعني بعدها مر ثلاثة أيام وأني نفس وضعي وألي عرفته ام كرار طلعت من المستشفى ورايحه لبيتها وما قابله تجي وياهم لبيت أهلها بهذا اليوم بليل ندگت الباب الرئيسي دگ قوي فزيت وگفت بالشباك طلعت حياة أول ما فتحت الباب دخلوا مجموعه من مسلحين وهم يسألون عن فرقد والله من منظرهم اني خفت وجمدت بمكاني دخلت حياة وهمه وراها دخلوا وراها بدقائق سمعت صوت
الصياح بين فرقد واحد
أني ضنيت هذوله عصابه بس بعدين طلعوا فرقد مكلبچ وهو يمشي وهما ورا طلعوا للگراج واحد من ذوله المجموعه
گال - وينها البنيه
وعمتي تتوسل بيهم وتگلهم بس گلولي ليش ما خذي شسوه
رجع الولد نفسه سأل البنيه وينها
جاوبته- يا بنيه گلي
گاللها- بنيه هو مطلعها من السجن وماخذها عنده وحابسها
گاللته عمتي وهي تأشر عليه هاي البنيه يمه
باوع على المكان الي أشرت عليه عمتي انتبه عليه اني واكفه بالشباك
وگال - هاي البنيه جيبوها
تقربوا على الباب رادوا يفتحوا بس ما گدروا لان الباب مقفول راحت عمتي جابت المفتاح وفتحت الباب
صاح الولد گال - تعالي ويانه
صاح فرقد - لبسي وتعالي
وأني هم أخذت هاي الجبه إلي اجيت بيها من الناصريه دخلت للحمام لبستها وخليت الشال على راسي وطلعت
وحچى ويايه هذا الولد إلي بس ينطي أوامر والباقين تنفذ
گال - شسمچ
گتله - دارين
گال - منو حابسچ بهذا البيت
گتله - فرقد
گال - يلا والبنيه هم تجي ويانه حتى نحقق بالموضوع وياها
عمتي تخبلت گامت تعيط وتدعي عليه على الله لا يوفقچ ولا يشوفچ يوم راحه ودگ على وجهه
وهو يگلها- دخلي للبيت يمه هسه مسألة ساعه وأرجع
بس هي ظلت دگ وتلطم على وجهه وتعيط ونطبق عليها المثل الي يگول ما شافوهم من باگوا شافوهم من تقاسموا احنه ما شافونه الناس ونجمعت إلا من عمتي گامت تعيط طلعنه أريد نصعد بالسياره
وياهم
حچى نفس الولد گال - روحي أصعدي بذيچ السياره
بس فرقد ما قبل وصاح بي - تجي تصعد ويايه بهاي السياره هاي زوجتي فهمت
الولد ما أعترض صعدت أني والسيارات من ذني السود العاليه المظلله گوه صعدت وصعد يمي فرقد وصعد يمه الولد والباقي بعد 4 سيارات مشت السياره إلي احنه بيها والباقيات ورانه أني والله چنت خايفه وارجف بس فرقد ولا كأنه جبل ولا يهزك ريح من خوفي لزگت يمه
تمشي السياره والاناره إلي موجوده بالسياره خفيفه باوعت على فرقد هادئ وهو هم ظل يباوع عليه بنظرات ما عرفت أفسرها بس حول نظره عني وأي ازدحام نوگف يدگون هورن بسرعه يمشون السيارات ويمشونه ألى أن وصلنه يم بنايه مكتوب عليها شؤؤن وزارة الداخلية دخلوا السياره إلي احنه بيها وصلنه يم البنايه وگفت السياره نزل الولد وفرقد وأني دخلونه وصلنه يم مكتب دخل الولد ألي چان ويانه والباقين واگفين يمنه بعد بوقت قليل طلع الولد
گال - تعالي أنتي
ظليت متردده أروح لو لا بس الولد استعجلني من گال يلا تعالي دى ناخذ اقوالچ
أني هم رحت ويا دخلني للمكتب شفت و3 بعد غير هذا ألي دخلني گاعدين على مكاتبهم
واحد منهم آشرلي اگعد على كرسي گدامه
گعدت وسألني على أسمي الكامل وعمري وظل يسأل من أول دخولي يم فرقد بالسجن إلى اللحظه إلي أني بيها يمه خلصت كل الاسئلة رجع سألني أكو واحد يستلمچ من عدنه لان نريد نعرف محل اقامتچ لأن نرجع نستدعيچ مره ثانيه من يحاكموا لفرقد
گتله - أي أمي وأختي بس ما أعرف شلون أتواصل وياهن لأن ما أعرف وين يسكنن ولا رقم الموبايل مال أختي بس فرقد يعرف
طلع الولد إلي اجينه ويا من بيت فرقد وبعد دقائق دخلوا فرقد بس ماكو كلابچات بيده
من دخل دگ تحيه واكو واحد من ذوله الگاعدين گام سلم على فرقد وبوسه الظاهر أصدقاء
بس الثاني إلي چان گاعد سأل فرقد على عنوان أختي
بس فرقد جاوبه- بس أريد موبايل أتصل على زوج أختي يجي هو يوصلها لبيت أختها
وبالفعل هذا ألي سلم على فرقد انطى موبايله أتصل فرقد على ابو كرار وحچى ويا بس ما فهمت شي بس بين الارتباك على فرقد بس ختم كلامه ويا بسرعه تعال
وأني رادوا يطلعوني من المكتب بس
گتله لهذا چان يحقق ويايه- سيدي عفيه أطفالي عنده وچان حابسني ما يخليني أشوفهم أريد أخذهم من يمه
گال - ولوهذا مو اختصاصنه أختصاص المحكمه تضم الحضانه ألچ
بس راح اساعدچ وأطلع وياچ واحد تروحين تاخذيهم من بيته
هو گال هيچي لو فرقد صار نار أحسه لما احنه موجودين بالشؤون چان حرگني أني وعشيرتي لأن فرقد نقطة ضعفه أطفاله بس سكت
واني طلعوني خارج المكتب وبدوا التحقيق ويا فرقد
وأني گاعده أنتظر ماعرف شگد مر وقت لأن چنت صافنه وما مصدگه أني تحررت من فرقد ومن قيوده وأخيرا راح أخذ أطفالي منه ما أنتبهت الا لما ابو كرار صار يمي
وگال - يلا دارين أمشي اوصلچ لاختچ گمت ويا بس
گتله - أنتظر أبو كرار خلي الولد يجي ويانه حتى نروح على بيت فرقد وآخذ أطفالي منه
گال ابو كرار- آفا عليچ دارين أجيبين الغربه حتى يرجعولچ أطفالچ وأني موجود أمشي أني هسه اخذچ عليهم وما تروحين اذا مو اطفالچ وياچ
وطلعنه أني وأبو كرار وصعدنه بالسياره وأخذني لبيت فرقد نزلنه ودگ الباب وطلعت حياة وطبعا ما أگول على وجهه من شافتني
گام ينطي ألوان
دخل ابو كرار ودخلت ورا أول ما دخلنه صارت الحيه الثانيه منتهى بوجهي
گاللهن ابو كرار- وين أطفالها انطوهم لأمهم
بعد ابو كرار ما مكمل كلامه طلعت قمر تغلط وتفشر عليه وهجمت عليه رادت تضربني بس ابو كرار صار گدامها ولزمها وگوه سحبها للاستقبال ودخلها وبعد مناقشات بين قمر وابو كرار طويله
وماكو واحد عرف شلون قنعها قررت قمر تنطيني أطفالي وهذا ألي عجبني بس يگولون لو عرف السبب لبطل العجب بعدين عرفت ليش انطوني أطفالي
جابت حياة بروقي اخذته بحضني وظليت أبوس بي وقمر جابت قيصوري وچان هاي أول مره أشوفه والله حسيت ملكت الدنيا وما بيها أخذته منها هو گبل صرخ ويريد يذب نفسه على قمر وهي گامت تبچي لان شافته يريدها وهذا بروقي هم گام يبچي يريد حياة
وأني قيصوري على كتفي وبروقي جريته من يم حياة وطلعت
ومن بيت فرقد أو بمعنى أصح سجنه حسيت نفسي تحررت وأگدر أواجهه هاي الدنيا بوحدي بس چنت غلطانه الظاهر ماكو سبيل للخلاص انكتب على گصتي من يوم ولدتني أمي أظل طول عمري ( سجينة فرقد )
أخذت أطفالي وصعدت ويا ابو كرار بسيارته وصلني لبيت اختي وأمي إلي ساكنين بي دگيت الباب
طلعت يارين أول ما شافتني حضنتني وظلت تبوس بيه وأني هم وأبو كرار عافنه وراح
دخلت للبيت ويا يارين واني الفرحه ما سايعتني بس هذا فرح مؤقت
من شفت أمي بوستها وهي هم ظلت تبوس بيه وأني أطفالي على صريخ واحد قيصوري بعده عمره ستة أشهر ما يحچي بس يصرخ ويبچي بس بروقي لا يحچي ويگول أريد بابا وألي عرفته بعدين انه ما ينام إلا بحضن ابو وهاي چانت وحده من معاناة أول ليله بعيد عن بيت فرقد وبعدها جرت الويلات عليه وكل شي اله ثمن بس مرات يكون الثمن غالي يكلفنه أكثر من ما نصور
بعد ليله متعبه مريت بيها ويا أطفالي وخصوصًا قيصوري ألي غبائي چنت بس أريد أخذه ونسيت حتى أخذ حليبه والرضاعه مالته وظل يبچي الليل كله لأن كل شي ما يريد إلا يرضع ما ناموا إلا وجه الصبح
ما لحگت أنام الا فزيت على دگ مال الباب يصحي الموتى
فزينه اثنينه أني ويارين على الصوت طلعت يارين تركض واني وگفت بعيد عن الباب
وأسمع صوت رجال يگول ليارين - انتوا بعدلكم يومين ويصير موعد دفع الإيجار لا دفعين أريد بعد يومين آجي الگى البيت فارغ وانتوا طالعين منه وألا أشمركم خارج البيت
دمتم في آمان الله وحفظه
أختكم الزهيرية الزهيرية
______
بارت 5
عذريتي مقابل برائتي
بقلم الكاتبة الزهيرية الزهيرية
رحت بس انه ما راضيلك تروح
ضعف موقف ردت احسمه
حرت من وادعتني اتشاهد اشتاگ
بحروف الموادع چانت أزمه
بديك الخاليات شماخذ وياك
بس هذا الابعدك ردت أفهمه
اذا ريتي بعدها وياي جا ليش
ما تقبل تفوت بصدري نسمه
لا يكمل الحلم بعد بلياك
ولا گلبي اليريدك يرضى اهدمه
كل ظني جنت بيك الضوه يعيش
فاتتني الصبح ما تبقى نجمه
-يارين - بعد ما رجعت من أم كرار وگلي ابو كرار أنه الدكتور يگول تابعوها يمكن تأذي نفسها والله گلبي عصرني عليها لأن ما تستاهل إلي يصير بيها وأرجع أگول ربي ألطف بحالها لان هي من
-قبل العمليه ويريدون يرفعون صدرها هي نفسيتها زفت وأني هم ظليت حايره هسه ابو كرار موجود يمها بس من يداوم شلون وهاي المهدئات راح ظل عليها لو شلون ورجع تفكيري على دارين من
- چنت احچي وياها گالت سمعت صوت وغلقت الموبايل وصار يومين أتصل عليها والجهاز يدگ ويفصل وما جاوب حرت شلون أريد أطمئن عليها وألي چانت تطمني عليها أم كرار وهسه هي مريضه الله يشفيها رجعت للبيت واني ميته من التعب منا حامل ومنا
-الحر والقهر ياربي شسوي وهذا حملي إلي أبد ما أراجع عليه ومتعجبه شلون هذا الطفل باقي واني لا أراجع دكتوره ولأ آخذ علاج ولأ أسوي سونار حتى جنسه شنو ما أعرف شنو حكمة رب العالمين بهذا الطفل ما اعرف وهاي القضيه شلون نسدت لأن عرف شلون
-يسدها وأني هم إذا اريد أرفع قضيه نفس الوضع بس صرف فلوس وتعب على الخالي بلاش لان راح يسدها وحالتي الماديه ما تسمح وقررت احچي ويا تمام عسى يساعدني ومن هاي هوسة الأفكار كلها تذكرت فاتن بنفسي گلت يا ربي هاي وين صفى بيها الدهر وقررت أتصل بيها
-أخذت الموبايل واتصلت تقريبًا 5 مرات بس ماكو ما تجاوب عفتها بعدها بحدود نص ساعه هي إتصلت عليه سلمت
وگالت - هااا يارين شسويتي على قضيتچ ويا عمار
گتلها- والله رفع قضيه على عمار مو سهل عرف شلون يسدها وهسه حايره وبس الله يعلم بحيرتي
-گالت - الله لا يحير عبده وشلون راح تولدين يارين المستشفى الا عقد زواج لإن حتى يسوون بيان
گتلها - والله ما أدري الله يدبرها من عنده وسالتها على صحتها والبنات
-گالت - اگلچ سامعه المثل ألي يگول الما يرضى بجزه يرضى بجزه وخروف اني نفس الشي ما رضيت بيارين الله سلط عليه اني وبناتي ساره والله بناتي صايرات خدامات ألها وأني خلفله على مرة اخويه إلي يوميه تجيني تخدمني وتروح والباقي على بناتي والله أخاف أموت بناتي منو الهن
-گتلها - يمعوده الله ما يعوف أحد ربچ چبير
بقينه نسولف الى ما تعبنه من السوالف غلقت وياها وأني أشوف هاي الدنيا ماكو واحد بيها مرتاح
رجعت فاتن صحتني على اهم نقطه وهي شلون راح أولد واني ما عندي عقد زواج والله حرت بيمن أفكر وبيمن أحير مر ساعات وصار الليل بس صار شي ما كان بالحسبان گاعدين على العشى آني وأمي والجهال وندگت الباب قوي وياها صوت تعجبت من سمعت منه الغلط والفشار بحيث من فتحت الباب وشفتها ما صدگت عيني ولا أذني دگ بالباب وصيح عليه
-وتگول- ولچ يارين ام الزلم ولچ گحب.... ولچ شحال مو حبلتي بالحرام ولچ لليوم تريدين عمار يعترف بالنغل مالتچ مدري حبلتي من عمار ما أدري من ماهر ولچ تشتكين على فرقد واجتي الشوؤن أخذته ولچ اليوم احرگ البيت بيچ لچن شحال ما مگطمات ما عدچن أحد واحنه لفيناچن بنات الگح....وظلت تغلط وهي ما صارلها 3 أيام من سوت عمليه وياها كرار وهجمت عليه تضربني بس أبنها كرار ما خلاها تضربني واجي أبو كرار وهو
-گام يحچي عليها ويگلها- شلون اجيتي ولچ أنتي مسويه عمليه
بس بعده ماكمل حچيه وهي ظلت تلوب من صدرها وخلت أيدها على صدرها ومن رفعت أيدها بيها دم وتخبل أبو كرار وأخذوها وراحوا بس بعد شنو بعد ما تجمعت علينه الجوارين ونظراتهم بيها ألف معنى
-دخلت للبيت وأني بالي يم دارين إذا الشؤون أخذت فرقد دارين وين ظليت أفكر شلون ياربي أروح على بيت فرقد لو لا بس شلون اعوف دارين بحجر الحيايه وإذا رحت أخاف منهن لا يموتني أني ودارين وخصوصًا بعد ما ام كرار تأذت وهي هجمت عليه هسه يگولن هي ضربتها على العملية وطلع دم أنوب أبتلي بس بعدين ما هانت عليه دارين اتصلت بتمام
-من رد گتله على إلي صار وبلغته بخوفي على دارين وهي وين هسه
گال - هسه اتصل على صديقي إلي قدمتي الشكوى يمه وأسأله ورجعلچ خبر
وبالفعل غلقت ويا الموبايل مرت اكثر من ساعه وآني ميته أريد أعرف شصار بعدني ألوب بالبيت ادخل من الغرفة وأطلع من الصاله أتصل تمام
-وگال- اي صدر إلقاء القبض على فرقد بعد ما ثابت عدهم انه دارين كانت مسجونه عنده وهو هسه متهم بخطفها واغتصابها ومن داخلين ياخذوا ثبت أنه دارين متعذبه ومسجونه لهذا اعتيادي راح يتعاقب وهي هسه هم موجوده بشؤون الداخلية يتحقق وياها وآني وصيت صديقي عليها
-شكرته على تعبه ويانه و وگفته غلقت ويا وظليت أنتظر شراح يصير بس الفرحه ما سايعتني أنه خلصنه من أول واحد بعد عمار
وكلي أمل أنه أخيرآ الحظ راح ينصفنه بس تبقى إنه ألحظ ينصفنه أمل أبليس يدخل للجنة وهذا الأمل مستحيل يتحقق والى حدود ساعه 11 بليل يلا أجتي دارين وياها أبو كرار وأطفالها وهذا كان يوم العيد عندي بس احنه ما مكتوبلنه نعيش يوم براحه وچان أكبر غلط
-ارتكبته بيوم وگفت بوجهه فرقد وأشتكيت عليه لان صحيح مو سهله الوگفه بوجهه ضابط وهذا چان بداية الطوفان ألي أكتسح حياتنه ودفعنه ثمنه غالي طبعًا ما أگول فرحتي برجعت دارين بس أطفالها خلصوا الليل كله يبچون وخصوصًا بروقي ألي يبچي على أبوه
-وهذا الصغير يريد يرضع لأن متعود على الرضاعه والليل كله نخلي بحلگه مي وسكر وما ناموا إلا وجه الفجر بعد ما تعبوا وتعبونه وياهم بس سبحان الله نام بحال ونصحى بحال گعدنه على صوت رگع الباب بطريقه تخلي الواحد يصحى من الگبر مو من النوم طلعت أركض من فتحت الباب طلع ابو البيت أني عبالي جاي على الإيجار گلت بگلبي بعد يومين على الموعد بس طلعت غلطانه
من طلب من عندي أطلع من البيت بعد يومين ظليت أتوسل بي على احنه بشاربك وين نروح بس ماكو أذن من طين وأذن من عجين
عافني وراح دخلت وأني تعابيروجهي مسر لا عدو ولا حبيب
صارت گدامي دارين
-گالت - شكو وليش ابو البيت يريد يطلعنه من البيت
وحچيتلها سالفة ام كرار مال البارحه بعد ما أخذوا فرقد
گالت دارين - حمد لله احنه ياهو إلي نريده عون يطلع فرعون
دخلنه للبيت سوينه ريوگ وتريگنه بس بالي يم هذا الطفل شلون قابل يبقى بدون الرضاعه والحليب وهو بعده صغير عمره ستة اشهر وحتى نوع الحليب إلي ياخذه ما نعرفه وأني تقريبًا أوشكت على الإفلاس وراتب أبويه وراتبي مال الرعايه هم بعد تقريبًا خمسة أيام يلا استلم شلون راح تدبر بس الله اليعلم ومنين راح أجيب فلوس لما أستلم وقبل چنت أخذ من أم كرار هسه بعد إلي صار مستحيل أروح عليها
-وأمي بينت عليها الراحه وحتى كل ساع تأشر لدارين ومن تروح يمها ظل تمسح بخدود دارين
وأني بس الأفكار السوده براسي بعدين گلت اروح أخذ من المحل بالدين وبعدين أسدده رحت أخذت منه حليب ورضاعه وشنحتاج ورجعت للبيت مر اليوم عادي بين سوالف والاطفال ألى الليل بدت دارين الأوجاع عدها من خاصرتها تروح وتجي وحتى وجهه صار أصفر وصرت گدام موقف لا أحسد عليه وراحت السكره واجت الفكره وهي شلون دارين مريضه شلون راح أصرف على علاجها
سألتها شتاخذ علاج
-گالت- والله يارين هنه أكثر من نوع اخذ حتى ما اعرف اسمائهن
بس أحسن علاج لأن من أخذته أبد ما صار عندي وجع وهسه صار لأن ما ماخذه العلاج من البارحه وأني لازم أبد ما اعوفه ومن طلعت بقى العلاج بيت فرقد
-ظليت حايره شلون ياربي هسه العلاج منو يجيبه من بيت فرقد بس شجعت نفسي وگلت أروح أجيب العلاج أو الأغلفة واجيب عليهن لو أعرف اداين واجيب ألها خطيه وما أخليها تتأذى وهذا بروقي إذا يسكت شويه ويرجع يبچي ويدور على أبوه وما خلصنه الليل الا واحنه ارواحنه خلصانه وما نمنه الا الفجر وأني گعدت قبلهم كلهم
ورحت على بيت فرقد بس شنو والله ما أبالغ إذا اگول ما خايفه
بس شسوي حكم القوي دگيت الباب تقريبًا فلشته من الدگ يلا طلعت قمر ومن فتحت الباب شافتني وظلت تعيط وصيح
-أريدها تسكت حتى أگللها على شنو جايه ماكو ما تسكت والناس كلها طلعت من بيوتها ونسوان جوارينهم اجني ويسألن بيها
وهي تگلهن جايه تشمت بينه ما كافي راحن اتبلن على أخويه
گتلها- والله ما جايه اتشفى بس دارين خاصرتها هاج عدها الوجع والعلاج بقى يمكم واجيت اخذه
-وجان تگول - لو تموت آي علاج ما انطيها هذا من فلوس أخويه والچن عين جايه تردين تاخذين شي من عنده
ردت منها بس الاغلفة بس هم ما قبلت والنسوان هم وياها على حرام عليها وسجنته وهو أبو أطفالها ووو حچي هوايه أله أول ما أله آخر رجعت للبيت واني ما أعرف شسوي
-أول ما دخلت للبيت لگيتهم كلهم گاعدين وصحيح إلي يگول المصايب من تجي كلها تجي مره وحده دارين خاصرتها تأذيها وبروقي مصخن وهي سويله كمادات ويبچي يريد أبو والصغير يتقيأ وسهال ظليت حايره شلون ياربي شراح أسوي
بعدين گلت لنفسي احسن حل أروح على ام كرار وأكيد هي ما راح تقصر لأن گلبها طيب
رجعت طلعت ورحت على ام كرار وهوايه ظليت ادگ بالباب يلا طلع زوجها من شافني حسيت بي ضايج مني
بس شسوي ما عندي حل سلمت عليه وطلبت منه أشوف أم كرار
گال- هسه أبلغها
دخل بس ما چنت متوقعه ام كرار راح يكون هذا موقفها مني
وصلت يمي وچان - تفضلي أكو شي
سلمت عليها ما جاوبت گالت - دخلي بالموضوع بسرعه
گتلها- فدوه أريد العلاج مال دارين بقى بيت أهلچ
موقفها ما چان يقل عن موقف قمر
-گالت - شوفي يارين إنتي ينطبق عليچ المثل إلي يگول يخلي أيده بالنار ويگعد يصيح يا فرج الله إنتي نفس الوضع جبتي دارين يمچ وهسه تدورين على واحد يصرف عليها أني نصحتچ وما اخذتي نصيحتي گتلچ عوفيها يم فرقد هو فتره ويهدئ وتنحل الأمور بينهم بس أنتي رحتي تأمرتي عليه ويا تمام شوفي مال عبالچ خلصتوا من فرقد چذب حبيبتي العبي على روحچ مسألة وقت وراها راح تندمين ومن هسه أگلچ إذا مفكره فرقد راح يعوف اطفاله يم دارين إنتي غلطانه وهسه ثبتلچ الأيام كلامي ومال بعد اساعدچن لو تنطبق السما على الگاع مثل ما انتي تحبين اختچ أني هم أخويه اغلى من من روحي روحي حيري بيها أنتي أني ما اساعدچ
-ودخلت وسدت الباب بوجهي رجعت للبيت وأني بموقف بس الله اليعلم بي ظليت ما أعرف شسوي دارين تتلوى والوجهه أصفر وهذا مصخن وهذا بس يتقيأ وسهال حتى تحس عبالك روحه راح تطلع
بقيت خايفه لا يصير عليهم شي گلت احسن حل أتصل بماهر عسى يجي يساعدني
-أخذت موبايلي وطلعت بره إتصلت بي بس ماكو الرقم مغلق يعني غير رقمه ظليت حايره هسه شلون راح أصرف
ما بقى بس تمام إتصلت بيه من جاوبني عرفت هو بالناصريه ما حچيت أي شي عن وضعنه بس عرف أنه دارين رجعت يمنه
نهيت الإتصال ويا وبقينه طول اليوم بين الكمادات لبروقي وهذا الصغير وتقيئه وسهاله للعصر صار إلي ما كان متوقع دارين ظلت تعيط بخبال من وجع خاصرتها وبروقي گام ينتفض بمكانه
انصدمت گمت ما أعرف أصرف بيمن أحير بدارين لو بروقي
ودارين گعدت بالگاع تبچي وتدعي على نفسها من الوجع
بعد ماكو حل إلا إتصلت بأبو كرار ومن رد عليه
-گتله - فدوه ابو كرار سويها لله وتعال أخذ دارين للمستشفى
وهو ما حچى شي وغلق الموبايل أني اصورت أنه رفض المساعده بس لا بعدها بربع ساعه وهو دگ الباب علينه
من فتحت الباب ما دخل بس گال - يلا بسرعه حتى أوديها
وآني دخلت بسرعه لبست ولبست دارين واخذتها هي وأطفالها ورحنه ويا ابو كرار للمستشفى ولكون المستشفى حكومي تعال خلي گلب بعير وتحملوهم تتوسل تواسيل يلا يجون يشوفون المريض
كشفوا على دارين گالوا كليتها انطونه ورقه بيها مكتوب العلاج الي يريدوه وروحي جيبي العلاج من صيدلية من خارج المستشفى وأني ما عندي فلوس بقيت حايره أما بروقي عنده صايره بي شمره وهم انطاني ورقة العلاج وجيبوها من صيدلية خارجيه وقيصوري الحليب إلي جبته من المحل مال كياس يعني مو مال رضع
گالت الدكتوره - حبيبتي هذا بدلوا الحليب مالته الحليب الي دى ياخذه ما موالمه وهم كتبت علاجات
بقيت ما أعرف شسوي بس بعدين گلت اگول لأبو كرار هو يجيب العلاج
رحت عليه وهو خطيه گتله وما قصر اخذهن وراح جابهن ورجع
دارين وأطفالها خلولهم مغذي وبي آبر لمى خلصوا المغذي يلا طلعنه
من دى يرجعنه أبو كرار باوع على دارين بالمراية
وگاللها - بس أريد أعرف شحصلتي هسه بنتي إنتي متصوره فرقد يعوف اطفاله يمچ ولچ أنتي غير متدرين شسوه من عرف أنتي ماخذه اطفاله ولچ تخبل وهسه لو يعرف اثنينهم مرضى وبالمستشفى والله بس الله اليعلم شيسوي
-گتله - ابو كرار يعني تبقى ويا الى ان تموت شنو متريد عمرها
گال- والله يا أختي أنتي بشو تفكرين ما اعرف بس من هسه اگللكم اتحملوا إلي راح يجيكم من فرقد ترى إلي صار ويا مو شويه من اجتي الشؤون أخذته لهسه هو ساكت ومن يسكت بس الله اليعلم شراح يسوي
-سألته دارين - على فرقد شنو ردة فعله من عرف أخذت أطفالي
گاللها- دارين أنتي أكثر وحده تعرفين فرقد وأني متأكد حتى وهو بعيد عنچ إنتي مرعوبه منه
رجعنه للبيت وكل وحده بينه إلها تفكيرها
دارين- بعد رجعتي يم أهلي وأني أكذب إذا أگول أني ما خايفه لا الخوف إلي عندي من فرقد أنه شنو راح يسوي بيه من يطلع وأكو سؤال بقى بداخلي وهو أنه أني وأطفالي راح نگدر نعيش بدون فرقد وهسه شصار ويا بالشؤون وراح يسجنوا لو شيسون وأني من اخذت أطفالي هذا تصرف صحيح الى ما خاصرتي گامت توجعني وأخذني أبو كرار للمستشفى أني وأطفالي من رجعنه وحچى ويايه على فرقد والله أحس روحي نقبضت لأنه مجرد ذكر أسمه گدامي يرعبني
-رجعت للبيت واني تفكير موتني هسه أني طلعت من يم فرقد شسوي هسه وأطفالي منو ألهم ومنو راح يصرف علينه يعني يارين شصير
وهي حامل وامي مريضه واطفالها وبنت معتز كلها عليها گلت أحسن شي لازم أعرف موقفي القانوني بس من منو أستفسر أحسن حل أسأل الباحثة بس شلون أسألها وأني ما أعرف رقم تليفونها ومن گلت ليارين بشنو أفكر
-گالت يارين - عندي رقمها لأن ماشاء الله صرنه صديقات من ورا عمار
وبالفعل إتصلت بيها يارين وبعد السلام عليها
گالتها يارين - أختي إلي وصلتيها لبيت زوجها ويا أبن خالتچ وعمته تريد تحچي وياچ
انطتني يارين الموبايل وسلمت عليها وحچيتلها كل شي صار
-گالت- أي حبيبتي ترفعين عليه قضية نفقة لأطفالچ وألچ بس إذا انتي تطلگتي ما ألچ نفقه بس لا أطفالچ
وبقيت أستفسر منها الى ان گالت الباحثه جمله صدمتني بيها
گالت- هااا صدگ نسيت أگلچ إذا نحكم ما ألچ نفقه لا انتي ولا أطفالچ الى أن يطلع من السجن
-إنتهى الاتصال بيني وبينها وأني بدوامه من أفكار تاخذني وجيبني يا ربي راح أبقى طول عمري مصيري مرتبط بمصير فرقد صحيت على نفسي من بچى قيصوري اذكرت هذا يريد حليب وهسه أني آي فلوس ما عندي ولازم أراجع بي دكتور حتى أعرف شنطي من حليب بس اذكرت هو چان يم قمر يعني تعرف الحليب ألي ياخذه بس يا ربي شلون راح أعرف أسمه
-اجتي يمي يارين وهي شوفني أريد أسكت بقيصوري أخذته مني وگتلها- شلون راح نعرف شنو چانت تنطي قمر من نوعية الحليب
گالت - لازم أم كرار تحچي وياها وأني علاقتي صارت مو هلگد وياها من يوم اشتكيت على فرقد
گتلها- أني أروح عليها واحچي وياها
-انتبهت على الساعه حدود التسعه بالليل وأني أدري بيهم يسهرون أخذت عبايه من يارين ولبستها وأخذت ابن يارين وطلعت والله أمشي وخايفه هاي أول مره أطلع بالليل لما وصلت لبيت ام كرار
أني أركض ركض گد ما خايفه
ظليت ادگ بالباب عبالك مداهمه طلع أبو كرار من فتح الباب تفاجأ بيه گال - شبيچ خير صاير شي
-گتله - فدوه بس أريد احچي ويا ام كرار
وهو هز راسه وعافني ودخل بعدها طلعت أم كرار من شافتني
گالت - شنو وحده رايحه وحده جايه شتردين
گتلها- فدوه ام كرار قيصوري تخربط اريد بس أسم الحليب مالته وسويها لله أريد علاجي بقى بيت فرقد
-گالت- انتن سون إلي سونه وتجن بعين قبيحه تريدن واحد يساعدچن ومن سجنتي فرقد حتى ديحين عدل هسه أنتي حيري بروحچ والله بالبدايه شگد چنت اساعدچن واگول خطيه بس هسه أبد
بعدها تحچي وأني أتوسل طلع أبو كرار گام يحچي عليها وانه هي گلبها طيب وما تحمل حقد
وهي هم سكتت
-گال- ابو كرار روحي بنتي هسه أني وام كرار نروح عليهم
أني رجعت للبيت لگيت أطفالي يبچون أحير المن أسكت وخصوصًا ما يعرفوني وما اجوني ام كرار وزوجها الا الساعة ب12 جايبين ملابسهم حليب ألهم وعلاجي نزلهم ابو كرار واجتي أم كرار انطتني فلوس أني بالبدايه عبالي منها ما قبلت اخذهم بس هي
گالت ذني مو من عندي هذني من فرقد مصرف للجهال
اخذتهن وأني متعجبه معقوله أتقبل أني أخذت أطفالي منه عادي وحتى يدزلي مصرف دخلت الغراض جوه ودخلت أخذت علاجي وانطيت حليب لقيصوري وناموا وأني على العلاج نمت گعدت ثاني يوم على يارين وهي
تگلي- هاچ هاي الورقة أستدعاء من الشوؤن
گتلها - يعني شنو أرجع أروح مره ثانيه
گالت _ أي روحي شوفي شيريدون منچ عسى تخلصين من فرقد
ظل بالي شلون أروح ومنو يروح ويايه لا عندي اخ ولا أحد أعتمد عليه ظليتي ما اعرف شسوي بس أخذت قراري أگول لأبو كرار يجي ويايه على الشؤون أخاف أروح وحدي
ومر يومي عادي إلى العصر طلبت من يارين تتصل بأبو كرار وتبلغه انه يجي ويايه وهو هم من عرف ما قصر خطيه على ثاني يوم اتواعدنه وأني گعدت من الصبح وهو ما تأخر بدلت ومن آجي ابو كرار طلعت وياه بعد ما وصيت يارين على أطفالي ركبت ويا السياره بس ما أنكر الخوف إلي مسيطر عليه والارتباك من ارتباكي
-سال ابو كرار من گال - شبيچ بنتي
گتله- خايفه شيريدون مني يريدون
گال - والله بعد ما أعرف أنتي توصلين وتعرفين بس أنتي فكرتي ترى فرقد مو راح يخلي ألي صار يمر مرور الكرام
گتله- هذا إلي مخوفني شلون اذا فرقد طلع هسه أكيد ما يعوفني
-گال - مو بس أنتي تمام هم ما راح يعوفه واذكري كلامي وهذا الوضع ما يدوم أني چنت دائما ضد تصرفات فرقد وياچ بس اذا تجين للحق هو حقه ترى مو شويه الرجال من تنزل دموعه واني شفته بعد ما انهزمتي منه گلي أحمد كسرتني وخلت اليسوه والما يسوه يعيرني فلا تلومي
-گتله - والله أبو كرار أني طلعت چنت خايفه منه
گال- بنتي بس بعد إلي صار صار بعد منگدر نحچي بي بس هذا تصرفكم الاخير من اشتكيتوا عليه بالشوؤن خرب الأول والتالي
إنتي فكرتي من يعوفچ منو الچ بنتي ترى احنه عايشين بغابه وأنتي مريضه وانتن نسوان وحدچن منو الچ على الأقل فرقد زوجچ وچان حريص عليچ هسه منو ألچ
بصراحه كلام أبو كرار صحاني على زماني ما چنت مفكره بهذا كله
خيم السكوت الى أن وصلنه الى الشؤون
دخلونه وصلونه يم المكتب إلي حققوا ويايه بي المره السابقه مر حدود نص ساعه وجابوا فرقد ويمه واگف ولد ضابط وأكو واحد أريد اذكره منو ما عرفته بعدين عرفته منو بس اكو شي عجبني وستغربته بنفس الوقت وهو انه فرقد نظراته بارده من ناحيتي حتى ما أهتم لوجودي أصلًا كأنه ما موجوده
-وطلع واحد من المكتب وصاح عليه دخلت وهم نفس الوضع هوايه ظلوا يسألون وأني إجابتي أكثرها چانت على المشاكل إلي بالبيت
وهمه يسألون على شغله واني كل شي ما أعرف على شغله إلى ان گال واحد - عيني أنتي مشكلتچ بالمحكمه مو يمنه هو قدم عقد زواجكم عقد عليج بواسطة وكالة عامه والدچ ناطيها للمحامي وتم زواجكم ما عليه إي مسأله قانونية وإذا على إنه حابسچ ويضربچ تكدرين تشتكين عليه بالعنف الأسري وتكدرين هسه تتفضلين تروحين الله وياچ
-گتله - سيدي عفيه بس أريد نسخه من العقد
گال - هسه انطيچ نسخه
وبالفعل صاح على واحد وأخذ العقد واستنسخوا وانطاني نسخه من طلعت اجتي عيني بعين فرقد نظرته چانت بارده من ركزت نظري بي دار وجهه عني
طلعنه أني وأبو كرار من الشؤون بس شنو ما أحس روحي تحررت بالعكس صرت أحس اني مسجونه جوه روحي طلعت وبالرجعه سألني أبو كرار گال- شراح سوين وشنو قررتي
گتله- بعدني ما مفكره لهذا اشوفني مشوشه لسه ما أخذت قرار
گال- فكري عدل ترى ماكو واحد يفيدچ وأنتي عندچ أطفال
-رجعت للبيت وأني ما أعرف أخذ أي قرار بشأن فرقد أبد بس عجيب هذا الإحساس ألي عندي ليش ما فرحانه أنه أني بعيده عن فرقد ليش أحس روحي تلوب واحس راح يصير شي بس شنو ما أعرف من شافتني يارين دخلت ظلت تسأل وعلى أدق التفاصيل
بس شهگت وگامت ادگ على وجهه من عرفت أنه فرقد ما متهم تخبلت
-گالت يارين - ولچ دارين يعني فرقد راح يطلع
گتلها - شمدريني بس آي مسألة قانونية بخصوصي ما عليه ويگلي إلي حقق ويايه انه اكدر أشتكي عليه بالعنف الأسري
گامت تضحك يارين وتگول- من أحصل اني شي من الشكاوي تحصلين أنتي بابا كل عقلچ روحي أنصحچ أشتكي عليه بس لاتتطلگين لان اذا اطلگتي ما ينطوچ نفقه الچ بس لجهالچ
أخذي نفقه الچ ولجهالچ وهوضابط وراتبه زين يعني ينطوچ نفقه زينه تعيشين منها أنتي وجهالچ
-ومرات الأنسان من يكون مشوش أحسن حل لا ياخذ قرار لأن مية بالمية راح يكون غلط وهذا كان أكبر غلط أرتكبته من سمعت نصيحة يارين ودفعت ثمنه غالي
ثاني يوم رحت على المحكمه وشتكيت على فرقد لنفقه إلي ولأطفالي
وكملت القضيه البلاغ بقى بس يوصلوا اله رجعنه للبيت وعلى ثاني يوم رحنه للمركز حتى يوصلون البلاغ لفرقد انطيتهم عنوان بيته ورجعت وبيومها بالليل اجتي ام كرار ما حجت ويا يارين وجهه ثگيل على يارين
-گالت - تعالي دارين نحچي بس اني وياچ
طلعنه للكراج گالت أم كرار- دارين ليش رفعتي قضية نفقه على فرقد هو مو دزلچ مصرف وهو كل ما تريدين مصرف يدزلج وهم ولده قابل يعوف ولده دارين أنتي تصرفاتچ صايره يا مغرب خرب ترى ما راح تعمين بس على نفسچ روحي تنازلي قبل ما توگفين بالمحكمه گدام فرقد
أني بالبدايه بصراحه اقتنعت بالحچي مالتها وعدتها إنه ثاني يوم أروح أتنازل عن الدعوه ضد فرقد
راحت ام كرار ومن دخلت سألت يارين
گالت- شبيها أم كرار ليش اخذتچ بالكراج تحچي وياچ
گتلها- تريد أتنازل عن القضيه ضد فرقد وإني گتلها باچر أروح أتنازل
من سمعت يارين هذا الكلام تخبلت
-گالت- لا ما تروحين وعوفي القضيه تكمل واخذي حقوقچ وحقوق جهالج بالقانون وشوفي لما خايفين چان ما اجتي أم كرار تريدچ تتنازلين
گتلها- يارين الله عليچ أنتي مقتنعه بهذا كلامچ صدگين فرقد يخاف وهو دز مصرف وشنو نحتاج وگالت اي شي تحتاجي هو يدزلچ بعد ليش القضيه
گالت - لا تتنازلين أخاف بعدين يريد يسوي شي وياچ ما يگدر أنتي ثبتي حقچ بالمحكمه
-أني بصراحه صايره مشتته ما أعرف شفكر كل من يحچي ويايه أگول كلامه صحيح لهذا أخذت كلام يارين وما رحت للمحكمه وتنازلت وبعدين عضيت اصابيعي ندم لكون ما اخذت بكلام أم كرار
يومين على من اجتي ام كرار وبيومها العصر ندگت الباب
طلع أبن يارين ورجع
گال - ماما هذا أبو شوارب يريدچ
طلعت يارين وبعد ثواني من طلعتها سمعت صوت رجال عالي طلعت وأسمع الرجال
-يگول ليارين - أني مو نبهتچ وگتلچ ألچ يومين وطلعين وهاي اليوم اربعة ايام وأنتي ما طالعه
ويارين تجاوبه - عمو والله ما عدنه بس الله وأنت وين نروح بس أستلم الراتب انطيك الإيجار وإذا تحب زيد ألايجار أني انطيك والله ما عدنه مكان وين نروح وأمي مقعده وعدنه أطفال
بس ابو البيت ما قبل بأي عذر وگام يصيح على اطلعون من البيت باچر أجي أريد البيت فارغ وتنطوني بس مفتاحه
ركب سيارته وراح دخلت يارين وجهه أصفر ينطي ألوان من شافتني
-گالت- ياربي وين نروح وهذا البيت أيجاره مناسب وباچر يريد البيت هو إذا أريد أدور بيت هم أقل شي نريد فترة أسبوع يلا نلگى بيت وهاي أمي مريضه ما أريدها تسمع وهي حتى التطور بحالتها كلش بطيئ
گتلها- يارين نشوف بيت ثاني وأني عندي الفلوس الي دزهن فرقد انطيهن للإيجار وخلي نخلص
گالت- منا الباچر الله كريم يجي واتفق ويا ينطيني بعد 3 ايام ونشوف بيت
دخلنه للبيت گعدنه يم أمي وكل وحده تفكر بالايام الجايه شضامتلنه
صار الليل واحنه تقريبًا بعدنه على ارتباكنه أخذت أطفالي بحضني وأفكر شلون احنه ما عدنه أحد ودنيا تلطش بينه احنه بنات شريد نسوي واثنينه عدنه أطفال راح تفكيري على فرقد إي شي صار بينه
شنو نتائجه من بين تفكيري أنتبهت اطفالي نايمين هذا الصغير بحضني وهذا على راسه على رجلي حطيتهم بالفراش ونمت الليل بس كل ساع افز وحتى من اگعد أتخيل أشياء ترعبني گعدت الصبح مكسره من گعدت يارين وبطنها صايره چبيره بحيث حركتها بثقل صبحت عليه
گالت - اليوم راح أطلع أروح للمحكمه ومن أرجع أشوف بيت
بعدها ما مكمله حچايتها ندگت الباب
گتلها- اگعدي أني أطلع أشوف منو
طلعت فتحت الباب چان تمام والحجية رازقيه والله من شفتها احس
گلبي طار من مكانه ومن حضنتها وبوستها وهي دفع بيه
تگلي- يع مصارين اني مو أگلچ ترى أكو كناري ولازم أكو تبعد بينه
ابتعدت عنها ودخلتها بس تمام سلم عليه وما قبل يدخل من دخلنه للبيت سلمت على أمي وگعدنه نسولف
گالت - أني اجيت أزور موسى الكاظم سلام الله عليه وگتله لتمام ما أرد لديرتي إلا أشوف مصارين عبالي بعدچ يم غيوم أم لسان الطويل
گتلها - لا رجعت يم أهلي وظليت اسولفلها على الصار كله
گالت- تريدين الحگ انتن غلطانات زلمه ذبنه بالسجن إنتي بعد ما ألچ رده عليه خربتي على نفسچ يا هو الچ وانتن حتى زلمه ما عدچن بنتي انصحچ روحي شوفي زلمتچ وين وصالحي وتحملي منه ترى بعدين يقسى گلبه ومن يقسى شگد يحبچ بگده يكرهچ
بعدها وما بقت هوايه من دى تطلع من شافت أطفالي بوستهم ونطتهم مصرف وطلعت وصحيح يگولون الأكبر منك بيوم أفهم منك بسنه
-ويا ريت لو ماخذه بكلام ام كرار لو بكلام رازقيه لكن قدر الله وما شاءالله فعل ما ندرك قيمة النصيحه إلا من نوگع بالغلط
مر يومنه عادي لليل صار إلي ما كان بالحسبان حدود الساعه الواحده منتصف الليل كلنه نايمين گعدنه على صوت أقسم بالله كأنه احنه في ساحة حرب صوت أنفجار على صوت تكسر الجام مال الغرفة إلي احنه بيها ولأن البيت مو چبير هو بس غرفة ومطبخ وصحيات صار الصوت مرعب گعدوا الجهال مفزوعين وصوت الصراخ مالتنه أني ويارين والجهال تصرخ وتبچي وما فهمنه هذا شنو بس نسمع صوت الناس وهما يصيحون علينه ويگلونه أطلعوا بعد اكو وحده لا تنفجر عليكم أخذت قيصوري وضميته لصدري وأخذت بروقي بيدي ورحت أركض على الباب أنوب الله ثولني أريد أعرف المفتاح وين ما أشوف شي گدامي والباب زاد الدگ عليه واحنه انرعبنه أكثر والله انطبق علينه ترى الناس سكارى وما هم بسكارى احنه نفس الوضع اجتي يارين هي ألي فتحت الباب
وأني وأطفالي أول الطالعين من هذا الرعب من رعبي طلعت للشارع أركض حتى ما أسمع شيگولون وحتى ما نداريت ورايه وشفت شصار بيارين وأمي گد ما خايفه على أطفالي ركضت مسافه
وگفت أخذ أنفاسي گد ما تعبت من وگفت يلا أنتبهت أنه بروقي يبچي وهذا قيصوري يصرخ
-رجعت أنتبهت أني وين واصله وعيت على نفسي ما لابسه نعال وحتى بدون حجاب رجعت أمشي وأني وبروقي ودنيا ظلمه تخوف
من وصلت قريب على بيتنه شفت اضويه مال سيارات أحمر وأزرق ومن تقربت شفت سيارة مال شرطه وسياره مال جيش والناس كلها مجمعه قريب على بابنه من بين الناس دخلت وشفت واحد واگف
-قريب على يارين
ويگلها- عدكم عداوه ويا واحد
وهي بعدها ترجف حتى ما تعرف شتحچي أني بقى بالي يم أمي
أريد اشوف أمي وين ظليت أتلفت بس من ألتفتت ناحية الباب الرئيسي نصدمت
من شفت فرقد گدامي
_____💘💘❤❤❤
بارت 6
عذريتي مقابل برائتي
بقلم الكاتبة الزهيرية الزهيرية
لا احد يعلم كم كافحت وكم تألمت
لا احد يعلم عنك أكثر مني
فلا احد يعلم ما أصابك
لا احد يعلم معاركك الخاصة مع الحياة
ومع نفسك
لا احد يعلم ما الذي زعزع امانك
وقتل عفويتك
وأطفئ نورك
لا احد يعلم كم كافحت كم خسرت
كم تألمت
كم تعذبت
لا أحد يعلم من انت
يارين - عواقب تصرفاتنه الغير مدروسة راح توگعنه بشر اعمالنه
من اشتكيت على فرقد چان همي اساعد دارين بس أني خسرتها كل شي ولو يرجع بيه الوقت چان ما سويت إلي سويته بس لو بعد متفيد
من رجعنه من المستشفى ويا أبو كرار من حچي ويا دارين على فرقد والله ما انكر اذا اگول ما خايفه بالعكس الخرف صار أكثر لأن اذا طلع فرقد ما راح نخلص لهذا صرت أفكر شلون وين ننهزم نروح للناصرية يم الشيخ شاهين ما يفيد لأن إذا رحنه راح تثبت تهمة أنه دارين عدها علاقه بتمام وما أصور بعد الصار الشيخ راح يقبل يساعدنه بقيت حايره والله لا يحير عبده وأني بتفكيري صارت عندي أوجاع بطني ذكرت هذا الطفل خطيه شلون بي وشراح أسوي ويا عمار بعدين گلت نفس الوضع هو أشتكي عليه بالشوؤن اتصلت بتمام وحچيتله وضعي
-گال- أي أشتكي عليه بالمحكمه وبعدين حتى تتأمنين انه يوصله التبليغ لا توصلي أله عن طريق المركز انطي للمبلغ إلي بالمحكمه هو يبلغه
شكرته ونهيت إتصالي ويا بقى أسوي هذا الشي والله كريم طلعت ثاني يوم ورجعت رحت يم الباحثة وگتلها على ألي أقترحه تمام
ضحكت وگالت - والله ما أدري تمام صاير خريج حقوق حبيبتي يگدر من يرحون ما تلگي ويطلع اي واحد بالبيت يگول انتقل من هذا البيت وبهذا الشي يكتب لم يستدل على عنوانه ونفس الوضع تنرد الدعوه لإن ما سويتي شي نفس الوضع
-گتلها- والحل شنو والله تعبت وهذا الطفل راح يجي واني بعدني أركض ورا عمار
گالت - والله أني مثلچ ما اعرف شنو الحل بس نرفع القضيه وننطيها
للمبلغ إلي بالمحكمه ونشوف عسى ولعلى يصير حل
گتلها - أكو شي اني زوجته الأولى علاقتي بيها زينه أگدر أتفق وياها أنه هي تستلم التبليغ وتنطيهيا
-گالت - أي أحسن حل هسه أوصي المبلغ باچر تجين الصبح يطلع وياچ وأنتي اتفقي وياها حتى من يروح المبلغ هي تكون قريبه على الباب وتطلعله وتستلم التبليغ بهذا الحال أجى يحيلوه للفحص ياخذون منه عينه من تولدين بخير وسلامه يطابقوها ويا العينه إلي أخذوها منه إن انطبقت عليه يثبتون الطفل ابنه وينسبوا اله وأن ما حضر نفس الوضع ينسبون الطفل اله لأن يكون تبلغ وما أجى
-رحت رفعت قضيه ثانيه ودخلت الباحثة وقعتها يم القاضي وطلعت انطتها إلي سويت تبليغ واتفقت وياها على ثاني يوم اجي على بس أخذ المبلغ وأروح رجعت للبيت وللعصر أجى أبو البيت وراد البيت من عدنه وظليت أتوسل بي بس ما قبل وراح اتفقت ويا دارين ثاني يوم اروح اشوف بېت بس قبلها أروح للمحكمه
-ولليل اتصلت بفاتن وگتلها على كل شي وهي هم ما قصرت
گالت- تعالي أنتي والمبلغ بس قبل لا توصلون اتصلي عليه حتى يساعدني بناتي واگعد بالكراسي المتحرك ومن تجون أكون قريبه على الباب وأني اطلعلكم واستلم التبليغ
غلقت الموبايل وياها وكلي أمل انه رب العالمين راح ينصرني ونمت ذيچ الليله وأني أنتظر الصبح بفارغ الصبر
- گعدت الصبح بهمه ونشاط وبيومها اجتي رازقيه وياها تمام من راحوا اني طلعت ورحت للمحكمه وأخذت المبلغ واتصلت على فاتن أنه احنه راح نوصلهم بعد شويه وهي ماقصرت من وصلنه أني بقيت بالسياره والمبلغ دگ الباب وبالفعل طلعت فاتن وقعت على التبليغ وأخذته بس سعادتي ما تنوصف رجعنه اني والمبلغ للمحكمه وثبتت بالقضيه إنه هو تبلغ وبقى بس يجي على يوم المحكمه
- رجعت للبيت والله الفرحه ما سايعتني وأخيرًا وصل التبليغ
بس للمغرب أجى عمار وهو يفور ويرعد
من ندگت الباب بهمجيه عرفته عمار طلعت ومن فتحت الباب
گال- شوفي لچ خاف عبالچ أني خايف لا حبابه تحلمين والله جنيتي على روحچ وهسه شسوي بيچ حلال
وراح والله تعجبت على قباحته بس ليل صار إلي ما كان بالحسبان كلنه نايمين وصار صوت رعبنه بحيث گعدنه ما نعرف شنو هذا الصوت
- وحتى من صراخنه وصراخ الجهال گمت كل شي ما اشوف بس شفت دارين وهي تجر بالباب وتريد تفتحها واني گمت فتحتلها الباب ونسمع الناس ألي بره يصيحون أطلعوا بعد وحده راح تنفجر
بعد ما شفت دارين وأني طلعت جهالي بره ورجعت أريد أطلع أمي
دخلوا الناس وساعدوني أطلعها
- بعدها اجتي دورية مال شرطة وبعدها سياره مال شرطه وگاموا يحققون وگالوا أنه هاي رمانات صوتيه يعني متأذي بس صوت سوي قوي ومن شمروهن وحده اجتي بالجام وكسرته وحده ما أنفجرت وظلوا يسألون بالناس بس أكو شباب گالوا احنه شفنه ولد اثنين ملثمين على دراجة ناريه شمروهن وراحوا وطلب أبو دوريه أنه شكو بيت مركب كاميرا يشوفون التصوير واذا موجوده مقطع مال ذوله اهل الدراجه موجود يسلموا للشرطه
-ورجع يسأل بيه عندكم عداوه ويا واحد شكون بواحد بعدني ما حاچيه صارت دارين گدامي رجع كرر نفس السؤال أنوب أني تاهت عليه منو هيچي سوه فرقد لو عمار چنت أريد اتهمهم اثنينهم بس صار فرقد گدامي نرعبت منه وسكتت
- اجى فرقد أخذ اطفاله من دارين بحضنه وگام يبوس بيهم وهذا بروقي شلون حضن أبو وتقدم فرقد من هذا ألي صار ساعه يحقق
وگال - أخوية أني عقيد فرقد أريد تقيدلي الحادثة كلها بمحضر رسمي وأريد جيبلي نسخه منه
وهذا الصار مثل الالف ودگ تحيه ورجع صور البيت شلون البقايا مال الانفجار
- رجع فرقد انطى اطفاله لدارين وراح بس أنتبهت من دى ينطيها الأطفال قرب حلگه يم اذنها بس ما أعرف شنو گاللها
راح فرقد والشرطة ودورية الجيش هم راحوا والناس كلمن راح لبيته دخلنه للبيت وهو عباره عن فوضى گعدت دارين بالگاع وأطفالها بحضنها
-وظلت تندب الحظ وهي بعدها ترجف من هول الصدمه عزلنه البيت من الجام المتكسر وگعدنه وبعدها الصدمه بينه ومنعرف شيصير بينه بعد والله ذاك الليل ما غمض ألنه جفن للصبح احنه گاعدين ومن 6 الصبح إجى أبو البيت يهد ويرعد على خربتوا البيت
وانتوا ناس مشبوهين وما طلعون من البيت ألا تنطوني تعويض والتمت الناس وهو يصيح وكلها صيح حقه وفرض علينه ندفع مليونين تعويض اله عن الأضرار الي سببناها لبيته وعلى هذا الإتفاق راح أبو البيت
-دخلت للبيت ودارين صارت گدامي من شفتها نزلت دموعها
وگالت - بس أريد أعرف احنه شسوينه والله هيچي يعاقبنه والله وين ماكو واحد ما بگلبه رحمه يسلطه علينه وهسه هذا من وين راح نجيب اله تعويض شنو نبوگ وننطي ظليت لا ابث ولا أستلم من گد ما أحس راسي راح ينفجر من التفكير هسه هذا منين اجيبله فلوس
-للعصر اجتي أم كرار وظلت تلوم بدارين على أنتي خسرتي وهسه لو گاعده يم فرقد چان أنتي بأمان بس أنتي ظليتي يوميه مسويه هوسه وحقه الرجال بزع منچ روحي شوفي غيرچ شلون يتممن بس يباوع عليهن وأنتي تتعيقلين عليه بصراحه بعد ما اتحملت
- گتلها - وعليمن يتمنن شو هو شايب عايب على شنو بعد عد أقلها تعوفه وتروح تزوج الأحسن منه
تخبلت ام كرار گالت- وعليمن يجي الأحسن منه على سمعتچ الحلوه شو حمدلله سيرتچ على كل لسان
هنا بعد ما تحملت صار الصياح بينه وهي گامت تغلط عليه وأني أغلط عليها ألى ما صرت عصبيه
وگتلها- شحال ما الله خله بيچ عله چان شسويتي
وهي تخبلت گالت - حمد لله مريضه والناس تدعيلي أصير زينه مو حبله من واحد وأركض ورا حتى بس يعترف بأبني
- گالت كلمتها الأخيره وطلعت وهي من طلعت ظلت دارين صيح عليه
وتگلي- شبيچ تخبلتي مريضه وتعايرين بيها
ظليت متفاجئه على دارين شوكت كبرت وگامت تعلي صوتها عليه وحسيت على غلطي من عايرت ام كرار بمرضها
ورجعوا الشرطه وجهوا أستدعاء ألنه علمود حادثة الانفجار إلي صار بيتنه حتى ياخذون اقوالنه
ظلت دارين متردده تروح لو متروح الى ما حسمنه امرنه ورحنه ثاني يوم بس حمد لله ما توصلنه الى الفاعل لأن إلي جايين راكبين دراجه ناريه وملثمين ودنيا ليل وماكو شاهد عيان شافهم واحنه ما گدرنه نتهم فرقد أو عمار أو أي شخص كان لان تعتبر تهمه بدون أي دليل ملموس
- رجعنه للبيت والمثل إلي يگول مثل ما رحتي اجيتي احنه هم الظاهر نأيس ما نگدر لأن إي شي من ناحية الحكومه ما راح يصير
رجعنه واحنه نضرب أخماس بأسداس منعرف شنسوي
لازم نعوف البيت ونعوض أبو البيت واحنه منو يعوضنه بس الله اليعلم مر اليوم عادي إلى ان أجى أبني
گال - ماما موبايلچ يدگ
اخذته منه شفته رقم فاتن بالبدايه أستغربت بعدين رديت ويا ريت لو ما راده أو لو الله گاص لساني ولا راده على الموبايل
لأن أول ما رديت گتلها - هلو فاتن اگلچ بس لا عرف عمار احنه متفقين على موضوع التبليغ
وچان أسمع صوت عمار وهو
-يگلها-تعالي بنت الكلب تتأمرين عليه والله إلا اموتچ أنتي وذيچ الساقطه والله لا اخليچ تندمين على عمرچ وبعدين سمعت صوت العياط ما فاتن وبعدها نغلق الموبايل ظليت بالي يمها وأريد أعرف شصار وياها بس المن اسأل
- دارين - صار الانفجار وهاي أول مره يصير بيه هيچي وأسمع صوت يرعبني بعد ما ركضت وطلعت أني واطفالي من انتبهت على نفسي رجعت للبيت لگيت الشرطه ودوريه مال جيش وگفت
أشوف أمي وين اني التفتت ناحية الباب شفت فرقد والله لو ماخذ الله عمري ولا شايفته لإن أموت خوف منه وعب گد ما راهبني
- وأني اطفالي اثنينهم يصرخون أجى تقرب عليه أخذ بروقي لحضنه وظل يبوس بي وقرب وجهه على قيصوري وظل يبوس بي
راح يم هذا أبو الدوريه وعرف عن نفسه وذاك خطيه هم دگ تحيه
وآمر أنه حتى تصوير يصورون والله في وقتها عبالي
راح يساعدني بس كنت غلطانه
- من كملت الإجراءات رجع بروقي يمي وقرب حلگه يم أذني
وچان يگول - اي شي يصير على أطفالي والله أنتي وعشيرتچ ما تخلصون مني
وعافني وراح وهذا بروقي ثبر الدنيا بالبچي عليه من دخلنه للبيت
سألتني يارين على شگال فرقد
وهي تگلي - يمعوده خلي يولي لا تخافين هذا لكون اخذتيهم منه
- سكتت لان آني ما مقتنعه أنه فرقد يخاف وأعرف آنه أكو باله شي
ويريد يسوي بس شنو هذا ما أعرف وشنو هذا الهدوء إلي عنده
اي شي افكر بي أريد اطابقه على شخصية فرقد ما تحظرني فكره عليه وليش هذا الهدوء العنده
على ثاني يوم استدعونه للمركز حتى يسمعون اقوالنه بداية الآمر ما قبلت أروح خفت بس بعدين رحنه وچنت عبالي راح أشوف فرقد هناك بس چنت مخطئه ما شفته ولا أجى من رجعنه للبيت واجتي ام كرار سألتها شلون عرف فرقد بالانفجار واجى
گالت- اساسآ فرقد چان يمي لأن أبو كرار ما موجود راح يبات خارج البيت ومن صار الانفجار سمعنه بس ما عبالي انتوا بس من الهوسه ألي بره طلع من رجع گلي على الموضوع
- مر يومين حتى شفت ردت فعل فرقد وهذ شي ما چنت متوقعته من ندگت الباب طلعت يارين وبعد شويه رجعت وبيدها ورقة بس أشوفها مو على بعضها وهذا چان شي مو بحساباتي من سألتها شنو هاي الورقة
گالت- فرقد رافع قضيه بضم حضانة الأطفال اله أني تخبلت ما چنت متوقعه هذا الشي
أخذت الورقه من أيدها بس ما چانت ورقه وحده لا چانت ورقتين تبليغ وحده طلاگ وحده ضم حضانه تخبلت
- من حلات روحي لبست عباتي وطلعت أركض رحت على ام كرار ظليت ادگ على الباب بقوه الى ان طلع أبو كرار
گتله - أبو كرار أبوس أيدك أريد أشوف ام كرار
گال- عوفن ام كرار لأن هي مريضه عندچ شي بعد روحي على فرقد ذاك زوجچ احنه شكو وبعد عفيه لا دخلون ام كرار بأي شي يخصچن ودخل لبيته وسد الباب
- رجعت وأني منهاره شلون ياخذ اطفالي مني والفكره إلي رعبتني انه راح يطلگني معقوله بعد ما أكون على ذمة فرقد وبعد ما اگول أني زوجة فرقد واي شي يربطني بفرقد ينتهي
گالت يارين- وين رحتي شم گبل طلعتي
گتلها - يارين والله أموت إذا طلگني فرقد واخذ أطفالي مني
گالت- يمعوده اخلصي منه شسوين بي
گتلها - أني اي تصرف اصرفته ويا ربي يشهد من حبي اله وغيرتي عليه من حرگت گلبي منه ومن أنه صارت منتهى زوجته شرعيه
وهسه راح يطلگني ولچ أموت يارين ما أتحمل فكرة أنه أكون طليقة فرقد گعدت بالگاع وظليت ادگ على وجهي بكل قوتي
- اجتي يمي يارين ولزمت أيدي وهي
تگلي - شبيج تخبلتي بعد إلي سوا بيچ وبعدچ تحبي وتريدي
گتلها - ولچ أحبه كلمه قليله بحقه گولي أموت عليه روحي من الدنيا هو
من شوغت روحي ما اگدر اگعد بمكان واحد ما ادري وين أروح روحي تنازع أحاول أهدئ روحي ما أگدر باوعت على الساعه حدود الوحده إلا ربع الظهر من حرگة گلبي ما اهتميت لا بظهر ولا بالحر طلعت اركض ويارين أصيح ورايه ولچ تعالي تخبلتي وين رايحه
بس أني ما اهتميت وصلت لراس الشارع وأخذت تكسي ورحت على بيت فرقد وگظيت الطريق كله ابچي وصلت لبيت فرقد احس گلبي نار ظليت ادگ بالباب والجرس سوا طلعت حياة من فتحت الباب گبل دفعتها ودخلت أركض
وأصيح- وين فرقد اريد احچي ويا طلعت عمتي من غرفتها وقمر هم وعمتي استلمتني على شكو جايه وشتريدين منه وأنتي هجامت بيوت واذا ما طلعتي هسه اعيط والم الناس عليچ
- بس أني ما اهتميت ردت أصعد الدرج أريد أشوف فرقد فوگ لو لا
شفت أبن منتهى طلع من الغرفه إلي بصف غرفة قمر
واستلمتني قمر تغلط وتفشر عليه واني هم عفتها وصعدت فوگ شايطه گلت بنفسي هسه هو ويا منتهى بغرفتي رحت لغرفتي السابقه إلي كانت تجمعني بفرقد بدون ما ادگ الباب
دخلت وهو من دخلت أني انتبه عليه لأن چان مخلي هتفون بأذانه
گبل گام وبعد الهتفون
وگال- شجابچ هنا
بعدني أريد اجاوبه دخلت منتهى وياها عمتي
وگالت منتهى - شدخلچ هنا انتي ما عندچ أحساس
گالت عمتي- أمشي اطلعي منا وبعد لا تجين فهمتي سجنتي وجايه هسه عليه أمشي ولي اطلعي لا هسه أشتكي عليچ واگول هاي باگتنه
وهي اجر بيدي أني جريت أيدي منها وعطت بيهن بصوت عالي
وگتلهن- أني ما جايه عليچن جايه على فرقد من أجي عليچن طردني
-ورحت ركض صرت ورا ظهرفرقد وهو
گال - يمه أنتي ومنتهى انزلن هسه بس أشوف دارين شتريد
گاللتله- شلون تبقى وياها لو جايه تدحس بيك مثل الگح..... حتى ترجع طردها لهاي الدايحه
گاللها- يمه مره ثانيه من تجي دارين ما أسمح لواحد يطردها شوكت ما تجي هلا بيها هذا بيت ولدها
وعمتي ظلت تهز بيدها وتگله- هااا حنيت لو شتاقيت للگح.... مالتك
وهو ظل يصيح ويكفرويگللهن أطلعن بره
وهن طلعن بس عمتي تغلط عليه وهو راح سد الباب وراهن وچان
يگول- تفضلي احچي اسمعچ
تقربت عليه گتله - صحيح تريد طلگني وبعد متريدني فرقد آني دارين إلي تحبك وتموت عليك والله ما أگدر أعيش بدونك
بعده يباوع عليه تقربت عليه حاوطت رگبته بيدي وخليت شفايفي على شفايفه
-وهو گبل دفعني قوي حتى وگعت
وچان يگول- لا تسوين هاي السوالف مال الگح.... لأن اني لعبت نفسي منچ ولا تتقربين مني فهمتي
رجعت تقربت عليه ونزلت على رجله وبستها ورفعت راسي
وگتله - الله يخليك فرقد لا طلگني والله والله أعيش خدامه بس لا طلگني
گال- صدگي چنت اتمنى أسمع هذا الحچي منچ گبل بس هسه لا گمت ما أحب أسمع صوتچ هسه صرتي تريديني ولچ ما چنت أجي يمچ وألا احس بيچ بلگوه متحملتني ولچ حتى من أجي يمچ تريدين دائمًا حتى رغبتي تذليني بيها مو عبالك زوجتي عبالك وحده تتقصد تهين المقابيلها وأسكت واگول ميخالف بعدها صغيره وبعدين تكبر وتفهم ولچ من اجتي عليه الشوؤن وأخذتني ندمت على الساعه الدنت بيها نفسي عليچ
بس وصلت مرحله فهمت أنه أنتي ما يفيد وياچ اي شي لهذا يا بنت الناس أني بعد ما اريدچ أني الي يمچ بس أطفالي ما اخليهم يمچ لو تنطبق السما على الگاع
روحي يا بنت الناس اني بعد ما أريدچ واذا عندچ ذرة كرامة تعالي للمحكمه حتى نطلگ ورحي الله وياچ وشوكت ما تريدين شوفين أطفالچ تعالي
- هنا بهاي اللحظه حسيت أني متت وخسرت كل شي
گتله - فرقد والله چنت اسوي ألي أسوي من غيرتي عليك وخصوصًا بعد ما عرفت انت زوجت منتهى
گال- راح اگلچ شي هذا بس حتى اوضحلچ اقسم بكل كلمه بالقرآن ماكو وحده گدرت على فرقد بس أنتي وماكو وحده چنت اطلب رضاها بس أنتي وأني بيه طبيعه ما يهمني المقابيلي شيفكر بيه والله ما أبرر موقفي لآي أحد بس أنتي چنت يمچ مثل الطفل وربي يشهد بس چنت أريد احتويچ وتحتويني بس للآسف فشلنه وأقسم بالله من يوم ألي دخلت بيچ والله ما حلت بعيني غيرچ وشگد چنت احب علاقات الرغبه بس من زوجتچ صرت أموت منها وأحب هذا الشي الا وياچ وآمني يا بنت الناس عمري ما راح تحلى بعيني غيرچ والله العظيم منتهى بالنسبه ألي أخت وبس وهسه تگدرين تروحين الله وياچ واشوفچ بالمحكمه
- وراح فتح الباب وأشر براسه بمعنى اطلعي بره طلعت من غرفته
وهو سد الباب ورايه بس أني دى أفوت من يم باب غرفة حياة أنتبهت على سما بالغرفه أسوي حركات غريبه ما فهمت شنو هاي الحركات نزلت وأني دموعي تصب وتأكدت أنه إلي بيني وبين فرقد نكسر وألي ينكسر بعد ما يصلح من نزلت شفتهن الثلاثي المسموم
وعمتي بس شنونظرة الشماته بعيونهن طلعت بس أكو صوت
گلي- مو گتلچ طلعتچ من هذا البيت على أيدي
ألتفتت شفتها حياة گتلها- الله يمهل ولا يهمل يجي يوم والله يظهر الحق بس ساعتها تكونين خسرتي أعز شي عندچ وطلعت من هذا البيت إلي چان بالنسبه أليه بيت الحب والرعب
-رجعت للبيت اني راسي گوه افسر أي كلمة واحد يگلياها واحس ريگي ناشف شگد أشرب مي نفس الوضع أني أبقى عطشانة ظل أبو البيت يوميه يجي يسوي هوسه گدام بابنه دفعناله الإيجار مثل ما راد
لأن يگول- الا دفعون التعويض يلا طلعون
وهاي چانت هاي أول مساوئ الطلعه وحياة بدون فرقد مرت الأيام
واحنه نفس وضعنه بس فرقد يجي يشوف أطفاله ويروح وحتى من يجي يجيب ويا كرار أبن حوراء وهو يبقى گاعد بالسياره وكرار يجي ياخذهم يشوفهم وينطيهم فلوس ويروح إما أم كرار ابد بعد ما شفناها مرت علينه الأيام بحلوها بمرها أني أجى موعد المحكمه مال النفقه بس ما رحت على الجلسة وسقطت الدعوه واجى يوم تمنيته ما يجي أبد أو أني ميته وما أشوفه موعد جلسة الطلاگ والحضانه لان هو رفعهن بنفس الوقت أني قبلها بيوم اتصلت بالباحثه
وحچيتلها على موضوعي ويا فرقد
گالت الباحثة - حبيبتي أله حق يطلگچ عادي ماكو أشكال بس الحضانه ما من حقه من حقچ أنتي وهو ملزم يدفع نفقه للاطفال
- ومن غبائي نسيت أذكر حادثة الانفجار لهذا كانت هاي أهم نقطه ركز عليها فرقد گعدت من الصبح بعد ليله متعبه من التفكير وأني اباوع على اطفالي الي ما أسمح لأي أحد ياخذهم مني ويرجع بالي على فرقد ألي هذا اليوم الأخير أني بي على ذمته بدلت أني
گالت يارين- أجى وياچ
گتلها- لا أبقي يم أمي والأطفال أني أروح وحدي
وبالفعل طلعت حدود السبعه ونص الصبح وأخذت تكسي وصلت للمحكمه من شافوا إلي باب المحكمه التبليغ
گالوا - قضيتچ يم الشرعيه
طلعت بالطابق الثاني بعده ما جاي فرقد والله چنت أتمنى بعد ما يجي للمحكمه
ويگلي - ما اطلگچ وتعالي ارجعي ويايه
بس تبقى الامنيه امنيه لإن صحيت من تخيلاتي على فرقد واگف مقابيلي هو والمحامي مالته
- بقينه واحد يتبادل النظرات ويا الثاني لو يرجع بيه الوقت چان مستحيل اصدگ أنه يجي يوم ونوگف أني وفرقد بالمحاكم واحد ضد الثاني ما اعرف وين راح المحامي ورجع حچى ويا ورجع عليه
گال المحامي - تعالي يم الباحثة
صدگ تحولنه اني وهو يم الباحثة وبدت تسأل على المشاكل وانه احنه عدنه أطفال ولازم نفكر بيهم ان كان أكو مشاكل نگدر نحلها
بعدين گالت الباحثه - تگدرون تاخذون وقت تتفقون بي آما إمساك بمعروف آو تسريح بأحسان بس هو رفض أي فرصه
وگال - لا بعد هاي هيه خلص وصلنه لطريق مسدود لهذا تسريح بأحسان أحسن وأفضل
أني گال هيچي لو دموعي گامت صب شافتني الباحثه
گالتله- فكر شوف گامت تبچي يعني بعدها تريدك
گال- لا أني مفكر وحاسم امري هذا أحسن حل أليه والها خلي كلمن يروح لحال سبيله ويشوف حياته بعيد عن الثاني
بس هو يحچي وابد ما يباوع عليه
گالت الباحثه- تگدرون تتفضلون هسه أكمل البحث وانطي للمحامي
- طلعنه وگفنه قريب على غرفة القاضي الشرعية شويه ودخل المحامي يم القاضي وطلع واحد من غرفة القاضي
وصاح- فرقد ودارين
هو تقدم وگال- أني فرقد
أني احس رجلي يرجفن لأن بعد ثواني أصير غريبه على فرقد نفتح الباب ودخل فرقد وأني أعصابي كلها ترجف احس عندي غثيان وجع راس وگدامي ألباب وأخاف أدخل لأن بس أعبر هذا الباب أصير بعد ما أحل على فرقد
إلى ما هذا الواگف بالباب صاح يلا أختي مشيت بس مثاقله دخلت يم القاضي كل واحد من عدنه وگف بجهة وبدا المحامي بالبدايه بقضية الحضانه وبعدين بطلاگ وقدم الملفات القضيه
سألني القاضي - أنتي گاعده إيجار
گتله- أي
گال- صحيح معتدين على بيتكم برمانات صوتيه
گتله -
صحيح
گال -القاضي وقت النطق بالحكم فرقد انت ودارين واحد يوگف مقابيل الثاني وأرمي عليها اليمين
صرنه واحد مقابيل الثاني واثنيناتنه واحد يباوع بعيون الثاني
وچان يگول القاضي- يلا أرمي عليها اليمين
گال فرقد- أنتي طالگ
مو گال طالگ لا حكم عليه بالاعدام وبعدين كمل القاضي حكمه من
گال- وبضم الحضانه لفرقد على ان يتم تسليمهم بالمحكمه وتحت أنظار القاضي بعد أسبوع رفعت الجلسة
أني طلعت من يم القاضي أول ما عبرت الباب قوتي كلها إنهارت وگعت بالباب على ركبي وهو طلع وشافني وعبر من يمي ولا كأنه يشوفني
أجني أكثر من بنيه ذني إلي عدهن مراجعات لو على طلاگ لو جايات ياخذن ورقة حكم ظلن يرشن مي على وجهي وهن يسالن شبيچ عد وحده جاوبتها- خطيه يمكن اطلگت
وهن بعدهن يسالن گتلهن - إي طلگت
عد وحده چان تگول- هاي بس بالبدايه تنصدمين بس بعدين لا عادي
گومني طلعت شفت فرقد دى يصعد سيارته هو شافني بس صعد سيارته وراح رجعت للبيت أول ما شافتني يارين
گالت- ها شسويتي
أني مثل الفاقده أگول إلها فرقد طلگني وأخذ اطفالي گعدت بالگاع وأني گمت الطم على وجهي واعيط واگول فرقد طلگني وأخذ أطفالي بحكم محكمه گمت فتحت الباب مال الصاله
واباوع للسما واگله ربي شسويت وهيچي تعاقب بيه وبعلو صوتي أعيط واگول شسويت بعدها ما حسيت بشي
- حسيت وأني بالمستشفى ومعلگيلي المغذي ويارين يمي وابو كرار
إلي من صحيت گلي - حمدلله على سلامتج بنتي
گتله - الله يسلمك فرقد اخذ أطفالي
گال - لا بنتي ما اخذهم أنتي صيري زينه والله كريم ربچ يحلها من عنده
أنتبهت أنه احنه بمستشفى أهلي تعجبت منين ندفع حق المستشفى
بس ما فهمت ليش اجيت على مستشفى أهلي كملت المغذي وطلعنه والطريق كله ابچي وابو كرار ويارين يهدئون بيه الى ما وصلت للبيت دخلت اخذت أطفالي بحضني أريد أشبع منهم قبل لا ياخذهم فرقد
بعدين عرفت انه من تخربطت هو طالب من أبو كرار يجيبني لمستشفى أهلي وهو دافع تكاليف المستشفى وحتى من چنت بعدني ما فقت چان هو موجود بس بعدين دافع الحساب وطالع
بعدين عرفت انه أني من الشوطه مال الطلاگ صاير عندي سكر گالتلي يارين
گتلها - حمد لله بعد شأشوف أكثر من هيچي ربي شتاخذ مني بعد حتى ترضى
- مرت أيامي أسود من السواد وكل ما يقترب موعد المحكمه احس گلبي راح يطلع من صدري ونرعب يعني راح ياخذون أطفالي واظل بدونهم والله اگعد بالليل أبوس بيهم واشم ريحتهم واظل اباوع عليهم أريد عيني تشبع منهم ماكو أحس أريد اخليهم بصدري وأجى اليوم الموعود ليله كامله أني ما نايمه مگابله أطفالي وگاعده واتمنيت ما يجي هذا الصبح ابد بس اجى هذا الصبح الاكشر ولازم أروح أسلم أطفالي لفرقد بدلت ألهم واني واني دموعي صب عليهم واخذتهم ورحت للمحكمه اول ما دخلت ورحت قريب على مكتب قاضي الشرعية لگيت فرقد گدامي جاي قبلي بروقي أول ما شاف أبوه راح يركض عليه وهو هم اخذه بحضنه وظل يبوس بي ظليت
اباوع عليه وحضنت قيصوري قوي أحس أريد ادخله بگلبي مو بس بصدري بس ما يفيد ما مر وقت هوايه حتى صاحوا بأسامينه اني فرقد دخلنه يم القاضي سلمته بعد قيصوري وبروقي بيده أصلن وقعت يم القاضي على تسليم أطفالي لفرقد
- ورجع هو سلم گدام القاضي خمسة ملايين مؤخري اخذتهن وقعت أنه استلمت مؤخري بس شنو طلعت ارجف وهو أخذ اطفالي وطلع من گدامي يمشي وأمشي وراه واباوع عليهم الى ان صعدهم بالسياره وراحوا واختفوا من نظري رجعت للبيت منهاره وابچي أول ما شفت أمي گدامي
گتلها- كله بسببچ اخذ أطفالي بس گليلي شوكت أخلص راح أظل طول عمري أدفع الثمن
وهي تباوع عليه وما أعرف شتحچي بعدها مرت أيام هدوء بس گلبي يم أطفالي شلون يا ربي يعني خلص بعد ما أشوفهم ردت أروح على أم كرار بس أعرف أنه هي مريضه إلى ان حسمت امري ورحت على ام كرار من طلعلي أبنها
گال- والله أمي نايمه
ردت أروح بس طلع ابو كرار وصاح عليه
گال- دخلي بنتي تعالي
دخلت أخذني أبو كرار لغرفتهم دخلت شفت ام كرار نايمه بس تعجبت من شفتها ضعفانه صايره من الضعف كأنه هيكل عظمي
والسواد حول عيونها قاتم
گتله- شبيها ابو كرار ليش هيچي صاير بيها
گال - قبل أيام رحنه راجعنه الدكتور گال منتشر السرطان بجسمها
وهي منا نفسيتها تعبانه لهذا كتبلها على آبر منوم حتى لا تتعذب
صدگ هنا نزلت دموعي على هاي الانسانه إلي چانت بمثابة ألأم والأخت أليه نزلت على أيديها وبستها وراسها هم بسته وتمنيت من الله يرحمها بساعتها الاخيرة
طلعت من يمهم واني منتهيه من قهري على أم كرار رجعت للبيت وگتلها ليارين على ام كرار هي هم راحت زارتها من رجعت أول ما دخلت للبيت
- ندگ الباب رجعت يارين فتحته طلع أبو البيت يريد التعويض المليونين والنه لراس الشهر ونطلع من البيت
دخلت أخذت مليونين من المؤخر مالتي وطلعت انطيتهم اله بقت يارين تدعي عليه وبعد راس الشهر باقيله 10 أيام ويخلص لازم بحدود هاي الأيام نلگى بيت
بيومها بلليل سمعنه صوت عياط قوي طلعنه للباب وجان اكو
ولد بالشارع سألنه أني ويارين شنو هذا صوت العياط
گال- أكو وحده بالفرع إلي ورانه ماتت
گالتله يارين - منو هايه الي ماتت
گاللها - اي أم كرار
أني ويارين نصعقنه من الخبر لبسته بسرعه وطلعنه نركض وصلنه لگينه هوايه ناس يم بيتهم مجمعه دخلنه شفنه تابوت نايمه عليه بنتها
وقمر وحياة بس منتهى وام فرقد ما شفتها
انهاريت گعدت يم التابوت أني ويارين وبچينه عليها هاي الانسانه الطيبه راحت سكنت بجوار ربها ورحمها من معاناتها خطيه بنتها ملخت شعرها وجهه كله زلغته بأظافرها وهي تون وتبچي على أمها
گوه لازماتها أني ويارين دخل فرقد
وصاح - يلا سون طريق إكرام الميت دفنه
دخل أبو كرار ويا فرقد ويا واحد انصدمت من شفته
.
________
حبيبتي ممكن اشوكت اتكملين القصه فدوه ابسرعه
ردحذففدوه كملي الجزاء الثاني
حذفرحمه على اهلج وعشيرتج امين جبتي هذه القصه مو روحي طلعت اويلي عليج ام كرار اويلي عليج دارين اويلي عليه لان شفت هذه القصه خاف اني فرحانه بحياتي بعد
حذفهههههه طك كلبي ع هل قصه
حذفدنيا شكد حقيره وفعلن لا ضلت حكومه ولا انسانيه ما شايف محكمه تخاف من الضباط
شوكت تكملين القصة حب
ردحذففدوه.ستعجلي.وكملينياه.والله.حته.حلم.كمت.حلم.بيه.فدوه.كمليه
ردحذفكملي
ردحذفشوكت التكمله
ردحذففدوه حبيبتي كمليه
ردحذفكملي القصه ليش تاخير
ردحذفرجائا كملي القصه انريد نشوف النهايه
ردحذفاذا القصه مكامله المفروض متنزل لحد متكمل يالله تنشر
ردحذفتم
ردحذفكملي القصصصه!!!!
ردحذففدوه اريد التكمله الله خليج
ردحذففدوة نزلي التكملة والله عبالك مضيعة روحي انتضر بس تنزل
ردحذفوالله همين انه من ليمته انتضر وتوني الكيت مكمله وهم بعدها ماكامله
حذفمتكولين شوكت تنزل التكملة مو أختنكت
ردحذفممكن التكمله
ردحذفعفية القصة عليكم الله كملوها
ردحذفالله يخليج التكله ويين
ردحذففدووه كملييي والله مبقه صبرر
ردحذفيويلي ضيم هل قصه عليج الله كملي القصه صبر ما ضل عندي
ردحذفالله يحفظج كملي قصه
ردحذفشوَت تنزلين بقيت القصه
ردحذففدووه كمليي
ردحذفخاطر ربج بعد لا تنشرين اذا ما تكملين القصةو الله من وراها حلفت بعد ما اقرا قصص
ردحذفتره والله شلعتوا كلوبنا كملوها اشكد قاريه قصص بس مثل هيك قصه طولون بيها كوه مشفت كولو خطيه اكو مشاهد ينتظر
ردحذفاي ولله
حذفيعني شوكت تنزلون
ردحذففدوه التكملة حبابة
ردحذفيووو. يلا نزليها تره بالنبي متت مطلعت قصه
ردحذفيالله كملي مطلعت قصه شنو الف ليله وليله
ردحذفنزلي تكمله
ردحذفوين التكملة ما صارت قصة هاي
ردحذففدوة تكمله وشاون يصير عندي علم م̷ـــِْن تنشرين
ردحذفحبي كملي الباقي. فدووه
حذفقصه جميله جدا اتمنى تكمله قصه انشاء الله نهايته سعيده دارين فرقد
ردحذففدوه شوكت تنزلين التكمله صار ١٠ ايام
حذفشوكت تكملين القصه مو شلعتي گلوبنا 🥴
ردحذفشوكت تكمله ونبي ع اعصابنه منتظرين
ردحذفالبارت يلي بعده جنت مشوقه حتى اشوفه وهسه اتمنيت لو ماشايفته راح اكولج مختصر من البارت لان كل ماادخل اشوفج امعلقه حتى اتعرفين شنو صار
حذفللأسف فرقد طلقها واخذ جهالها وام كرار اتوفت هاي اهم شي صار بالبارت
كمليه فد مره حتى لو اسبوع مينزل
ردحذفكملينه القصه مو طلعت روحي
ردحذفهاي بعدج ولج موتينه هسه كمليها هي قصه الخاطر الله اشكد طولتيها علينا وهيه قصيره 😡👿😈
ردحذففدوه كملي
ردحذفكملي،بليزززز 😭😭😭😭
ردحذفرحمه المحمد مو روحي طلعت شنو هل عذاب والضلم بس عليج الله وابروح كل عزيز كملو القصه
ردحذففدوه.كملو.القصه،،🥺🥺🥺
ردحذفتكملة القصة فدوه
ردحذفشوكت تكميلن القصه فدوة
ردحذفيله شوكت تكملوه القصه مو طكت كلوبنه بعد ماعندي صبر
ردحذفصار كم يوم والقصه بنفس المكان شوكت تكمل صار عدنا ملل
ردحذفيااختي.رحم.الولديج.ستعجلي.وكمليه.والله.طكت.رواحنه.من.النتظار.
ردحذففدؤه كملو قصه لو اهنا لو علئ يوتيوب
ردحذفعفية كملي الله يخليج شصار بعد ما دخلو فرقد وابو كرار وياهم واحد شافتة دارين وانصدمت
ردحذفشوكت كملي الله يخليج
ردحذفعفية كملي القصة شو وكفتي لحد ما ماتت ام كرار
ردحذففدوه كملي والله كاعده ع نار بلييز🥺
ردحذفبنات تره الكاتبه متوفي احد اقاربها اني اتواصلت وي البنيه صاحبت القصه الهسبب متوقفه عن الكتابه كم يوم وتنزل تمام
ردحذفعفيه خل تكمل القصة والله طكت كلوبنا نريد نعرف النهاية مال القصة
حذفاشوكت تنزلين بقيه القصة
ردحذفالله.ينطيهم.الصبر.نشاالله.ويرحم.ميتهم.يارب.
ردحذففدوه.ممكن.التكمله
ردحذففدوة حياتي من تكمل بس القصة ممكن تخليلي قلب فدوة
ردحذفعفيه فدوه كملي بسرعه متت اقدر ضروفج بس هيك هواي صارلج ممنزله
ردحذفعفيه كمليها متشوقه اشوف شصار بعدين بلييييييس
ردحذففدوه كمليهه
ردحذفراح انساها القصة فدوة دنشروا ختفتهم شصار
ردحذففدوه كمليها والله اكضي وكتي كله وياها اريد نهاية حزنهن وانتقام رب العالمين من كل ظالم
ردحذفوين التكملة مال قصة
ردحذفوين تكمله
ردحذف....
ردحذفوين التكملة
ردحذفيلة يمعودة وين تكملة القصة ترى ماكو هيج ليش اتخلونا نقرأها ومتكملون يعني وإذا مات احد من عائلة الكاتبة الله يرحمة بس شنو تطلع السنة مالتة يالله تكملين القصة
ردحذفتره الفاتحه يوم شل قصه صار سنه
ردحذفعفيه بسرعه ليش هل تأخير
ردحذفكملي لقصه صارلج شهر مكو فدوه كمليهه
ردحذفكملي القصه صارلج شهر شبيج يمعوده😭😭ولله حلوه القصه كمليها الله يرحمه ام كرار ويجعل مثواه الجنه
ردحذفيلة كمليهة كافي عاد ننتضرج بفارغ صبر عفية حبي
ردحذفليمتا تكملين
ردحذفممكن تكملت القصه لو سمحتي
ردحذفشنو السالفه ليش لسه ممكنلين القصه طلعت رواحنه شطولها شوكت تخلص 😢
ردحذفشنو نسيتوها للقصة صار كومة انتظرها رغم انو عندي امتحانات فاينل بس هم اريد اعرف التكملة
ردحذفعفية شوكت تكمل القصة صار
حذفحياتي كمليهة القصة تخأخرتي بل نشر
ردحذفاي ولله
حذففدوة كولي حموت 😢
ردحذفاكلجن بنات شو بحثت على كوكل كاتبه هاي نهايه القصه مافهمت شلون نهايه
ردحذفلا بعد هو اي احداث
حذفهيه بس لو تكوللنا من الاخير شصار
حذفحتى نسيت اسمائهم واحداث القصة دكملوها ترا مطلعت فاتحة بالهواي اسبوع مو سنة😒
ردحذففدوه كملبهه عفيه
ردحذفشوكت تكملونه والله تعبت وني انتضرهه 🥺🥺
ردحذفعفيه كملي القصه والله طولتيهة😤😡
ردحذفبعد كل هذا الانتظار المفروض تنزل البارتات الباقية كولها مو تنزلون بارت لو بارتين😒
ردحذفحبابه نزلي تكمله القصه مو كولش حبيت القصه وتأثرت بيه وربي.. ا لله يرحم امج ويسكنه فسيح جناته يارب
ردحذفها لحد هسه ماكملت
ردحذفياريت لو تكملوهه لان كمت اشوف دارين بمنامي
ردحذفكملي القصه ليش لسه ماكو
ردحذفلوسمحتي كملي القصة او اكتبيلنا سبب لعدم تكملتها بليز
ردحذفعفيه يمته تكمل القصه صار شكد هاي واذا مخليتها بغير رابط نطونياها
ردحذفاي عفيه انطينه الرابط عاد تره ملينه ننتضر
حذفو ين صارت التكمله صار شهر ونص حتى القصة نسيناها
ردحذفالصراحه صدك نسيناها بله هاي شنو جاي تستفزنه
حذفعفيه كملي القصه تره والله حته نسينه التفاصيل او كليلنه شنو السبب وعفتي متابعينج
ردحذفشوكت تكملين لقصه رجاْن جاوبي عليه 🥺
ردحذفشوكت تنزل تكملة القصة
ردحذفوبعدين وياكم لا انتو تردون وتكولون بعد مننشر التكملة ولا انتو تنشروها يعني شنو معناها هالتصرفات
ردحذفموجودة التكملة نزلتهة
حذفوينها؟؟ وين نلكاها
حذفباليوتيوب موجودة
حذفتره ما طلعت قصه دكمليها وفضينا صار شهرين ممنزله صدك جذب
ردحذفوين تكمله رحمه للكعبه
ردحذفوين باقي القصة
ردحذف